وك يا كمرنة مروتك حنّي
الشواطي بدمعتي كلهم كبرت
أعله الصبر والونّه صارت
غنوتي مشتاق أبوسن دجلة
الكاتبه : صابرين خالد
انستقرام : l_was1❤️🩹✨.
حبايب لاتنسون التصويت ..وعلقو رأيكم❤️🩹.
~~~~~~~~~~~~~~~~~~~~~~~~~~~~~~
كميلة...........
كلتلي مروه عله الحنه واجني البنات مبدلات لبست عباتي وجاي اطلع ويه ليلى جابت الكحله والحمره ومدري شني بيدها تراجعت
كميلة : اكعدي يمه تره اني مره چبيره عيب شيكولون عليه
ليلى : يمه تره حنه بيها بس نسوان وانتي بعدچ بشبابچ ياچبيره يمه ليش تكبرين روحچ
كميلة : لا يمه البكدي رايحين حاجين هسه
ليلى : سوتهم حاجين نوب همه راس شارع مواصلين دتعاي
ضلت تلح عليه واني اعرفها بس تريد شي تسوي حطيت كحله وحمره خفيفه حيل مقبلت
ليلى : هوه هذه هم مكياج بس يلا عادي انتي من كاعچ اصلا حليوه هسه نلكالچ رجل يلوكلچ اصبري
ضربتها عله كتفها : نوب رجل نوب خل ازوجنج الچ انه شسوي بي
ليلى : لاله انه ماريد لا تحبسيني خليني طير حُر
طلعنه وشفت سفيان كدامي شكد عيب بس هوه عيونه كصتني كص ماعرف شماله طلعت واني
مستحيه هسه شيكول عليه رحنه للحنه وتونسن البنات ردينه للدار ورحنه ثاني يوم للعرس سمعت صوت مروه لكيتها طايحه بلكاع وتلطم
كميلة : يااا شبيج مروة بنيتي شكو احجيلي
وهيه تبچي وتشهك وترجف كامت وتحچي بشهكه
مروة : يمه ليلى ليلى
كميلة : شبيها اختچ ولچ احجييي
مروة : يمه ليلى تخطفت يمه سحلوها كدامي ومكدرت اسوي شي يمه
ضليت الطم وابچي والعالم لتمت علينه طلعتهن البنات ورحنه للشرطه طبينه وقدمنه بلاغ واني روحي طالعه
:انشالله نلكاها ونطيكم خبر رجعو للبيت
كميلة : شنرجع للبيت روحووو هسه دوروها لكم عيني راح يسوولها شي
-لاتعيطين اختي انتي بمركز مو بلشارع
كميلة : اخ ياعلتي اذا بنتك بنفس الموقف تبقى هيچ ساكن وتحچي عادي
-كلنه راح ندورها
طلعت واني ميته بچي رحت لبيت الحجيه لكيتهم كاعدين رحت عله سفيان ابچي وهوه كام ركض متوتر وخايف
سفيان :خيرچ ام مروة شكو ليش هلدموع
كميلة : الحكلي الله يخليك ماعندي غير رب العالمين وانته
أنت تقرأ
لا شفاء لمن ترك اثراً
Randomوما ادراك ما قد يحدث غداً يكسرك ويعيدك من جديد هكذا هي الدنيا لا مفر منها مهما حاولت . ضماني بين ضلوعة واني ماهديته شبكته حيل وابجي رفع راسي مسح دموعي :- يا صحوة كَلبي يا مر السنين ياعوض الايام كلشي كدام عيونك يلين حته اني المكَشر وعضلاتي واني لينت...
