نعيدّ ونكرر ، البوستات يلي تتناولو فيها لقيت كعب لقيت قفطان مش عارف شني في اكياس التبرعات ، كلام مافيش منّه ومانيش عارفة شن الغرض وشنّ التفاهه يلي أنتمّ فيها ، شُفت شخصياً عينة منّ النّاس يلي ترتب كله كان الله يبارك حتى لو مش جديد كان لبس نظيف ومعطر ومرتب ومنظم ، بعدين النّاس يلي وصلت فيها الموت وحستها والله والله ماحيصورولكم كعب وقفطان والتفاهات هذه ناس محروقة حتى الماكلة مستصعبتها ، عيب عيب حتى شُفتو شي سلبي بالمقابل فيه مليون شي إيجابي ناس تجري قادرة ومش قادرة ، معاش تتناقلو التوافهه احترمو مشاعر الناس الملدوعة واحترمو الناس يلي مسيبه كل شي في سبيل تجهيز الماعونة ، تبي اديري ترندّ فهو والله مش الوقت المُناسب ، تبي تفشلي النّاس يلي مادة يدّ العون فهذا شي نابع من القلب مش حيفشلهمّ حدّ ، يلي عنّدة كلمة خير يقولها ويلي ماعنداش حتى الصمت بركة في الوقت هذا
الله ع الفتنة عرفتو السروال الي مشرك منزلينه لغرض الفتنة المشكلة نفس الصورة شفتها .
لتوا اكتر من جيهة وصلتها تبرعات كلها حاجات جديدة حاجات نظيفة .
التموين ناس باعته الشوكلاتة والكاكاو مش زيت وطماطم بس .
علاش الفتنة علاش تشدو في الجانب السلبي بس .
ربي يرحمنا برحمته بس❤️
