#استحفال الجُرم "
بقلمي ..ملاك..
حساب الانستا"1ma._.k"
..___________________..
..
لا غريب لا جديد
رأس مملوء بالأفكار
أربع وعشرون ساعة متفرغ
وفي الساعات الأخيرة من الليل
يقرر الحزن
أن يجتاح شخصا قليل الحيلة مثلي .
..
"
: لزمت واحد منهم وايد ترتجف طلع بي رمز ، عفته واخذت الثاني انفتح رأساً ، ما جان بي رمز
، رحت على برنامج اللاتصالات ،
بلحضتها من الخوف ما اعرف على منو اتصل ،
جنت حافضه رقم ناصر فَ كتبته على السريع
توه كال الو وسمعت صوت احد جاي كبل سديته وغبيته يمي بحيث ما بين
، سويت نفسي امسح الكاع، شفت ضل شخص رفعت رأسي ، طلع الغابون
الغابون:- اشجاي اسوين؟؟
حجيت بتلعثم وبعصبيه مصطنعه:- ألعب رياضه ،
يعني شسوي جايه انظف
، ورجعت اكمل مسح ابنتر
، ضيق عيونه وابتسم ابتسامه جانبيه
: الكاع كلها ماي ، يعني الواضح جاي تشطفون ،
مو مال مسح الكاع!
ريمان:- اضن هذا شغلنا ! ونعرف شجاي انسوي
خزرني واردف ابنتر
:- احجي عدلل ، واكملي شغلج ابسرعه
راد يطلع انوب التفت واردف
:- كَملي شغلج واطلعي بدون ما اتبحوشين باشياء ما اتخصج
، كمل كلامه ، وبدون ما يسمع جوابي طلع من الغرفة
، اتنهدت واخذت اجر النفس بالكوه
, عضيت شفتي وكمت اخذت غراض التنظيف ورحت انطيهم الفاطمه لان بعد ما بيه آكمل أحس راح اكع من طولي ، من الهبطهه والخوف
، انطيت الاغراض لفاطمه ، وبدون ما احجي ركضت على غرفتي ،
سديت الباب وكعدت ارجفف ، وابجي،
كَلبي شويه ويكف ،
:- ياربي بس لا عرففف ، شسويت آني شسويتتتتت
كمت غسلت وجهي ، وكعدت ابجي على حضي ،
، واغم نفسي
: غسلت وجهي مره ثانيه ورحت نمتت ، ومن الخوف والهبطه ما فكرت بالشغل والتنضيف يلي عفتهم على النص
، كعدت غسلت وجهي واتوضيت ، صليت صلاه الصبح وره ما كَملت الصلاه ، كعدت ابجي ،
من كل كَلبي وادعي ربي يفرجها عليه ، واطلع من هل جحيم
، مرت الايام بطيئهه وكَـئيبه ، كل بهجه ما بيها
جان يومنا عبارة عن شغل وتَنظيف وكَرب ، ما نكعد لا وَكت أنريِد أنام
صرت منعزله نوعا ما حتى مع فاطمه وروح
ما احجي على كد السؤال والجواب،
لاحظو هل شيء ورادو يفتهمون مني شبيه
بس ما جنت اريد احجي مع أحد ولا اشوف احد ،
نفسيتي ادمرت ووجهي صار شاحب ، جنت أكول ها هيَ راح اكضي العمر كُله هيج ، وما راح اشوف اختي ، ولا راح التقي بيها مره ثانيه
، صار موقف الغابون كَ حجه حتى انعزل
