طلعوني من الغرفه بعد ما كال افراج بس كالي ينجلد 79 جلده وياي ناس مسجونه هم بيهم دا يجلدونهم كلنا كتلونه واحد وره الثاني الى كملوا وجان يخلونه واحد وره الثاني ومشدوده عيونه مولده مشتغله واسمع صوت طياره فوق بالسماء كالونه يله امشوا وجان نمشي وصعدونه ب سياره دبل قماره بالبودي وحرك السياره بينه مانعرف وين يبقى السؤال ف بالي هل انموت او صح نطلع يبقى التفكير مشتت راح منا واجا منا الى ما وصلنا مكان وجان يوكف وكالنا انزلوا نزلنه وشال الكلبجات عن ادينه وغطاء وجان انباوع احنه مكان ويمنه بيوت منا ورانه جزيره ماعرفنا المكان بالضبط ف رحنه على بيت وسألنه جانت الساعه تقريباً 12 باليل وكال انتو يم الجدعه هاي ب جنوب الموصل رحنه على القياره واحد وياي هم ساكن هناك مسجون وطلع وياي وصلنه عليهم وكعدنه وكتلهم يابه اني سالفتي هيج وهيج وتخبلو الناس كالولي بعدك عايش كتلهم والله بشوفت عينك حتى اني مامصدك كالولي اخوي الدنيا نص ليل ليش ما تبات عدنا وباجر احنه نوصلك وتدلل كتلهم ماكدر ضرفي صعب ماعرف شنو حال اهلي وقرايبي مايعرفون عني كلشي كالولي لعد احنه نوصلك هسه ونشوف فرحت اهلك كتلهم ماشي من قياره الى بيت اهلي الطريق يستغرق ربع ساعه ف رحنه اوصلنا القريه و صلت البيت وجان بيدي ادك الباب كالولي منو كتلهم اني اشرف طبعاً ماصدكو ف عدت عليهم اسمي وفتحوا الباب شافوني بس مامصدكين كالولي انته باجر قررنا انسوي فاتحتك اجانه خبر منهم معدوم انته و الوياك... كتلهم اني مانعدمت وطلعوا جماعتي وبقيت بس اني واليوم طلعت كالولي جماعتك ماوصلوا كتلهم اشلون ماوصلوا وهمه طلعوا قبلي على اهلهم كالو والله ماوصلوا بهاي اللحظة عرفت ان الثنين الوياي قرايبي عدموهم الدواعش الى حد هاي اللحظة ماكو همه... واني وصلت البيت دا ينصبون فاتحتي الصبح .... الله يرحمهم ويغفر لهم) وحسبنا الله ونعم الوكيل على داعش) الله لا يخلي احد بهيج موقف صعب اعز صديق يروح من ايدك لا حول ولاقوة الا بالله
أنت تقرأ
انا واصدقائي بالسجن(في قبضة داعش)
Adventureبارت 1 انا من الموصل و في عام 2015/27/12 قد قررنا انا و اصدقائي بأن نهرب الى مخمور والفرار من تنظيم داعش وبدأت اجهز نفسي وبدأنا ان نتحرك الى احد القرى ومن ثم "الهرب" نحن 6 أشخاص ومن بعدها وصلنا الى احد المنازل في القرية التي نريد الهرب منها قعدنا في...
