حلا: صباح الخير بابا
علي: صباح النور حبيبتي، البارحه شوكت رجعتي محسيت عليج
حلا: طلعنه من وكت من المستشفى وصلت تبارك وامها للبيت وضليت يمهم لليل رجعت واليوم اكمل امتحاني وارحلها خطيه تقهر الخاطر
علي: الله يكون بعونهم وينظرلهم
حلا: امين بابا يلا تعال خلي ناكل ميته جوع
علي: خابرني مُعتصم يكول مدا احصل حلا
حلا: يووو نسيت اشحن فوني همزين ذكرتني
البارحه العصر فصل ونسيت أمره
علي: الله يساعدج بنيتي حقج، معرفتو منو المجرم
حلا: لا بعدنه اني ومُعتصم دا ندور على دليل وثنيتاتنه شاكين بعمو عبد الرحمن
علي: لا بنتي ميصير هل حجي عمج صح عنده سوالف مكسره بس ميوصل للقتل
حلا: لعد بابا فسرلي السالفه مُعتصم شاف اخر مكالمه وورساله على فون مُهيمن من عمو عبد الرحمن وعمو اصلا جان مموجود بالبيت وشفنه جداحه هناك ومُهيمن ميدخن وبقى بس نسأل اهل الولد اذا ابنهم يدخن ونروح نشوف البصمات
علي: والله ماعرف شكلج، صدك يلوكلج العسكرية
حلا: تلاشت الابستامه من على وجهي من بابا كلي
هيج كملت ريوكي وصعدت بدلت وحضرت نفسي وطلعت للامتحان بس قبلها رحت زرت نفس المكان صار هل شي روتين بالنسبه اليه جان امتحان كورسات واخر امتحان لمادة دكتور كرم دخلت للقاعه بعدهم محد جاي والنص براه بالسنتر مطشرين يراجعون شويه ودخل كرم جان ناسي اوراق على المكتب طب مستعجل ومنتبهلي...لو ادري مخلي اسألة الامتحان هنا جان قريتها بس حرامات...باوعتله بتسمتله بتسامه خفيفه بالاوانه الأخيرة شويه ستلطفته لان شفته حيل ديتعب بسالفه تبارك واهلها
كرم: هههههه لا لتخافين هاي مو اسأله الامتحان وثانياً انتِ شاطره مينخاف عليج، شلونج
حلا: زينه الحمدلله
كرم: حترحين للمركز اليوم؟
حلا: اي لان مُعتصم طلبني
كرم: تمام اني اكمل كم شغله بالمستشفى واجي
حلا: تعبناك ويانه دكتور
كرم: بتسم حسيت حلا شويه شويه دا تلين مو مثل قبل وهل شي فرحني..ولو ست حلا اصلا كم حلاوه عدنه
حلا: حلاوه! احم اني اكول لو تبقى بس على ست حلا أفضل..بعدنه دنحجي ودخلو الطلاب بلش الامتحان كملت امتحاني سلمت الورقه وطلعت رحت لتبارك دا اخذها ويايه للمركز
.
.
.
.
.
.
تبارك: ماما افهميني الله يخليج ماكدر اخذج بعدج موزينه كلش وعد والله وعد بس شويه تتحسنين وتوكفين على حيلج اخذج لمُهيمن والله
أنت تقرأ
خفــايا القدر
Romanceجميعُنا نحاول الهروب من الماضي من شيء استنزف كل طاقاتُنا الى الحد الذي جعلنا اشخاص اخرين أشخاصاً غير معروفين وغير قادرين على معرفة انفسهم فكيف للآخرين من معرفتهم ليله واحده كفيلة بتغيير الشخص من مرح ومُحب للحياة الى شخص يعيش لا يعرف نفسه وطريقه.. ش...
