اسكربت لو اعلم انك العوض لصبرت فوق صبر الصابرين صبرا

الفصل الثاني

قفلت الفون
وفضلت قاعده في هدوء بتامل السما في مشهد الشروق و الشمس بتطلع كده وبتكسر ظلام الليل وسوده وبينتهي مع الليل ده صراعات وافكار بتهاجمنا و ذكريات اليوم اللي مرنا بيه اذا كانت حلوه او وحشه كتير مننا بيستخدم الليل لاسترجاع ذكريات الماضي و في اللي بيستخدم الليل في انه يقعد علي الكورنيش او حتي في البلكونه مع شخص بيحبه و يتاملوا السما سوي وبمجرد ظهور اول شعاع من الضوء بينتهي كل ده وكل واحد فيهم بيطلع من الحاله اللي كان فيها وبيتحول لشخص تاني خالص عن اللي كان عليه بليل وده برده بشبه حياتنا بصوره تانيه يعني انت ممكن تكون عشت فتره في حياتك كانت الاول ليل لطيف معه نسمات هواه لما تلمس وشك تبتسم من جمالها وإذا فجأة تتحول النسمات دي لعصفه كبير بتهد وتهدم الابتسامه اللي كانت مرسومه علي وشك من شويه وبتبدا الابتسامه تتحول لدموع وصراخ مكتوم جواك مفيش حد حاسس بيه ولاه سمعه غيرك ومن بعدها بتطلع الشمس وبتدفن كل الاوجع والدموع جوه الليل والماضي وفي النقطه دي اشخاص بدفن نفسها مع الليل ده ومش بتكافح علشان تطلع من الظلام و عاصفه الذكريات دي وبتفضل مكانها و في اشخاص بتحاول وبتكافح لغايت لما تقدر فعلا انها تتدفن الماضي بكل مافيه وبتبداء صفحه جديده مع نفسها وبتبداء تصلح كل اللي هدمته العاصفه اه الذكريات هتجامهم من وقت للتاني لكن هيبتسموا ليها و يفتكروها علي انها درس اتعلموا منه
-فصلني من التامل بتاعي رنت الفون ببص لقيتها فرح رديت بابتسامه لاني كنت متاكده انها هتتصل بعد ما تشوف البوست اللي نزلته
- الو صباح النور
*صباح الفل عامله اي 
-الحمدلله انتي عامله اي 
* دايما يارب مالك
- مالي منا كويسه اهو
* لاء في منتي مش بتكتبي بوستات غير لما تكوني متضايقه ها قولي مالك
-عارف مشاكلتك انك حافظني لما نتقابل هحكيلك
*طب البسي وانزلي نتقابل في الكافيه اللي جنب الشركه ويله ي ستي هفطرك علي حسابي
-وتجبلي قهوه
*وهجابلك قهوه هاا هتنزلي ولاه الغي الفطار والقهوه
- لا تلغي اي ثواني و اكون لبسه ونزله
*طيب يلي سلام بقي علشان الحق البس انا كمان
- سلام
حاجه حلوه ان يكون عندك شخص بيحاول يفرحك بكل الطرق بيشاركك كل تفاصيل حياتك بيحاول يخفف عنك الحزن وينسيك همك وانا الحمدلله عندي فرح ماليه عليا حياتي وعلطول بتحاول تفرحني و بتشاركني حزني قبل فرحي هي اللي خرجتني من الازمه اللي مرت بيها هي مش بس صحابتي هي اختي اللي مخالفتهاش امي فعلا مقولت الصديق وقت الضيق حقيقه

بعد ساعه بظبط كنت في الكافيه

*ها اتكلمي بقي وقولي مالك
-بصيتلها بهدوء رجع هو ومراته وعياله امبارح
*هاا وبعدين اي اللي حصل
- ولا حاجه سلمت عليه و بعدين طلعت شقتي
*طيب هسالك سؤال وعاوزكي تجوبي بصراحه اي كان احساسك لما شوفتيه
-الصراحه انا ارتبكت واتفاجات في الاول لاني مكنتش متوقعه انو يرجع
* انتي فاهمه انا بتكلم عن اي
- اممم بصراحه انا مسحتش اتجاه بحاجه اللي هو ولا بكره ولاه بحبه مبقتش اكنله اي مشاعر هو بنسبه ليا ابن عمي وبس
* اممم يعني افهم كده انك نسيتي الماضي وهترجعي تتعملي معاه زي الاول
- اولا انا منستش الماضي انا تخطيته بس و من نحيت التعامل هو هيكون في تعامل بينا اكيد بس انا هاخد وقت علشان اتخطي اللي حصل واعرف اتعامل معاه زي الاول واكيد التعامل هيكون بحدود
*اممم تمام كملي قهوتك عقبال ما اروح الحمام واجي علشان نروح الشغل
- تمام ماشي كنت بشرب القهوه  بتاعتي وببص قدامي لقيت استاذ احمد قاعد علي ترابيزه قريبه مني قاعد بيشرب قهوته بهدوء وهو بيبص في الفون شكله هادي و ملامحه حلوه اوي عيونه البنيه اللي ضوء الشمس ضارب فيها ومخلي شكلها حلو انا سرحت في شكل عيونه بس فقت من سرحني لما اتقبلت عيونا مع بعض تهت في عيونه ومكنتش حاسه بالدنيا من حوليا حسيت اننا لوحدنا ومفيش اي بني ادمين حولينا ولاه اصوات انا وهو وبس هو لي عيونه فيها حاجه بتشدني
*انتي ي بنتي مالك متنحه كده لي
- هااا فرح انتي جيتي امتا
*لسه جايه بس مالك كنتي سرحانه في اي
- هااا اه كنت سرحانه في المشروع الجديد وخايفه اغلط فيه
كنت متوتره وانا بكلمها
*متاكده ان ده اللي مخليكي متوتره
- في اي ي فرح قولتلك اني خايفه من المشروع ده وانتي عارفني لما بدخل في حاجه جديده ببقه كده
* رفعت حاجبه وقالت طيب قومي يله نروح الشركه
- قولتلها يله وغصب عني و انا بقوم بصيت نحيت التربيزه اللي قاعد عليها لقيت لسه بيبص نحيتي اي ده بقي هو بيبص ليا كده احم انا من رائي اني امشي مع فرح بسرعه من هنا
ولسه هنمشي لقيت فرح بتبص نحيته وبتقولي مستر احمد هنا تعالي نسلم عليه وقامت جراني وراها يا باشا  
*اي ده مستر احمد حضرتك عامل اي
اتكلم وهو بيبص ليا
:الحمدلله يا فرح انتم عاملين اي
*الحمدلله بس اي الصدفه الحلو دي
: هي من نحيت حلو فا هي حلو فعلا بس انا كل يوم بقعد هنا شويه قبل ما اروح الشركه
كان بيتكلم وهو بيبص ليا تبا لك يا اخي
فرح اخدت بالها من نظراته اللي متوجه ليا وابتسمت بمكر انا عارفه وحافظه كمان
- طب يله احنا ي فرح علشان هنتاخر علي الشغل 
*بعد اذنك ي مستر احمد هنمشي احنا
ومشينا احنا الاتنين
*انا دلوقتي عرفت الجميل كان سرحان في اي
- هيكون في اي يعني ي فرح منا قولتلك في المشروع
* المشروع برده ي بت ده انا حافظكي انتي مشوفتيش كان بيبصلك ازاي ده منزلش عينو من عليكي
-فرح انتي فاهمه غلط وياريت بقي نقفل علي الموضوع ده
* ضحكت طيب طيب متتعصبيش بس
- انا مش متعصبه
دخلنا المكتب وكل واحده انشغلت في الشغل اللي قدامها
واخيرا جيه وقت البريك
- فرح جيه وقت البريك انا هنزل الكافتريا بتاعت الشركه مش هتنزلي
* مش هعرف انزل لسه ورايا شغل كتير
- خلاص انا هنزل اجبلي نسكافيه وهجي علطول اجبلك حاجه معايا
* اه هاتيلي نسكافيه معاكي
- طيب
وخلص اليوم علي كده كنا بنتمشي انا وفرح علي الكورنيش
- عارفه ي فرح انا مش عاوزه اروح
*لي ي مني احنا مش اتكلمنا وقولتي انو خلاص مبقاش في مشعر اتجاه
- اه ي فرح قولت كده اه انا تخطتيت اللي فات بس مش قادره .... مش قادره ابص في وشه بعد اللي عملوا فيا زمان انا سامحته بس مش قادره انسي اللي حصل
flashback
-طب وانا ي حسن والحب اللي مابينا انا فين من كل ده انت فكرت في نفسك وبس مفكرتش فيا لي طب ما انا كمان نفسي اكون ام زي ما انت نفسك تكون اب واديني بتعالج كام مره قولتلك نتبني طفل هاا
=وانا مش عاوز طفل حد تاني انا عاوز طفل يكون مني و يشيل اسمي
- كل الحوار ده وانا منهاره من العياط طب والحب اللي ما بينا انت ناسي اننا بنحب بعض من ايام الطفوله انت عارف كام سنه وانا بحبك انت في ثانيه كده نسيت كل الحب اللي كان بينا نسيت كل فرحه فرحنها سوي كل مره كنت بترجع من الشغل تعبان وتيجي تقعد في حضني كام مره قعدنا في البلكونه حضنين بعض وبنتامل السما سوي كام مره اتخانقنا واتصلحنه نسيت كل ده علشان طفل حسن انا لسه باقيه عليك وعلي الحب اللي كان ومازل بينا طيب بص انا موفقه افضل علي ذمتك في وجودها
= غمض عنيه وقال انا اسف ي مني هي مش هتوافق انك تكوني في حياتنا بعد الفرح علشان كده جيت علشان اقولك انتي طالق ي مني طالق بتلاته وسابني وخرج من البيت و انا اتلرميت علي الارض بعيط بحرقه يعني اي خلاص كده حب حياتي ضاع هو طلقني ولقيت نفسي فاجئه بصرخ بكل ما فيا لغيت لما صوتي راح و وحده وحده لقيت الدنيا اسودت من حواليا واخر حاجه فكرها هي ماما وهي بتجري وقلقنه عليا
  
يمكن كتير منكم هيقول اني افورت في اللي عملته ده بس مفيش حد هيحس بالوجع اللي حسيته غير اللي جربه حاجه صاعبه اوي لما يكون في شخص هو كل حياتك حب حياتك ومتعلقه بيه اوي وفاجئه يبعد ويسيبك علشان سبب انتي ملكيش ذنب فيه بتوجع قد اي

فقت بعد كده لقيت نفسي في قوضه باللون الابيض و ماما كانت بتتكلم مع الدكتور و محدش اخد باله اني صحيت وسمعته وهو بيقولها

ّها ي دكتور بنتي مالها فيها اي
بنت حضرتك اتعرضت للصدمه والظهر ان الصدمه دي كبيره اوي علشان كده بنتك جالها انهيار عصبي حاد
وبعدين الدكتور خرج وانا غمضت عيني ورجعت نمت تاني
وعدي اسبوع وطلعت من المستشفي و دخلتف في حاله اكتئاب حاد و مكنتش بتكلم او بمعني اصح مكنتش عاوزه اتكلم مع حد وعدي شهور ووعرفت خلالهم انو عمل الفرح واخدها وسفروا دبي وانا علي نفس الوضع لغيت لما ماما وفرح قدروا يقنعوني اني اروح لدكتور نفسي واتعالج واهو الحمدلله اتعلجت واتحولت من ساعتها لاشخصيه تانيه خالص
end flash back
عارفه ي فرح لولكي انتي وعالتي لوله وقفكم جنبي علشان اتخطي الفتره دي كان عمري ما اتختطها كان زمني لسه بطلع كل يوم بليل البلكونه وافضل طول الليل اعيط واسترجع الذكريات و مكنتش هبقي اللي انا فيه دلوقتي تعرفي اني ممتنه لربنا والقدر انهم جمعوني بيكي وخالونا نبقي صحاب واخوات
* لا انا كده هعيط من الكلام الحلو ده و بعدين ي بنتي لو مكنتش موجوده كنتي هتقرفي مين بربره وكل يومين بالخمس علب مناديل ده انتي خالصتي نص خازين البلد من المناديل ساعتها
- بت انتي هتعيرني علشان المناديل ولاه اي وبعدين هو انتي كنتي بتدفعي من جيبك يعني مهو كله من فلوس ابويا
* بمناسبه فلوس عمو تعالي اعزمني علي ايس كريم من اللي هناك ده يله
- وشورت علي واحد واقف بعربيه ايس كريم في الشارع الله ايس كريم تعالي ورحنا جبنا وكملنا تمشي علي الكورنيش لغيت الساعه 9 بليل وبعدين كل واحده فينا روحت بيتها
روحت البيت و طلعت علطول علي البيت لقيت ماما وبابا قاعدين بيتفرجوا علي التليفزيون
-السلام عليكم ي اهل البيت عاملين اي
+ الحمدلله ي حبيبتي اتعشتي ولاه اقوم اجبلك تتعشي
- الحمدلله ي ماما اتعشيت احم انا كنت عاوزه اكلمك انتي وبابا في موضوع مهم
لقيتهم طفو التليفزيون علشان يسمعوني قعدت علي الكرسي اللي قدامهم وقولت ليهم عن موضوع السفر اللي هو بعد بكره وهما وفقوا علشان عارفين انا كنت مستنيه الفرصه دي من قد اي
دخلت قوضتي غيرت هدومي ومسكت الفون ونزلت فيديو علي البرافيل بتاعي بتاع الفيس اتقال فيه احلي تالت حكم
(الماضي ممكن يوجع لاكن من وجهت نظري يا تهرب منه او تتعلم منه )
(لو ركزت علي اللي ضاع منك عمرك ما هتشوف اللي بيستناك شوف رزقك الدنيا واسعه )
(بص يا ابني اللي حصل حصل ومتقدرش تغيره صح صح غلط لما الدنبا تديك ضهرها ادي ضهرك للدنيا )
                                                             .................🌖❤️
وبكده نكون نهينا البارت التاني اتمني انو ينال اعجاب الجميع
التفاعل يناس رايح في داهيه والله ي شباب انا بتعب في كتابته البارت وغير كده ورايه مذاكره ومرضتش اتاخر عليكم اكتر من كده وكتبت البارت وتعبت فيه كل اللي طالبه منكم التفاعل بس علشان كمان تشجعوني اكمل كتابه

#بقلمي_عزيزه_احمد

دمتم سالمين ♥️