كتله خلي انعدم عادي بس هاي الحقيقه اني مو دروح للحشد وجان يصيح واحد منهم وصعدوني فوق بالسجن وراها بيومين صاحو اسمي وكلبجوني وشدو عيوني ونزلت ابو التحقيق كلي اعترفوا عليك جماعتك انتي دتروح للحشد كتله جذب مو دروح الهم كلي هسه ينزل صاحبك ويشهد عليك المهم نزل صاحبي وجان يكلهم اي ديروح ويانه طبعاً اني بهاي اللحظة انصدمت ماتوقعتها منه المهم اني اصريت ع كلامي وجان يعذبوني واجا واحد وي ابو التحقيق وضربوني وكتلهم انتو ليش تعبون نفسكم بيه اعدموني وفضوها كافي تعذيب كلي اذا تبقى ع كلامك راح تنعدم كتله مستعد انعدم بزعت من كلشي وجان اصعد فوق استمريت اني مسجون انفرادي 7 ايام الى ان اجا يوم اخذوني للقاعة طبعاً القاعة غرفة 5 ×4 تعتبر قاعة على المحجر طوله اقل من متر وجان اشوف جماعتي وهاي القاعه بيها كاميرات مراقبة سلمت عليهم من نريد نسولف لازم انته بفراشك تغطي راسك وتحجي للي بصفك حتى ميشوفوك بالكاميرات كتلهم انتو اشلون تكولون هيج ترا يعدموكم كالو لا انته راح تنعدم صير ويانه ليش تبقى اتعذب طبعاً اني عرفت غسلوا دماغهم وانطوهم الآمان ع اساس يطلعون والدواعش مابيهم آمان... بارت4
أنت تقرأ
انا واصدقائي بالسجن(في قبضة داعش)
Aventuraبارت 1 انا من الموصل و في عام 2015/27/12 قد قررنا انا و اصدقائي بأن نهرب الى مخمور والفرار من تنظيم داعش وبدأت اجهز نفسي وبدأنا ان نتحرك الى احد القرى ومن ثم "الهرب" نحن 6 أشخاص ومن بعدها وصلنا الى احد المنازل في القرية التي نريد الهرب منها قعدنا في...
