الضلام الدامس

بارت _1_

قصة

(الضلام الدامس)

(بسم الله الرحمان الرحيم)

:- ليّل وعيونك بعيدة وديرة ما بيها أمان 🤍.
_______________________________________

مريم :٫ مثل كل مرة الصبح اكعد على صوت امي الحنون

نور : ٫ ماما مريم يلة كومي راح تتأخرين على دوامج

مريم :٫ كايمة ماما كايمة
راحت ماما واني كمت بدلت ونزلت جوة
جان بابا كاعد

مريم :٫ صباح الخير حبيبي

حيدر :٫ صباح النور بنيتي
كعدت وماما جات اتصب الريوك شوية ونزلو جلا&&   اقصد اخواي عشتو هو كل واحد جل& وعندة جل&ه  وجهال كعدو كلهم على الريوك اني خلصت وكمت

مريم :٫ يلا باي اني تأخرت
ودعتهم وطلعت مدرست مو بعيدة
خلي اعرفكم على نفسي

اني مريم طالبة خامس علمي عمري ١٧ سنة اني عندي ٤ اخوان واني الوحيدة اصغر وحدة المهم
وصلت للمدرسة وكل عادة يوم ممل ومصار شي اني من النوع الشاطرة بس ما عندي صديقات يعني الي يحجي وياي عادي بس مو صداقة

خلصت مدرسة ورجعت للبيت بدلت واكلت ونمت ومر اليوم عادي....

ثاني يوم جنت رايحة للمدرسة وبيدي كتاب وامشي ما احس الا نضربت بشخص وكع كتابي نزل جاب الكتاب

: اسف اسف

جان يحجي ومتوتر اني انطي مجال لا طبعاً نزلت عليه اكس مربع

مريم :٫ انتة شبيك متشوف اعمه يعني من تمشي انتبه الطريقك والله يا الله ناس تالي وكت

:٫ ولج بوية كتلج اسف رحمة للكائنات روحي
يحجي ويباوع ورة بخوف

مريم :٫ انتبهة مرة ثانية من تمشي بطريقك
جان يعيط بية

:٫ ولج بويةة كتلج اسف اعتذر رحمة لاهلج كافي
باوعتلة صفح ومشيت

المهم مر يوم مدرسي عادي رجعت للبيت جنة كاعدين نتغدة وما نحس الا على فوتت شخص باوعتلة وركضت حضنتة

مريم :٫ قسور حبيبي مشتاقتلك

قسور :٫ يا بعد روحي انا هم مشتاقلج

نور :٫ يا يمه توة ما نور البيت شلونك يا بعد امك

قسور :٫ بنروج يا بعد روحي

حيدر :٫ الحمد لله على سلامتك بابا

قسور :٫ الله يسلمك يابة

نور :٫ يلا يمة روح بدل وارتاح علمود اصبلك غدة

قسور :٫ اي يمة رايح

راح قسور يبدل هل مرة جان مطول علينة ها طبعاً قسور اخوي احسن واحد من اخواني الباقين كلهم جلاب ...