ألبينو

6

*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
الروايتين الشلتهم منو كانو ظابطات شديد لدرجة إني كملتة الرواية الاولى في يومين فقط لانو يومي كلو بقرا فيها ـ أما الرواية التانية فكانت اظبط واطول من الأولى ـ بس م خلصتها سريع لأنو صادف إنو ماما وبابا رجعو من رفاعة والضيوف كانو بجو عشان يسلمو عليها ويكفرو ليها سلامة حبوبة ...
يوم الجمعة من الصباح عمتو ندى أخت بابا جاتنا سلمت علينا وفطرت معانا ـ عمتو دي ظريفة شديد وبحبها جداا ـ اثناء م كنا مندمجين في الونسة قالت لي اها ي رسيل بتي ماف جديد ـ قلتة ليها الجديد يجي من وين ي عمتو والجامعة زاتو خلصتها ياهو بقيت رمتالية و وقتي كلو في البيت هههههه ـ قالت لي المواضيع زااتها بتجي بعد الجامعة وغمزت لي طبعا فهمتها قاصدة شنو بس اتغابيت وقلتة ليها بري والله م عندي اي موضوع لكن بداية الشهر الجاي حأحاول أطلع الافادة عشان ابدا انزل الخدمة ـ قالت لي هو متين خلصتي ي بت ارتاحي شوية كدة ـ قلتة ليها والله ي عمتو قعاد البيت ممل افضل لي انزل خدمة طوالي واستفيد من زمني ـ قربت من اضاني وقالت لي اها ماف حاجة كدة ولا كدة ـ قلتة ليها كييف ـ قرصتني وقالت لي اوعك تتغابي انت فاهماني يعني ما عندك عريس ولا زول مقفلة عليه, عرسك دة منتظرنو بفارق الصبر ي بتي ـ قلتة ليها ياااعمتو ياحبيبتي بتك دي ما عايزة تعرس خااالص وموضوع الزواج دة شايلاه من راسي ـ لما قلتة كدة عاينت لي بإستغراب وقالت لماما ي رقية أسمعي بتك دي بتقول في شنو ـ ماما قالت ليها مالها كمان ـ عمتو قالت لي سمعيها الكلام القلتيهو لي أسي ـ أنا سكتة سااي ـ عمتو قالت ليها نفس الكلام القلتو ـ عليك الله يارقية دة كلام تقولو ـ ماما حدرت لي تماام وعرفتة انو اليوم حتشاكلني ـ كرم حب يلطف الجو قال ليها ياعمتي اختنا دي لسةةة صغيرة على العرس وبعدين عايزين تعرسو ليها وتخلينا براانا ـ عمتو قالت ليه صغيرة شنو لما كنا قدرها كنا بأولادنا ومن اسي حجزتك ل ولدي ـ طوالي نططتة عيوني بخلعة ـ عمتو قالت لي مالك اتخلعتي كدة أصلا من زمان كنت عايزاك لمجد ولدي لكن قلتة احتمال تكوني مرتبطة او عندك زول في حياتك ,لكن طالما ماف زول ف حياتك ف من اليوم انت خطيبتو ـ قلتة ليها ياعمتو عليك الله افهميني انا م عايزة اتزوج ماااعاااايزة ومجد دة زي اخوي وانت عارفة وطوالي جريت غرفتي وقعدتة ابكي ....كريم جاء لاحقني ولقاني ببكي بكل حرقة ـ حضني عليه وبكيت في حضنو لمن حسيت روحي ارتحت وخالص م اتكلم معاي لحدي م اتاكد إني هديت ,بعدها مسح لي دموعي وقال لي رسيل شنو الخلاك تبكي للدرجة دي ـ سكتة شوية واتنفست نفس طويييل ـ كريم كلمهم م يضغطو علي في موضوع العرس دة وخليهم يفهمو نقطة اني م عايزة اتزوج ـ طيب أنا ك أخوك ممكن اسالك سؤال ـ اكيد طبعا ياكريم ـ إنت ليه رافضة حكاية الزواج ـ بلعتة ريقي وتاني جريت نفس وقلتة ليهو الحصل معاي قبل سنة ونص جرحني وشديد وكرهني حاجة اسمها زواج وشككني في روحي وخلاني افقد الثقة في اي راجل في الدنيا دي فعشان كدة بطني طاامة من حاجة اسمها حب وزواج وبعدين انا م شايفة الموضوع مهم للدرجة دي يعني شنو لو م اتزوجت ياهو نسوان كتار عايشين بلا زواج مرتاحات ومبسوطات ....
قال لي إنت مؤمنة بحاجة اسمها قدر? قلتة ليها اكيد طبعا ـ قال لي طيب احتمال الحاجة الحصلت دي لخير ولو كان الزواج تم كنت حتعاني في حياتك وتندمي على الزواج بس لحكمة من ربنا هو وحده بعرفها الزواج ماتم
ف عشان كدة ياأختي الحلوة انت م تقولي انا ماعايزةالحاجة الفلانية او كرهتة الحاجة الفلانية عشان سبب معين, انت بس اتوكلي على ربنا وحده وان شاء الله حيسخر ليك كل شي وم حيحصل الا الخير♥♥
....الكلام القالو لي كريم بالجد ضمد لي روحي الكانت مكسورة ـ خلاني أوعى علي نقطة معينة كنت ناسياها وهي قوله تعالي :(وعسى ان تكرهو شيئا ويجعل الله فيه خيرا كثيرا) صدق الله العظيم ♥♥♥

**عند فادي**
كان ماسك التلفون في يدو ومتردد م بين يتصل ليها أو لا ـ كان نفسو يحكي معاها ويسمع صوتها ف بعد تردد لقى روحو اتصل ليها ـ وفي آخر رنة رسيل فتحت الخط(كانت نايمة وصحت بصوت التلفون) ..
فادي:ألو السلام
رسيل :وعليكم السلام يافادي كيفك(كانت بتتكلم بصوت ناعس ومكسر )
فادي أول م سمع صوتها حس بإحساس جميل وعرفها كانت نايمة
فادي:بخير الحمد لله معليش صحيتك من نومتك
رسيل :لالا عادي اصلا كنت شوية واصحى عشان اصلي العصر ..
فادي:ايواا ـ كيفك
رسيل :والله الحمد لله بخير
فادي:الحمد لله ـ امورك شنو
رسيل :والله الحمد لله ماشي ـ ومعليش إتأخرتة شوية عشان ارجع ليك الكتب بس والله الايام الفاتت كنت ملخومة شوية ومع المشغوليات وكدة بس قربتة اخلص الرواية الاخيرة م باقي لي فيها شي.
فادي :لالا ابدا إنا كلمتك المرة الفاتت إنو على راحتك خالص م مستعجل انا ـ واتصلتة عشان اشوف الروايتين عجبوك ولا لا
رسيل:والله حلوات شديد ـ في واحدة م كملتها لكن قربتة اخلصها ـ بصراحة رهيبات...
فادي :اذا خلصتي ديل عندي مجموعة كتب وروايات ممكن عادي تستلفيهم مني ..
رسيل :بجدد ـ اكون شاكرة ليك كتير
فادي :ولو ماف داعي للشكر
رسيل :طيب الاسبوع الجاي ان شاء الله حاسلمك ديل وحأخد التانيات..
فادي :جداا م عندك مشكلة ـ يلا اخليكِ ترتاحي شوية وتصلي ..
رسيل :تسلم كتير يديك العافية
فادي:الله يعافيك....
وقفلت الخط....

يتبع......