#استحفال الجُرم
بقلمي ..ملاك ..
حساب الانستا "1ma._.k"
..___________________..
..
عقل أشبه بالمحيط المظلم
وقلب خال تمامًا يُسمع الصدى فيه
وعيون ممتلئة بالأحباب الغائبين
وجسد ينازع للعيش
وأنفاس مزجت مع الشهقات
..
جنت واكفه اشوف اش أكو بالغرفه واستكشفها
حسيت على الباب ينفتح درت وجهيي
لكيت بنتين واكفات يم الباب
-روح:: عادي ندخلل
-ريمان :: اي فوتن عادي
كعدن وسديت الباب المطركع
،عرفوني عليهم ، ضلو يسولفون شويه وحجت يلي
اسمها فاطمه
-فاطمه:: ايي عرفينه عليج بما انو صرتي معانه بالجحيم اقصد بالنعيم
،نغزتها روح وضحكت بتسلكه
-روح:: هههه، فاطمه دمها خفيف بساع تاخذ الميانه
-ريمان:: عادي
-روح:: اي المهم ، خيه رايده اسئلج سؤال محيرني
-:: اي كولي ،تفضلي
-روح:: انتِ شلون قبلتي تجين أهنا ، خاله غاليه
حجتلنه قصتج بس اتفاجئت شلون قبلتي تجين
وهي كالتلج المكان خطرر
-ريمان:: ما جنت أعرف المكان هل كثرر خطيررر
لمن حجتلي تفاجئت اتمنيت ابقى بالشارع ولا ابقى اهنا ، وثاني شيي ما جن عندي حلل ثانييي غير انو
اروح معاها لان ما اعرف بهذاك الوكت شلون لازم أتصرف او شلون ارجع لاختي
، سكتت وما حجت شي
-فاطمه :: هسه ما علينه هي صارت وخلاص ، المهم احجيلنه عنج وعن اختج أنريد نتعرف عليج ، بس حبابه بسرعه لان عدنه شغلل لفوك رأسنه واصلاً لو يعرفون احنه اهنا يلعبون بينه جوله
-ريمان :: شتردين احجيلج خيه ، عن طفولتي
السوده لو عن حياتي المصخمه ،، عشت يم بيت عمي آني واختي من واحنا صغار مرت عمي جانت تضربنا على اتفه الاشياء ومرات جانت تحرمني
حتى من الاكل اذا سوينا وكاحه ،وهيج ضلت لحد ما كبرنا ولمن كبرنا صارت معاملتها ويانه اسوء اكثر
تخيلي شغلل البيت كله علينه مثل ما أنتو جاي تشتغلون هسه هي هم جانت تخلينه نشتغل نفسكم
لكن ما جنت اسكتلها واختي هم لكن اختي ما جانت تناقشها هوايي بكل عركه اطلعه من السالفه واكلله
تروح وآني اكعد اتعارك معاها ، وهي كل ما جالها
تكوم تكرهنا اكثر وخاصه آني ، وجنت اصبر عليها واكو ميخالف لاجل ما تطردنه من البيت ولاجل اختي هم ومن وراها شخصيتي صارت بارده وبنفس الوقت عصبيه ما جان عندي صديقات او بنات عم وخال اكعد اشكيلو واسولف معاه واحجي همي غير اختي تكعد تواسيني وتهون عليه ومرات جانت تكعد تكلب السالفه ضحك وقشمره لان هي شخصيته عكسيي تماماً هي تحب تتشاقه وتخطلت وما يعجبها اضل لوحدها، ومشت حياتنه هيج لحد ما أجه ذاك اليوم الأسود يلي صرت آني بجه واختي بجها
