: تبارك...تبارككك وينجج اني مُهيمن تعالي اطلعي
: ليش ليش عفتوني يمه مو تدرون يضربني ويخوفني ليش عفتوني
: اشش يلا كافي حبيبتي هاي اني يمج لتخافين كافي لتبجين هياتني والله ما اعوفج هاهيه هو راح بعد ميجي
: ضربني حيل ضربني شوف شلون يدي صارت زركه
: كسر بأيده أن شاء الله اني اعلمه يلا هسه كافي مو هياتني يمج والله ما اعوفج بعد والله وحتى جبتلج هاي اللعابه الي جنتي ترديها
: ماما وين؟!!
: بعدها بالمستشفى يومين ويطلعوها لتخافين بعد من اريد اروح الها اخذج ويايه ما اعوفج يمه بعد... تجين تنامين بحضني؟
: أي
.
.
.
.
.
.
.
.
مُهيمن هو كل اهلي اني ما عشت حنان الاب بس هو عوضني عن كل لحضه اذتني بسبب بابا جان هو بالنسبه اليه اب واخ وصديق وحتى اخت، جنت احسد روحي على هيج اخ لان جان فعلاً سند وينشد بي الضهر جان يتخبل اذا احد اذاني ويامه ويامه وكف كدام بابا من جان يريد يضربني وهو الي يحصل الضربه بدالي جان بابا من يجي بالليل شارب وميلكه شي بالثلاجه يجي يعيط ويصيح واله يكتل واحد بينه وجان مُهيمن دائما يختلني بالغرفه ويقفل عليه الباب حتى ما انكتل ويطلع هو لبابا ومن جنت اجي من المدرسه ابجي جان يجيبلي حلويات الاحبها حتى اسكت ومرات الالعاب هم، ابد ما قصر ويايه بشي وصار كلشي اليه بهل دنيا لحد ما كبرنه وضلينه محافظين على اخوتنه وحبنه بس كمنه نواجه ضلم ابونه ونحمي امنه هم.... ندكت الباب بقوة رحت دا افتحها طبو الشرطه دفعوني واخذو مُهيمن واني بس اريد افتهم شكو شصاير ضليت اعيط ومجلبه بأيد مُهيمن وهو يكلي لتخافين راح ارجع والله ممسوي شي واني مخليت أمام محلفتهم بي حتى يعوفو وماما منا مجلبه بيهم وتتوسل يعوفو لحد ما اخذو طلعت وراهم اعيط بنص الشارع واركض وره السياره لحد ما عثرت ووكعت وره شويه سمعت نسوان يعيطن لكيت ماما واكعه ومضروب راسها بعتبه الباب اني تخبلت ماعرف لمنو التفت ماما لو مُهيمن رحت ادور على سيارة مُهيمن ملكيتها اجه ابن جيرانه اخذني اني وماما للمستشفى واني قميصي كله دم ودموعي عشره عشره طببو ماما للغرفه كلولي يرادلها خياط وحالتها بعدها ممستقره لان ما عدها مناعه اتجاه اي مرض او شي يصيب جسمها ضليت كاعده يم الغرفه انتظر الدكتور يطلع يبشرني كاعده يم الباب وحاضنه نفسي وضامه وجهي واون وابجي اتمنى اكون دا احلم او كابوس اخويه بالسجن وماما ماعرف شنو وضعها ردت اخابر على ايه او حلا بس نسيت غراضي كلهن بالبيت
ايه: هاي شبيها لا هي ولا اخوها يجاوبون حيموتوني
حلا: اكلج هسه على شنو جايبتني وياج
ايه: اسكتي تنرفزت ليش محد يجاوب
حلا: هسه تلكين كابه العيطه بسبب ابوها
ايه: عزة بسلا مُهيمن تعارك وياه خلي نروح شو گلبي مامطمني اكو شي
حلا: يمعوده عركاتهم عاديه حتى همه متعودين
دا اسولف وياها ودك التليفون ...الو هلاو مُعتصم شلونك
أنت تقرأ
خفــايا القدر
Romanceجميعُنا نحاول الهروب من الماضي من شيء استنزف كل طاقاتُنا الى الحد الذي جعلنا اشخاص اخرين أشخاصاً غير معروفين وغير قادرين على معرفة انفسهم فكيف للآخرين من معرفتهم ليله واحده كفيلة بتغيير الشخص من مرح ومُحب للحياة الى شخص يعيش لا يعرف نفسه وطريقه.. ش...
