استحفال الجرم

بارت. 1.

#استحفال الجرم
بقلمي ..ملاك..

حساب الانستا "1ma._.k"

..____________________..

..
أنه بكلشي أختلف
حتى بضحَكتي هموم
وأنه بكَلبي سوالفْ تجرح البلعوم
كافي ياوكت
فدوه مني لك توب
شما امشيِ عدل وياك تمشي وياي بلمگلو..
..

كاعده امشط بشعريي وصافنه اليوم
تاريخ وفاه بابا وماما مثل هذا اليوم تحولت حياتهنه
من حياه ورديه وحلوه الى حياه تعيسه ما بي بس القهر وضلم اخذتني الصفنه واسترجعت ذكرياتي المؤلمه

"،
جنه كاعدين ومصدومين شكو شصاير ليش الناس
كلها تبجي وتباوعلنه بشفقه وحزن اباوع لختي
الصغيرة خافت من اصياحاتهم وتريد ماما
كمت اسكت بيها

:-اشش عمريِ هسه تجي ماما لا تَخافين

ما سمعتني وضلت تبجي ما عرفت اش اسوي
شوي ودخلو تابوتين والكل كام وتعلت الأصوات
وازاد خوف اختي وكامت تبجي اكثررر
كمت ابجيي وياها بالحضتها ما ردت شي غير حضن

،امي الدافيي وحنان ابويه ما جنت أعرف هاي آخر مره اشوفهم بيها اخذو التابوتين و اخذو روحيي

معاهم خلصت الفاتحه وآني ما مفتهمه شي غير امي وابويي راحوو جنت اصغيره ما مفتهمه شي لكن سمعت النسوان اش جانت تحجي

:-خطيه شلون توفو، الله يعين الجهال منو راح يربيهم

:- الله يرحمهم ،بس شلون توفو

:-،بحادث خيه
ومن هين عرفت وين راحو هلي

وره الفاتحه اجتمعو عمامي وجدي وبيبيتي كلهم بالمضيف آني واختي جنه كاعدين يم بيبيتي ،
حجه جدي

عيسى:- أسمعو كلكم آني قررت قرار وما ريد معارضه من الكل

عبدالله :-اي يابه كوللل

:آني قررت وين يعيشون جهال اخوكم

عمامي واحد كام يباوع بوجه اللاخ
عيسى:- آني رايد يعيشون ويتربون عد حمد

حمد :انيي؟؟

:-اييي انتَ، ليش أكو شي

حمد:-لا يابه بعيوني أحطهم بس ليش !؟

عيسى:- ردت يمك يا حمد،
لان اخوك الجبير عبدالله جهالو اكثار ما شاء الله
وماراح يكدر يربيهم ، وحسين طايش ما مال مسؤليه
واخوك حمزه الصغير تعرف بعدُ ما مزوج

،بقيت أنتَ رايد منك اتربيهم مثل ابنك ناصر

،شفت عمي بلع ريكو وحاير ومرتو تباوعلو بغضب
بعد كلام جدوو، مرت على السالفه كم يوم ورها صاحنه جدي

عيسى:- تعالو جدو تعالو ، اريد احجي وياكم بموضوع شوفو بابا أنتو راح
تعيشون يم عمو حمد وزوجتو لان آني وبيبي اكبار
وما نكدر انداريكم فا راح اتروحون عد عمو حمد
اي