قسوه امير العشق

الفصل ١٢

ايتن كانت مرميه على الأرض والدم نازل منها هاله صرخت بانهيار اول ما شافتها :، ااااايتن
رشا طلعت تجري بخوف وهي سامعه صوت صريخ هاله اول ما شافت منظر ايتن ضربت على صدرها بخضه شديده : يلاهوووي ست
ااااايتن مااالك... ستتت ااايتن
هاله بخوف ودموع : اسنديها معايا بسرعه يا رشا
رشا :، هتوديها فين يا ست هانم دي لازم يشوفها دكتور
هاله صرخت : هوديها المستشفى مش هسيبها اما تروح مني انتي مش شايفه شكلها
رشا : طيب في دكتور جارنا انا هروح اندهله بسرعه مش هتلحق تروح المستشفى
هاله ': بسرعه يا رشا
رشا راحت جابت الدكتور بسرعه وكشف عليها وعطالها بعض الادويه
وبص على هاله وقال :، مدام هاله لولا اني عارف عبد العزيز بيه انا كنت هرفض اعمل اي حاجه للانسه ايتن
دي حاله اعتداء واضحه مافيش حته في جسمها سليمه انا ادتلها مسكن ومهدئ
وده هيقعد معاها مده قصيره ومفعوله بعدها هيروح وهتحس بعدها بالالم
الحاله مش سهله آنسه ايتن لازم تروح المستشفى وتعمل تقرير بال حصل ويتعمل محضر بتقرير الاعتداء عليها
ده غير الحاله النفسيه ال هيسببه الاعتداء ده طبعا
هاله بصتله ودموع محبوسه في عيونه وصدمه : محضرررر؟؟
الدكتور : ايوا طبعا انا مش عارف حضرتك مستقليه الموضوع ده دي كانت ممكن تموت في ايد ال عمل فيها كدا حسبي الله ونعم الوكيل فيه ده مش بني آدم
هاله بثقل وصوت محشرج  : شكرا ي دكتور هنعمل كده اكيد
الدكتور :بعد اذنكوا...
... روايه قسوه امير العشق ❤️ ♥️ ✨
بقلم الكاتبه منه سمير ❤️
على التليفون
انجي بصدمه : انتي بتقووووولي اييي ده حيووووان لازم يتسجن طبعا
انا هجيلك وناخد ايتن على المستسفي تعمل تقرير بال حصلها ونعمله محضر نوديه في ستين داهيه
البني آدم ده اتعدى كل الخطوط الحمرا ولازم حد يوقفله
هاله : انا خايفه على ايتن اوووي يا انجي مبقتش عارفه اعمل ايه
انجي بحزم :  تعملي ال بقولك عليه ده عبد العزيز زي  ما عملها مره
هيعملها مره تانيه وتالته
هاله : انا في طريقي للمستشفى لما اوصل هكلمك...
انجي : ابعتيلي اللوكيشن اول ما توصلي وانا هجيلك
هاله : تمام
...
انا خارجه ابعتلي العربيه بالسواق....
أمير قرأ الرساله بغضب
أدهم بانتباه : ايه مالك.
أمير بضيق  : أمي بقت بتكلمني بالرسايل
أدهم : ليه
أمير بصله بحده
أدهم بخفوت : فهمت
أمير طلع تليفونه وكلم السواق : روح الفيلا انجي هانم مستنياك هناك وديها مكان ما هتروح وخليك معاها لحد ما تخلص ولو حصل اي حاجه بلغني
السواق :طب وحضرتك هترجع ازاي
امير : هرجع بعربيتي وهسوق انا
السواق : بس يا أمير بيه
امير مقاطعا بحده : من غير بس روح واعمل ال قولتلك عليه
السواق : حاضر
أدهم : سواقه اي ال هتسوقها مش الدكتور منبه عليك ي ابني انت ايدك دي ماتتحركش اسبوعين على الاقل والا هيحصل مضاعفات
أمير : سيبك من الكلام ده انا ما صدقت اخلص من كلام امي مش هتطلعي انت
أدهم : امير بجد انا ملاحظ انك بقيت مهمل اوي في صحتك ومستهون بالحادثه ال حصلت
والشرخ ال في ايدك لقدر الله كان ممكن يوصل لدرجه الكسر دا غير انك اصلا رفضت الجبس
على الاقل خالص الراحه وعدم الحركه
وانت ماشاء الله عليك حتى دي مقصرتش فيها
بتنفذ التعليمات بس بالعكس
أمير بضيق : انا بتخنق من الحاجات دي ماليش خلق ليها انسي ده الوقتي وركز معايا عملت ايه في الموضوع ال قولتلك عليه
أدهم : ولا حاجه... ابوه ملازمه في كل حاجه بيدخلها او حتى بيعملها يعني ممكن تقول على الورق سليم بس الفعل سالم ابوه
معاه دايما في كل حاجه واي حاجه
والكلام ده من سنتين ونصف تقريبا
أمير : واشمعنا ابوه لزق فيه اوي كده ما يشتغل باسمه هَوو ليه بيحط اسم ابنه بداله
هو مش مأمنه على ايه؟؟
أدهم :، وضح كلامك؟؟
أمير :  الواضح لاي حد يسمع كلامك ده ان سليم ضعيف بس مستغل سلطه ابوه بس الحقيقه غير كده
أدهم :ازاي
امير بشك : سالم هو ال بيتستغل ابنه
أدهم : عليا الطلاق مع اني هموت واتجوز انا معدتش فاهم اي حاجه خاااالص
أمير بغموض : مش مهم...  بعدين... كل حاجه هتبان قدام
ولحد مايبان انا عايزك تسيب مراقبه سليم
وتراقب ابوه
أدهم برفعه حاجب : ابوه؟؟
امير : ايوا
أدهم : طب و سليم؟؟
امير ابتسم بشر : ده بتاعي.... هلاعبه انا بنفسي
أدهم : ربنا يسترها بجد انا حاسس ان القيامه هتقوم بسببك
...
هاله : انجي خلاص متجيش ايتن فاقت ورفضت انها تروح المستشفي
وبتعيط بوجع ورافضه تاخد اي علاج انا مش عارفه اعمل معاها ايه
ورافضه حد يدخلها وقافله على نفسها الباب ولو حد دخلها بتنهار وتصرخ
انجي : اهدي ي حبيبتي انا اساسا لسه خارجه الوقتي خلاص هعدي عليكوا في البيت
عبد العزيز عندك.
هاله :لا
انجي : طيب دقايق وابقى عندك
هاله : مستنياكي يا انجي متتاخريش
...
أيتن فتحت الكوميندو لاقيت الشريط بتاع البرشام مسكته وايدها بتترعش والدموع نازله بغزاره بوجع والم
واخدت اربع خمس.... حبايات مع بعض مره واحده
وشربت ميه وايدها بتترعش
وتنفسها بدا يزيد وهي بتعيط بوجع وماسكه جسمها بخوف لحد ما وشها احمر خالص ونفخ
قعدت على السرير بتترعش وهياا بتغمض عيونها بوجع لحد ما العلاج يعمل مفعول وتهدي
#قسوه #امير #العشق
#أمير #أيتن
#بقلم #الكاتبه #منه#سمير
... ❤️❤️❤️✨
ماشي بعربيته وهو بيقضم في ضوافره قاطب حاجبيه بيفكر في أيتن وابوها
زود من سرعه العربيه مره واحده لما افتكرها وهي بترمي  الشاي عليه َوهو متخيلها لينا
ليقول بتوعد داخله : بتكرهيني بعد ما استنيتك تلت سنين عشان ترجعيلي
تكرهيني مش مهم انا هعرف ازاي اخليكي تحبيني كويس
مره واحده لاقي عربيه ظهرت قدامه
سليم فرمل بسرعه ونزل بغضب شديد من العربيه : انت يا أعمى
نزل أمير من العربيه بابتسامه شريره على وجهه : هي دي حمدالله على السلامه بتاعتي
سليم بلع ريقه : انت
أمير قلع نضارته وقال : ايه مكنتش هبقي مرتاح وانا عليا دين لحد مسدتهوش
وابتسم بحده وهي بيقرب منه ببطء : وانت بالذات... انت مش اي حد يا سوولي
وباغته بلكمه قويه في وجهه
سليم مسك وشه بوجع وقال بغل : هتندم على ال بتعمله ده
أمير : ياااه دا انا بموت في الندم لو بالشكل ده
سليم حاول يسدد ليه لكمه بس أمير تفادها بسرعه : قديمه يسطا بص دي اجمد
وركله في بطنه بعنف وصرخ سليم من الألم ابتسم أمير بتشفي وقال بحده : بس انا طلعت ابن أصول والله
شوف جيت بطولي مبعتش شويه **** إداري فيهم
سليم علي حين غره من امير ضربه بس الضربه جت في ايده ال فيها شرخ
ووجعها كان صعب اووي تاوه امير بألم بصوته الرجولي
وظهرت على وشه ملامح الوجع
سليم انتهز الفرصه دي وقام يضرب أمير خصوصا ان الشرخ ده في ايده اليمين : اهو شويه ال ***** عرفوا يعلموا عليك صح
أمير اتماسك وضربه بالشمال الأمر كان مؤلم ليه بس هو اتصدي لسليم وسدد ليه عدد كبير من اللكمات
ليقول بعنف : مين ده يا **** ال يعلم على امير البارودي اسال عني كويس واعرف انا مين
ومسك ايده ولولاها جامد : اصل انا لازم اسيب علامه عليك عشان لما تشوفني تفتكرني
وانا مبحبش الدم
فهخليك تفتكرني بدي سليم دراعها اتلوي جامد وحس بصوت عضمه بيطاطأ
ومره واحده فجأه بضربه قويه في منطقه تحت الحزام لينكمش سليم علي نفسه بالم وتوعد لأمير وحقد اكتر
امير :، ههههههه بتوجع معلش بقااا شكلي نشنت غلط المره دي اصلك زي ما قولت انا أعمى
سلام يااا.... ****
وهمس ليه في ودنه :، دي قرصه ودن صغيره على ال هيحصل فيك عشان تكون عارف مصير ال يفكر يلعب مع أمير البارودي بيكون ايه
...

أدهم بغضب : يخربيت قرارته السريعه اكيد خرج يعمل مصيبه
هو خرج بقاله قد ايه
نهى : بقاله ساعتين
أدهم : قالك هيرجع على هنا ولا لا
نهى : لا طبعا انت عارفه يا استاذ ادهم مش بيقول اي حاجه
أدهم : وقافل تليفونه كمان... طبعا عارف ماهو المصيبه اني عارف يختفي كده وفجأه تطلع مصيبه يارب استر
...
هاله بحزن :، اقعدي يا انجي هي قافله الباب من جوا مش عايزه حد يدخلها
حتى انا حاولت معاها مردتش عليا
انجي : ياريت تنزل تقعد في الجنينه هنا بدل ماهي قافله على نفسها فوق
هاله ببكاء : اعمل اي بس يا انجي انا مش بأيدي حاجه وعبد العزيز مصمم يجوزها لسليم بالعافيه
هو ضربها اصلا لأنها رفضته
انجي زفرت بضيق وغضب شديد : ملعون ابو الطمع والفلوس ال تخلي اب يبيع دماغه لانسان مريض زي سليم ده
هاله مسحت دموعها : انا مش هستحمل اشوف بنتي بتضيع قدامي وأفضل قاعده ساكته
انا لازم اتصرف
انجي بترقب : تتصرفي ازاي في حاجه في بالك
هاله بحزم : انا هاخد ايتن ونهرب
انجي بصدمه : تهربووااااا?? انتي بتقووولي ايه
هاله : ده الحل الوحيد عبد العزيز مش هيسكت بعد ال عمله في ايتن ده ومستحيل يسيبها في حالها
ولو نفذ كلامه ده ايتن هتروح فيها وهيحصلها حاجه
انجي برفض قاطع : لا طبعا انتي كده بتهربي ده مش حل ده هروب فاكرك لو روحتي فين عبد العزيز مش هيقدر يوصلك
انتي ناسيه علاقاته القويه
يقدر في دقايق وبسهوله يرجعك تاني ووقتها محدش هيقدر يسيطر عليه ولا هيوقف ال هيعمله
ده مش حل يا هاله انتي لازم توااجههي مش بتهربي
هاله : اعمل ايه انا دماغي بتتفرتك من كتر التفكير ومش لاقيه اي حلول خالص يا انجي
انجي سكتت شويه وهي بتفكر بعدين بصت على هاله وهي بتقول بعزم : بصي.... هو في حل واحد
مالوش تاني
هاله بلهفه : ايه هو؟؟
انجي بتفكير : ان ايتن تتجوز؟؟
هاله : تتجوز ايه يا انجي مستحيل تتجوز البني آدم ده
انجي بحزم : هي  هتتجوز بس مش هتتجوز سليم أيتن
هتتجوز أمير ابني
#يتبع
مفااجات كتيره يا فوزي في الأحداث الجايه 😍😍😂❤️✨
#قسوه #امير #العشق #بقلم#الكاتبه #المبدعه #منه #سمير