منقووول
مشعارفه من وين نبدا ولا شن نحكي مصدومه مزلت مصدومه ومش مستوعبه حرفياً اني مش مستوعبه ، اللي صارلنا كأن حلم ، كانت فالبدايه مطر وفرحانين بيها ونضحكو ونصورو منحسابوش بعدها حنعيشو يوم كأن حلم ، خشيت رقدت رغم اني قبلها كنت راقده واضبطت بطانيتي زين واول مره نديرها ، طقت علينا بنت سيدي قالت وين فاتن تعالي اسمعي عياط زكيه خشت عليها لميه صبيت م مرقدي وولعت فلاش تلفوني وطلعت نجري لبلكوني عيت سيدي ونسمعو ف عياط طلعو سيدي صلاح وعيال جيرانا هشام واشرف وسند واحمد وبابا وعمو بشير وولد سيدي حميد يشوفو فالراجل يدلف عالباب مش قادر يطلع م كثر لعياط معش قدرنا نسمعو خشينا نجارو ردينا نسمعو ف عياط صبايا اقوا طلعت ماما تجري طلعت وراها شفناا حجات كأن فلم سيارات فالجو انفجرن قعدنا نصارخو مشعارفين شنو اللي جانا وبابا وعمي وولد عمي كلهم لوطا نسمعو فيهم يصرخو يقولو ارقو للسطاح ارقو جينا نبو نرقو اختِ الصغيره قعدت تعيط وتقول محمد ومجد راقدين جوا ردينا نجارو كريناهم وبنات سيدي عندهن قطوس جايبه خشن يجارن يكرن فيهن نين غرقن وما قبل نقذوهن وسبحان الله القطاطيس نجن كلهن رقينا نصرخو للسطاح وهذا كله مزلنا م شفنا الكارثه لمه رقينا شفنا كيف الميه مساويه السطاح متاعنا شفنا لوطا مفيش شي باين مفيش حواشين مفيش حد اذكرنا ان اسيادي عندهم حواشين لوطا وجديدتي وعمتي مرقدات لوطا قعدنا نعيطو عليهن واسيادي وبابا اللي رقو معانا ينزلو وترد عليهم لميه يرقو معش عرفو م يديرو عمارتنا مالت زقبنا من مسافة كبيره رقينا نجارو لبير السلم متاع عيت جيرانا والريح تكر والمطر قوت نسمعو عياط ويسكت فجأه نشوفو ف اضاءه تلفونات من بعيد بعدها تطفا فجأه قعدنا نكبرو ونستغفرو ونعيطو انهبلنا منحسابوش ارواحنا نعيشو قعدنا نشهدو بعد المنظر اللي شفناه متوقعنش ارواحنا نعيشو قعدنا فوق من الساعه 2 ونص لعند الساعه 7 ونص وهذا كله السيل مزال م وقف نزلو اسيادي وبابا يجارو يسمعو ف صوت عمتي تعيط الميه مرقيتها للسقف كسرو الباب وم قبل انكسر م الميه والعفن اللي اجمع وراه نقذو عمتي وتعيط تقول ياريتني متت نسمع ف امي تعيط تقولي يافريحه تعالي انقذيني يافريحه راني ماسكه في لوحه يافريحه وين احمد وبشير يجوني شكلهم عيالي ماتو اللي ماجوني قالت قتلها كيف نجيك ونا غارقه قالت انطقت الشهاده ومعش سمعت حسها ، نزلنا من فوق ونسمع في عياط ومزلت مش مصدقه منزلتش دمعه
