لا شفاء لمن ترك اثراً

part 10

‎ليش تبچـي .... الناس أجو سألوني
جاوبتهم .... هذا حظ آعيوني
گالــــوا آضحك ...
عوف دمعك ...
حيل آضحك ...
خل نسمعك ...
توني أجيت اضحك .. واجو بچوني؟؟

الكاتبه : صابرين خالد

حبايب لاتنسون التصويت ..وعلقو رأيكم❤️‍🩹.

~~~~~~~~~~~~~~~~~~~~~~~~~~~~~~~

كميله : مو كل اليحب آيعيش فرحان ..
اكو واحد يحب بس هو يائس
واكو لمن يحب آيصارع الموت ..
ميهمه يصارع ألف فارس.....

ندك الباب راح سفيان فتحه وطلع ولد يسئل عليه

سفيان : ام مروه احد يسأل عليج

رحت واني اعاين منو يسئل علي وهوه عيونه وراي ماعرف شماله

: خاله هاذه رجال بلباب يريدنج

رحت البابنه عاينت من بعيد هذه كامل ابو ماجد شهكت من شفته نوب ليلى ماكو حتاريت شسوي

كميله : ياربي سترك وعفوك اللهي

سفيان : ها ام مروه اكو شي

كميله : لا ماكو شي بس خلي البنات يمكم ولطلعوهن ابد

ضل يعاين عليه بستغراب اشرت للبنات يبقن هنا هسه ارد

مروه : يمه شكو

كميله : اكعدي يمه هنا خمس دقايق وراده بالج عله خيتج ولتعتبن الباب ابد مروه فهمتي لو شيصير

عاينت عليه بخوف واني انبها طلعت واني ارجف سديت الباب مال حجيه بس سفيان ضل بره يعاين من بعيد تقربت عليهم

كميله : ها يمه زارتنه البركه شعجب مذكرينه اليوم

كامل : ماريد اسمعلج حس فتهمتي لو لا فتحي الباب خندخل

كميله : انتو مالكم فوته عندي كامل وحجيتها المره المليون فتهمتو

خزر عليه وتقدم واني رديت ليوره رفع اصبعه عليه

كامل : افتحي الباب لا اشهركم هنا

كميله : شسوي سوي الباب مافتحها

كامل : خوش كميله انتي الردتيها

راح عل سياره واجه لعندي يرعد يريد يدفر الباب واني وكفت بلباب وهوه يصيح علي علمود اوخر من الباب واني ماحركت جفن بس اعاين علي بكل

برود وهوه اعصاب كمش ايدي واني ادفع بي رفع ايده ايريد يضربني ومااعاين اله شخص وكف كدامي ضهره ضمني هلكد ما ضخم وعضلاته وهوه عاينت هذه سُفْيَان وعيونه حادات يرعد

سفيان : منو سمحلك تمد ايدك عله ام مروه

كامل : هلو هلو هاذه منين نوب ام الولد لج لكيناج بشارع ولماج اخوي تذكرين او لااااا

واني كلامه مثل السجاجين بكلبي والعالم تتفرج واني روحي شاطت شيجيب ليلى هسه كمشت قميص سفيان اتنهد بتعب هوه انتبه عليه وزاد