اسكربت لو اعلم انك العوض لصبرت فوق صبر الصابرين صبرا

الفصل الاول

-لي تعمل فيا كده انا عملت ليك اي علشان تكون بالقسوة دي وتروح تتجوز عليا زنبي اي
=ذنبك انك مش بتخلفي وانا عاوز اخلف ويكون عندي اطفال
-ذنبي بقي ده ذنبي طب ما انا بتعالج وانت عارف ان العلاج محتاج وقت وبعدين فين كلامك ليا انك مش عاوز اطفال وان انا بالدنيا عندك فين كلامك ووعودك ليا
=كنت غلطان اكتشفت ده بعد كده لما بقيت بشوف اطفال اصحابي لما ازرهم وهما بيجروا عليه وبيقوله بابي جيه ولما كنت بشوف واحد وابنه في الشارع وهما رجعين من الحضانه وبيحكيله عن يومه حسيت انا اد اي محتاج اسمع كلمه بابا وكمان انتي بتتعلاج بقالك تلات سنين .... تلات سنين وانا مستحملك وبصرحه انا تعبت ومن حقي افرح شويه وابقي اب

فقت من سرحني علي صوت زملتي في المكتب

*مني انتي يا بنتي رحتي فين
-هاا كنتي بتقولي حاجه ي فرح
*لا ده انتي مش معايا خالص اللي واخد علقك يتهني بيه
- ها انا مفيش حد واخد عقلي المهم كنتي بتقولي اي علشان ورايه شغل كتير
*اه صح مستر احمد عاوزك في مكتبه حالا

احيه مستر احمد عاوزني انا اه انا نسيت اعرفكم عليه مستر احمد مدير القسم اللي شغاله فيه عنده32سنه هو محترم جدا بس مشكله انه عصبي شويه وصارم جدا في الشغل ومش بيحب الغلط في الشغل

قمت من مكاني بهدوء ورحت نحيت مكتبه وخبط علي الباب
:ادخل
دخلت ولقيته ماسك الملف بتاع المشروع بتاعي اللي سلمته ليه امبارح وبصراحه خفت ليكون فيه غلط فيه وقولت بس انا هتهزء
-احم حضراتك طلبتني
:اه اتفضلي اقعد ي بشمهندسه
-خير حضرتك
:كل خير انا بصيت علي مشروعك بتاع القري السياحيه وعجبني وعرضته علي المدير وبقيت راسأ الاقسام في اجتماع انهارده وعجبهم والمدير قرر انك هتنضمي لفريق العمل علي المشروع ده وقالي ابلغك تجهزي نفسك علشان هنسافر شرم الشيخ اخر الاسبوع علشان نباشر الشغل علي المشروع
-بجدانا مبسوطه اوي وبشكر حضرتك جدا وباذن الله هكون عند حسن ظنكم
خرجت وانا مبسوطه اوي ان حلمي بيتحقق واخيرا اه نسيت اعرفكم علي نفسي انا مني عندي 27 سنه بشتغل مهندسه ديكور واخير انهارده بيتحقق حلمي و هباشر شغلي علي اول مشروع ليا من سنتين شغل في الشركه

رجعت مكتبي ولقيت فرح مستنيني
*اي حصل اي قالك اي كان متعصب ولاه اي احكي يله ساكته ليه
-اييي اسكتي شويه علشان احكيلك
حكيت ليها اللي حصل ولقيتها فرحت اكتر مني فرح مش بس زملتي في الشغل هي صحبتي من ايام ثانوي وهي اللي ساعتني اني اتخطي حاجات كتير في حياتي واقف علي رجلي من تاني
خلصنا شغل وهي اصرت انها تعزمني علي العشا بمناسبه المشرع رحت معها وبعت ما خلصنا عشا ورغينا شويه كل واحده فينا راحت بيتها
وصلت البيت اه نسيت اقولكم اني ساكنه في بيت عيله
كنت طالعه السلم بس ثانيه اي ده الشقه دي مين فاتحها ولي كنت وقفه قدام الشقه وانا رجعت بذاكرتي لورا 
FIASH Backمن 6 سنين
=ادخلي برجلك اليمين يا عروسه
دخلت وقفل الباب
=واخيرا اتقفل علينا باب واحد انا مبسوط اوي وكنت مستني اليوم ده من زمان اوي
انا بحبك ي نينو ومن انهارده هتكوني مراتي وصحابتي وبنتي وحبيبتي وكل دنيتي
ابتسمت بخجل وانا كمان بحبك اوي 

بعد شهر
كنت في المطبخ وسمعت صوت الباب بيتفتح
- حسن انت جيت ي حبيبي وحشتني اوي
= وانتي كمان وحشتني اوي
- حمدلله علي سلامتك ي حبيبي اكيد جي تعبان من السفر خش خد دش كده عقبال ما اجهز الغداء علشان تاكل وتلحق تستريح شويه قبل ما العيله كلها تتجمع هنا بليل
=مسك ايديها باسها ربنا يخليكي ليا ومد ايده في جيب الجاكت بتاعه وطلع علبه صغيره وفاتحها وطلع منها سلسله شكلها رقيق اوي
اي رايك
- جميله اوي
=طب تعالي اما البسهالك       
لفت ليه علشان يلبسها السلسله وبعد ما لبسها ليها لفه لي وباس دماغها وقالها بحبك

end FIASH Back
عيوني دمعت من الذكريات بصيت اتجاه الشقه تاني ولقيت الباب بيتفتح و لقيته طالع منها ولقتني اتجمت مكاني من الصدمه وكل اللي بيدور في دماغي دلوقتي هي ذكريتنا سوي من ايام ما كنا اطفال اه ما هو ابن عمي
= ازيك ي مني
-اتكلمت بثبات وتمسك الحمدلله ي حسن انت عامل اي و ريهام واطفالك عاملين اي
= بخير الحمدلله انتي اي اخبارك
- الحمدلله بشتغل مهندسه وحققت حلمي
= اها احم الف مبروك علي تحقيق حلمك
- الله يبارك فيك ي ابن عمي بعد اذنك هطلع شقتي علشان عاوزه انام
= طيب
وطلعت الشقه و ملقتش حد في الشقه وافتكرت ان ماما قالتلي انهم هيرحوا يزوره خالتي هي وبابا واخويا وهيرجعوا متاخر
دخلت قوضتي واترميت علي السرير ورجعت لذكريتي تاني

كنا قاعدين قدام التلفزيون بنتفرج علي فيلم والجو رايق خالص
- حسن عاوزه اتكلم معاك في موضوع
= اتكلمي
- حسن انا كنت عاوزه اشتغل
لقيته طفه التلفزيون وبص ليا واتكلم
= لي هو انا مقصر معاكي في حاجه
- لاء ي حبيبي بس انت بتسافر كتير بطبيعه شغلك وانا ببقي قاعده زهقانه
= زهقانه اخرجي لكن شغل لاء
- لي بس ي حسن انت عارف اني مستنيه اخلص الكليه علشان اشتغل واحقق حلمي
= عارف بس برده مش موافق
- طيب ممكن تفهمني السبب
= من غير اسباب انا قولت مفيش شغل يعني مفيش شغل
-يعني اي من غير اسباب ممكن تفهمني ونتكلم سوي
= مفيش كلام في الموضوع ده تاني مفهوم وسابني وخرج
وجيه صلاحني بعدهاوانا زي الهبله اتصلحت وسمعت كلامه وماحققتش حلمي بس ادني اهو بحققه
نمت من كتر التفكير و صحيت الصبح بدري علي غير العاده توضيت و صليت ورحت عملت النسكافيه و خدته وطلعت البلكونه كان اهلي لسا نايمين مسكت فوني وكتبت علي صفحتي علي الفيس

(لماذا تعود ذكريتنا مع شخص قد كان السبب في جرحنا للحياه عندما نره
ولماذا لا يمكننا نسينا ذلك الماضي بما فيه من اشخاص وذكريات سعيده وحزينه )

_وبكده نكون وصلنا لنهايه الحلقه الاوله من الاسكربت اتمني انها تنال اعجاب الجميع متنسوش تقوله رايكم في كومنت

& لو اعلم انك العوض لصبرت فوق صبر الصابرين صبرا 💞&

# بقلمي _عزيزه_احمد

دمتم سالمين ❤️