يكسر خاطري
مرات حته الطير
هم مثلي غريب
وحسرته بصدره
يلم عشه على شجره
وعود لازم عود ويجي
الماخايف الله يطيح الشجره ...
(لاتنسون متابعة حسابي الانستكرام)
.
.
طلع حباية من جيبة وفتح حلكي سديت اسناني بقوة
خنكني خلاني افتح حلكي وبلعت الحباية
كعدت بالكاع كاضة ركبتي واريد اجر النفس لسه مختنكة
عافني وطلع بدت دموعي تتسابق وحسيت نفسي مختنكة حيل
شلون نمت مادري كعدت الصبح على دفرته يريد ريوك
أيمن:كومي يلا
ريما:مو المساعدة تسوي؟
أيمن:ماريد تسوي الي انتِ كومي شنو شغلج اكل ونوم؟
ريما:استغفر الله النعسة بعيني رجعت نمت
كضني من شعري حيل وكال:
أيمن:تكومين وتصيرين بت اوادم لو ترديلج كتلة !
ريما:كمت امشي واشد شعري بقلة صبر
حسبي الله ونعم الوكيل بيك مكعدني من الـ6 عمالة عسى حوبتي ماتتعداك يا أيمن .
الكل نايم بس اني افتر بالمطبخ اجة كعد على الطاولة:
ريما:انداريت وجهي معفوس
شتريد اسويلك؟
أيمن:ايشي بس خل اتسمم ماطلع سم علي
ريما:كبر اي وللة
جبت بصل وطماطة وبيض
حمست البصل وكليت الطماطة والبيض سويت جاي وجبت الجبن والصمون والزيتون وحطيته كدامة ومشيت
أيمن:وين مولية؟
ريما:شتريد بعد ريوك وسويتلك رايحة انام؟
أيمن:بـ6 وخامدة تكعدين وتصيرين ادمية بت اوادم لا انعل والديج
ريما:كعدت والدمعة بعيني يمته يخلص السم مالة واصعد
حسيت بنفسي نمت وانا كاعدة لحد ماهو ضرب الطاولة حيل فزيت مخروعة
أيمن:امشي ولي فوك هذا وجه اصبح بي .
صعدت اركض اريد بس اكض المخدة وانام
كعدت ع صوت الباب يندك النعسة بعيني صحت منو؟
جاوبتني المساعدة
:يلا ماما ماتصحين؟
صحت عليها:
جاية
شفتها ساعه 9 ونص اخذت ملابسي ورحت للحمـام سبحت ونزلت لكيت عمتي وزهراء كاعدات
ريما:صباح الخير
جاوبن:
صباح النور
ريما:من شوكت كعدتوا
حجت عمتي:بـ8 كعدت
زهراء:توني كعدت
ما اشتهيت اتريك رحت كعدت يمهن زهراء تلعب بجهازها وعمتي تشوف مسلسل كويتي
بقيت مندمجة وياها لحد ما نطفت الكهرباء
حجت عمتي:وكتك هسه
ريما:بالاحداث المهمه لازم يصير شي
زهراء:تجي الكهرباء وكملوها
ريما:انتِ اصلاً مو ويانة مندمجة بالجهاز
زهراء:اكدر اعوف المسلسلات والقصص؟
ريما:قصص شنو !
زهراء:بالواتباد برنامج ينزل قصص واقعية بنات يكتبن قصصهم والاحداث لان حلوة اتحمس وانتضر يمته افرق واقرة
أنت تقرأ
غطرسة الطُغيان
General Fictionفتح البـاب وشمرنـي غرفـه متروسـه مرايـات العنكبـوت ع كل زاويـه المرايـه متروسـه دم قلبـي صار بيـن ايدي وييين جبتنـي ويـن :اندمـج . مسويتلك شي . :ثلاث ايـام تبقيـن وحدج هنـااا كمت اركض وره وادك بالبـاب حيـل لاتعـوفنـي اتخبـل فدوه اروحلـك ابـوس اي...
