Temptation Island: Illicit Ties

Kabanata 8

Maki Says: Hello! Kumusta ka? Kumusta ang buhay buhay? Nanganak ka na ba? Nagkajowa? Ikinasal? Nakipagbreak? Grumaduate na? Whatever season it is in your life right now, I hope you are doing well. Laban lang!
----

Ella

'Ilan kaya ang bilangan? Per night or per round?' Napakagat-labi si Ella habang kipkip niya ang kumot na nakabalot sa kanyang katawan. 'Kung per round, e 'di 8,000 na agad. Ang laki pala.'

Mahina niyang tinuktok ang sentido dahil sa napagtanto niyang karupukan. 

Narinig niya ang lagaslas ng tubig sa kanyang banyo. Pakanta-kanta pa si Cairo na parang walang nangyari. 

Damn it, maraming nangyari! Halos dalawang oras nga lang ang tulog nila dahil parehas silang sanay sa puyatan, siya sa pagiging IT, at si Cairo naman ay sa Divisoria. Ngayon ay ibang bagay ang pinagpupuyatan nila.

"Ma'am.. Pinagpainit na kita ng tubig sa pagligo mo, ihahanda ko ang almusal mo habang naliligo ka."

Dumilat siya at marahang bumangon. "Salamat, magkano ang-- ang utang ko?"

"P1,000 lang sa kagabi, Ma'am."

"I-isang libo lang? Walang overtime pay? Night Differential?"

"Si Ma'am naman, ginawa pa akong call center, call boy ako, Ma'am." Nakangising sambit nito. Matalim niya itong inirapan.

"Huwag mong tatawagin ang sarili mo nang ganyan, Cairo. Sa akin ka lang naman nagtatrabho. Isa pa, gusto kong isipin mong tinutulungan mo ako." 

"Oh, bakit? Marangal din naman ang pagiging Call Boy or Call Girl. Basta hindi nagnanakaw o walang inaagrabyadong tao, marangal ang trabaho na iyon."

"Wala akong sinabing masama ang trabahong iyon, pero hindi ka ganon, Cairo. Malayo pa ang mararating mo. Bihira taong pipili na tahakin ang pagiging Call boy o Call girl, ginagawa lang iyon ng mga kapit sa patalim. Kahit ang pagbubuhat mo sa Divisoria, tingin mo ay hanggang doon ka lang? Hindi, Cairo."

"Naniniwala kang may mararating ako, Ma'am?"

Marahan siyang tumango. Kumislap ang mata ni Cairo at napapailing na malawak ang ngiti. "Sabi mo 'e."

--

Unti-unting nasanay si Ella sa kanilang set-up ni Cairo. Or, addicted, as she should call it. Hinahanap-hanap pa ng katawan niya. Inalisan na siya ng hiya at konsensiya ng tuluyan!

"Nakakainis naman si Dean! Kelan pa tayo naging maintenance? Dalawang oras nang nakauwi ang madla tapos andito pa rin tayo!" Gigil na inilagay ni Adora ang napulot na pompoms na nakakalat sa wedding booth. Foundation Day ng school at ikalawang araw pa lang ng event. May apat na araw pang natitira. 

Silang dalawa ni Adora ang naassign na maiwan at maglinis ng palibot ng mga booth. "May date pa kami ng Bebe ko, e! 'Di uso ang bebe time?" Reklamo pa nito kahit siya lang naman ang nakakarinig. 

"Hindi naman masyadong makalat. Mga nilipad lang ng hangin ang ilan." Pagdadahilan niya. 

"Haaaa? Anong nilipad ng hangin? May bagyo ba rito kanina? Malabo ba ang mata mo? Jusko! Parang Intrams ng elementary itong mga College Students natin!"

"Ikaw talaga, sige na, mauna ka na. Ako na bahala dito." 

Natigilan si Adora. Alam niya namang iyon lang ang hinihintay nitong marinig mula sa kanya. 

"Huy Friend, hindi naman ako ganyang klaseng tao. Malandi ako pero hindi naman sobra. Hindi kita iiwanan dito."

"Okay lang, wala namang naghihintay sakin." Pangungumbinse pa niya sa kaibigan.  "At saka konti na lang naman ito."