28/9/2021-7:00am
أكتر وقت حسيت فيه اني لوحدي بدون اصدقاء امبارح.
عارفين احساس ان فونك فيه اكتر من 400شخص لكن ولا واحد موجود وقت الشدة
إلا اصحاب السوشيال.
عارفين احساس ان نفسك تخرج وتعيط لكن بتفضل الصمت.
عارفين احساس ان الانسان نفسه يفرح لكن غصب عنه بيعدي الايام بصمت🥺.
عارفين احساس ان تكون محتاج حد اوي هو مش موجود.
احساس الخنقة.
احساس الوحده.
كل الأحاسيس دي متعبة جداً.
ع قد ان الانسان بيحاول يسعد نفسه لكن بيجي فترة ويحتاج يجدد طاقته من اول وجديد.
اكتب هذه الكلمات وانا مكتفية بنفسي وبذاتي فقط.
كلامي هيزعل ناس كتير جداً بس علشان اكون صريحة معاكم هذه كلماتي من
اعماق قلبي اكتبها لكم.
ونصيحه مني لكم لو حد احتاجكم ف يوم متخذلهوش لان هيجي يوم وهنقول يارتنا كنا فضينا نفسنا له.
انا مش عاوزه اي حد يكلمني انا تمام جداً.
وشكر خاص لنجوي ممتنه لكي حد السماء ع وقفتك جمبي.
اوجه هذه الكلمات لي ثم لكم:-
إياك خذلان شخص في يوم من الايام
لان كما تدين تدان.
إياك الاعتماد علي احد لان محدش بينفع حد.
إياك اللجوء لأحد وقت الزعل لان محدش هيحس بيك إلا الله.
إياك تصاحب اي حد وسلام لاء صاحب حد يكون جمبك وقت الشدة.
متدورش ع السعادة علي سوشيال لاء دور علي أرض الواقع.
متدورش علي صحاب علي سوشيال دوروا علي أرض الواقع.
اشبعوا من اهلكم والله الشوق بعد الموت لا يطاق.
سيبوا السوشيال اعدوا معاهم أصنعوا البهجة والمرح.
والله من يفتقد احد من عائلة يعلم ان الشوق بعد الموت لا يطاق.
أشبعوا منهم هما فقط اللي هيكونوا موجودين وقت الشدة.
الاهل ثم الاهل ثم الاهل وفقط.
الحياه صعبه محتاجة ناس تهون وتشجع وتقوي مش مستاهله خالص اننا نزعل ونبعد لان مسيرنا هنموت في يوم.
(مكتفية بنفسي وبذاتي فقط)
اصحاب السوشيال مكانكم في قلبي وأسأل الله ان يجمعنا في الدارين
*أسأل الله ان لا يحوجنا لأي احد.
•أسأل الله ان يديم لنا عائلتنا.
*أسأل الله أن يجعل يومي قبل يومهم.
أسأل الله أن يدخل السعادة علي قلوبنا.
دمتم بخير
بقلم سو❤
