جادلوني بك وأقسمت لهم أنك مُختلف ، فخذلتَني .
للكاتبه زيَنب عليْ
مينا:راح دا يطلع التفت عليه وكال
ابو مينا: بعد تنسين عندج ابوو اني مو ابوج متبريي منجج ليومم الدين
طلع و قفل الباب اني هنا انهاريت بس ما أكدر اعيط ما بيه حيل انضرب مره اخره
بعد ساعات من البجي كمت سبحت و بقيت جوا المي ابجي طلعت لبست أتراك و مشطت شعري لبست جادر الصلاه و كعدت اصلي و ادعي ربي و اتوسل انو يبين الحقيقه خلصت صلاه كمت نزعت الجادر و نمت
كعدت الصبح الشمس بوجهيي بقيت بفراشي بقيت ادعي و اقره آيات باوعت الساعه 11الصبح
جان ينفتح الباب و تدخل ماما و ذَيب باوعت عليه بتعب خلت صينية الاكل يمي رادت تروح بس اني مسكت ايدها
مينا:ماما ماما الله يخليج صدكيني ما سويت شي ينزل روسكم ونبي هوه تحارش بيهه
ذَيب جان مكتف ايديه الصدره و يباوع عليه باستهزاء
ذَيب:كملتي
باوعت ع ماما عيونها مدمعه رفعت اكتافها بعدم حيله و راحت ذَيب قفل الباب و طلع
مسحت دموعي باوعت ع الصينيه بيها كلشي احبه اروح فدوه لأمي شكد حنينه يمكن هيه الوحيده الي مصدكتني
يمكن الله يوكعك بمواقف من خلال هاي المواقف راح تبين منو الي يحبك و راح يوكف وياك بكل صغيره و كبيره و منو الي راح يتخلى عنك بسهوله
تريكت اكلت لكمتين و من تذكرت الصار نسدت نفسي
ورا ساعتين انفتح الباب ذَيب واحمد اخوي اجه عليه احمد حضني حيلل و باسني من خدي بقوه و كال
احمد:احبجج مينا اعرف انو همه اتبلو عليجج اعرف يا روح اخوجج
اني بادلته الحضن و كلت اله
مينا:واني هم احبك يا سندي ابقه ويه اختك لا تخلي احد يحجي عليها بسوء ابدد
اجه ذَيب سحبه و ضربه راشدي و مسكه من اذنه حيل و كال
ذَيب:اني شكلت مو كلت بس تشيل الصينيه و تطلع
اني اجيت ودفعت ذَيب و حطيت احمد بحضني
مينا:ليش تضربو يالهمجي هذا طفل و بعدين اني اخته ايمتى ما يريد يجي عليه
سحب احمد طلعه و قفل الباب
ذَيب:هسه اشوفج الهمجي شنو يسوي
مسكني و ضربني راشدي ضل يضرب اله ما وكعت بالكاع ضربني ع بطني برجله اني هناا ألم قوي صار بطني مدا أكدر اتحرك حسيت بحراره ع رجلي
