مهما رمت الحياة أثقالها على عاتقك ،
إعلم أن الله لن يُكلف نفساً الا وسعها وإطمئن
.
.
زهراء:طلعت من غرفتي تعبانة واحس نقزات ببطني
وكفت وتمشيت بصعوبة اريد اصيح ريما تسندني
وسمعت صراخ أيمن وصريخ ريما اريد احجي احس تعبت وهاي اخر انفاسي
باوعت للدرج اصعد اخلص ريما منه
اجيت اصعد وجان اشوف أيمن لازم ريما من شعرها حيل ويعت بي يحجي ويغلط وهي بس دموعها تتجارى
حسيت بأللم من اشوفة سحل الدرج بيها ومن وصل يمي دفعني ردت اوكع
بس كضيت بالدرج حيل
كعدت ودمعتي على خدي ياربي هاي البنية تعبت وياه
صحت وراه أيمن بداعت المرحوم لاتأذيها
أيمن
كعدت بالكاع تعبانة واحس الدوخة سطرتني سطر وبعد ماكدرت اشوف
صحت على المساعدة تجيب ماي
اجتي تركض وبيدها كلاص عصير شربت منه شوي وكلتلها كوميني
كمت بصعوبة امشي ودموعي على خدي لكيت خالتي كاعدة بالباب وبس ضهرها يهتز
رحت وكفت يمها وكلتلها:
خالة فدوه الج ساعديها وين اخذها ليأذيها
:ولج يمه شسويلة البنية شاغت روحها
كوة قبلت خالتي تدخل وياي لان شافتني تعبانه حيل
وانتضرنه جية علي
اجة واكل وانتضرته يرتاح وحجيت اله
اتصل وياه علي هواي مارد علي
علي:يمممه تدرررين بأبنج مسووودن ليش ورطتي البنية وياه ليش؟
:يمه ماجان هجي عليك الله فد يوم شفته يضرب احد؟
علي:بس هوه مرريض يمه تصرفاته تأكد هوه مريض نفسي ابنج مريض نفسي
بقى علي صافن ومقهور ومر اسبوع الساعة بـ 4 العصر
يلا بين ايمن اجة يتمشى ويغني
جان علي موجود كام كلة:
صارلي اسبوع اتصل عليك وينك ليش متجاوب؟
زوجتك وين؟
أيمن:مالك غرض .
علي:باوع لك احترم نفسك واحجي عدل انا اخوك الجبير واجبك تحترمني هاي اول مرة واخر مرة ترد علي بـ هذا اسلوبك الزفر .
أيمن:اهوو انتَ شتريد؟
علي:باوعلة مخنزر وكلة
زوجتك وين؟
أيمن:بالنجف تريدها؟
علي:لو عندك ذرة رحمة ما تأذيها بـ هذا الشكل
انتَ مريض نفسي
أيمن:باوعله وجهة صار احمر
مومريض
علي:لا مريض انتَ سايكووو
أيمن:اسكتتتتت
علي:ليش ما اسكت لازم تتعالج لو تطلك البنية لا باللة عبالك اخوها ضابط وانا محامي وكفيل زينب احجيله واخلي يسجنك واوكف ضدك فهمت
أيمن:منين عرفت انا مريض؟
علي:تعرف احمد الدكتور ودزلي الاعراض واهم نقطة
1_عدم الشعور بالندم، أو الذنب اتجاه الأفراد الآخرين
اشوفك كدامي لامتندم لان تأذي زرجتك ولا شي
كل اعراضه بيك روح ابحث وشوف وتلاحك نفسك
أنت تقرأ
غطرسة الطُغيان
General Fictionفتح البـاب وشمرنـي غرفـه متروسـه مرايـات العنكبـوت ع كل زاويـه المرايـه متروسـه دم قلبـي صار بيـن ايدي وييين جبتنـي ويـن :اندمـج . مسويتلك شي . :ثلاث ايـام تبقيـن وحدج هنـااا كمت اركض وره وادك بالبـاب حيـل لاتعـوفنـي اتخبـل فدوه اروحلـك ابـوس اي...
