غطرسة الطُغيان

part 1

هَلي عذروني من حبيت !
هجرت الدار رغم الدار معمورة .
احب حايطهم التعبان !
مضمام الرسايل جانت مضمومه .
.
.
.
لاتنسـون التصـويت ومتابعـة حسابـي ღ
.
.
اغسـل مواعيـن وصافنـه ليـش امي هيـج تعاملنـي واني بنتهـا الوحيـده !!
تعاملنـي مثل الخدامـة وابد ميحن كلبهـا علـي ليـش !!

ام شهـم:يلا ست غسلي المواعيـن بسـرعـه وروحي نضفي غرف اخوانـج
صارلج ساعـه تغسليـن بهالمواعيـن وهن كم صحـن يلا ولي ..

ريما:حاضـر ..
احـس بحرارة دمـوعي ع خدي واكرهه هالشـي اكرهه ضعفـي كدامهـا
ولازم كل كلمة تكولي اردلها بـ حاضـر ..

غسلـت مواعيـن بسرعـه وصعـدت لغـرفه اسـامة نضيفـه بس كنسـتها ومسحـت ..

وكذالك غرفـه شهم لكيتها نضيفة

طلعت لغرفة بسـام نضفـت غرفـته وجانت هوسـه وخبصـه نضفتها وطلـعت ..

شفت السـاعـه بـ10 ونـص الصبـح ومخلصة تنضيف
رحت سبحت وبدلـت ولبسـت العبايـه وكلت اروح اشوف بيت عمو ابو شاهيـن جاييـن من بغـداد  ..

وهم اشـوف بنات عمي واسـولف ويـاهن ..

رحت لأمي شفتها كاعدة تسولف بالجهـاز ..

ريما:ماما
اني خلصـت تنضيف رايحـه لبيـت عمـو جاييـن بيت عمو شاهيـن ..

ام شهـم:ماكـو ..

ريما:لايمه فدوة ..

ام شهـم:لج كلتلج ماكو يعني ماكو قند** يلا ولي ادبسـزز ..

دخلـت لغـرفتـي حضنت مخدتي وبقيـت ابجي الى متى تعاملني هيـج ..

شوي وسمعـت صوتهـا تصيـح علي ..

:ولج ريما ريمو قند**

طلعت كلتلها هـاا؟

ام شهـم:ابوج جاي من الشغل ولج وماطبختي الاكل قنـد**

ريما:واني شدارنـي غير انتِ كاعده هنـا وكلت يجوز انت تطبخيـن ..

ام شهـم:واللـه وطلعلج السـان ياجلبـ*

ركضـت جابت الصونـدة ضربتني ع ضهري احس لحمة ضهـري نشلـعت
ابجي واتوسل بـيها
ماما اتـأذه ميهمها دمـوعي ولايهمها توسلي بيـها ..

الي يهمهـا ماارد عليهـا واكلها حـاضر ..

جرتني من شعـري للصـاله لان تأذت ايدهـا وبقت تضربنـي بكل قـوة واسمع بس صوت الصـونـده بأذانـي يرن ..

انواع الغلط غلطته واني ابجـي لحد ماندك البـاب ..

ذبت الصوندة وره التخم ودفرتني وتكلي ولج كوميي دخلي لغرفتج ومااقـبل ..

جانت ملابسـي متشككه من الصوندة وشعري متملخ وخشمي  يصـب دم ..

راحت فتحت البـاب ودخلـوا بيـت عمـي ابو شاهيـن
شافـوني بهـالحال انصـدموا ..