زوجة زوجي

1 - مقدمة طويلة

جالسه امام المرايه تمشط شعرها بكل برود .. ما تحبه ولا تملك اي ذرة مشاعر تجاهه حتى انها تزوجته بإجبار اهلها

رغم ذلك تحس ان الموضوع يمس من كبريائها كـأنثى .. او هذا اللي استمروا يقولونه لها اللي حولها وانها لازم ماتسمح لزوجتة الجديدة بإنها تتغلب عليها

قاطع حبل افكارها طرق الباب وقبل ما تعطي موافقة للطارق انفتح الباب وكان خلفه مشاعل وبشاير

الشخصين اللي المفروض يكونون امها وخالتها

: زوجك وصل ما تجهزتي للحين؟ تبين يقولون عنا الناس الزوجة الثانية لراشد المنصور اول ما جت من شهر العسل قدرت تكسر كبرياء وشموخ "يسر" المنصور ومانزلت تبارك لزوجها

: ماتبين اقهويهم بعد؟

قالتها بتهكم من عادات مجتمعها الذكوري الميؤوس منه بالنسبة لها

: تباركين له غصبن عنك هذا زوجك مالك غيره والشرع محلله اربع

: تبينه يروح للحرام؟

اكملت خالتها كلام امها على امل تسكتها بجملتها السحرية .. سحرية بظنها

: رايح له من زمان..

بسخرية نطقت جملتها

صرخت مشاعل بوجهها

: كم مرة قلت لك انسي هالسالفة نزوة وانتهت لا تعيدين وتزيدين بهالموضوع !

~~~~~~~
8:47 المغرب

نزلت من درج القصر الواسع بهدوء خلف امها اللي تتصنع السعادة لصهرها بينما يسر كلفت نفسها بابتسامة
خطوا باتجاه الصالون وسط  ضحكات اهل راشد وترحيبهم الحار فيه وبزوجته الجديدة

طاحت عينها عليه وعلى زوجته واللي كانوا ماسكين ايدي بعض بالمقابل انتبهت الاخرى لها

من خلال نظرتها الثاقبة بالناس واللي ما تخطئ ابدًا..
ماتطمنت لها

انتبه راشد ليسر وقام فاصل يده عن يد زوجته اللي بان على وجهها انزعاجها من حركتة

ابتسم وهو يتقدم من يسر وعيونه مليانه حب : ياهلا
بادلته الابتسامة وحضنها بخفة ورجع يتأمل وجهها اللي اشتاق له خلال هالشهر الطويل بالنسبة له .. او للمصداقية ماحس انه طويل الا لما شافها

لأنه ذكر وبالغالب والطبيعي وبنسبة تتجاوز التسعين بالمية انه مايملى عينه الا التراب.

سحبها مع يدها وهو يقدمها لزوجته الجديدة : هذي زوجتي يسر .. يسر هذي زوجتي "ريناد"

مدت يدها ببتسامة : الف مبروك

بينما صافحت المدعوة ريناد يدها بلطافة : يبارك فيك

انتهى هذا اليوم الطويل بالنسبة لكلتيهما
~~~~~
بعد مرور اسبوع

اصوات معدتها اجبرتها تنزل من غرفتها قبل خروجها للدوام
واجهت العاملة اللي سكبت لها قهوتها المره وبدت تجهز لها فطورها المعتاد
لاحظت كوب راشد على الطاولة وسالت بفضول : راشد طلع؟
: ايوه مدام راح للدوام

: سولي اطلعي فوق نظفي غرفتي

قالت ريناد جملتها تزامنًا مع دخولها وفتحها للثلاجة
انصاعت العاملة سولي لكلام سيدتها الجديدة ريناد واللي اخذت علبه مويه وتقدمت للطاولة اللي تجلس عليها يسر واللي بدورها ما ناظرتها واكملت فطورها بهدوء

جلست مقابل يسر : صباح الخير

رفعت يسر نظرها وماقدرت تخفي استغرابها من بجامة ريناد المثيرة
: ذي لايكون تحسبني راشد
قالت جملتها الساخرة بينها وبين نفسها وردت ببتسامة : صباح النور
انتبهت ريناد لنظرات الاستغراب ونطقت بنبرة لعوبة : اعجبتك؟
رفعت يسر حاجبها باستغراب

: اسمعيني ، بما ان مافي غيرنا بالبيت خلينا نكون صريحين شوي .. ما اتقبلك وبالمقابل الطبيعي انك تكرهيني لاني سرقت زوجك ، لذلك خلينا نوقف ابتسامات ونفاق لاني ما اتحمل اجاملك

_________
انتهى