خَايفين وياهو يدري بخوفنا !
الكاتبة : صابرين خالد
حبايب لاتنسون التصويت ..وعلقو رأيكم❤️🩹.
________________________________
تلكتني جانت خايفة ومتوتره اول مافتحت الباب حضنتني
كميلة : يمة وين جنتي ضل بالي يمج والوكت تأخر ليش هيج سوين بيه ترديني اموتن وليش مدجاوبين عله تليفونج
ليلى : بس اوكفي جان عدنه شغل اضافي بسبب الحالات الطارئة ومتت خطية نصهم ستشهدو ونص ديعالجون
جاي احجيلها وطبت مروة باوعت عليه واني مباوعت عليها بس كلبي وراها فاتت للمطبخ
ورجعت للغرفة بس وجها اصفر وكوه تمشي
ليلى : شبيها ليش هيج وجهة
كميلة : مريضة فدنوب صارلها ٣ ايام مرايحة للجامعه بس تتقيئ وحالها حال يمة
ليلى : وديتيها للمستشفى شي دكتور؟
كميلة : وديتها ونطاها علاج وضربت ابر بس بعدها
ليلى : اووف
كميلة : يمة حاجيها هية غلطة وراحت وهيه مقهوره جف متحاجيهة يمة
ليلى : لا يمة خلي تعرف حدودها هيج تتصرف من وراية اخ ياكسرتي يمة احميها من عين التجيها بلخير يجيني واحد يصيحلها رورو الغسل الوجها
كميلة : عادي يمه كل واحد يغلط حبيبتي انتي
ليلى : بعدين يمة بعدين
كميلة : براحتج يمة
رحت سبحت وطلعت لكيتهم ملتمين عل عشة
كعدت وياهم اكلت ومروه وليلى عيونهم عليه ياكلبي شكد مقهوره وعيونهن يلمعن يردن يبجن ربيتهن عله ايدي وكلشي يكللي الي لان اني تقربت
الهم اكثر من امي صرتلهن ام واب لان امي جانت مصدومة ومكسوره وهنه جانن صغار عوضتهن
وحميتهن من كلشي حته من ولد عمي ومخليت اي احد يمد ايده عليهن عزيزات كلبي هذني كملنه اكل واني بالي شراح يصير وياي باجر وخايفة عله خواتي وامي منا صبرك يكَلبي
كمت شلت الصينيه كعدت اخسل بالاماعين اجت امي يمي وضلت تباع عليه واني تفكيري عله كلامه شيسوي بخواتي ومنين اجاني ياربي هذه بلاء وانذب علية
كميلة : بيج شي يمة حجيلي
ليلى : لا يمه مابية شي
كميلة : لا بيج احجي
ليلى : مابيه شي يمه
كميلة : يمة انتي كلما تخسلين الاماعين وتخسلين المطبخ دذبين حركتج بشغل تره امج واعرفج وكلهن منضفتهم اني يمه بيش شارده
ليلى : لا بس مقهوره عله هذول الستشهدو
توترت ورحت للغرفة لان اعرفها بس اضل احجي تعرفني شبية وتعرفني خايفة من شي وتجبرني احجيلها فتت للغرفة لكيت مروه كاعده تتصفح
أنت تقرأ
لا شفاء لمن ترك اثراً
Randomوما ادراك ما قد يحدث غداً يكسرك ويعيدك من جديد هكذا هي الدنيا لا مفر منها مهما حاولت . ضماني بين ضلوعة واني ماهديته شبكته حيل وابجي رفع راسي مسح دموعي :- يا صحوة كَلبي يا مر السنين ياعوض الايام كلشي كدام عيونك يلين حته اني المكَشر وعضلاتي واني لينت...
