هل تعرفين؟
هل تعرفين ان الحب موجع اذا كان من طرفي فقط وكأني اوصفه بذبح النحر رويدآ رويدا
وهل تلومين قلبي عندما تعرفين
كيف تستطيع ان ترمي كل بلائك ومصائبك علي لوحدي يكفي ان عشت مصاعب الدنيا بما فيها انت
............
ساجعل من نفسي قويه لنفسي
منى الطيف
هل تعرفين
.............
اجاني صوت ..السلام عليكم
رفعت راسي الصوت اعرفه ايي هو والله اعرفه
هذا الشخص الي كرهت شخصه وكلشي بي هذا الشخص الي حطمني وحطم حياتي
....
في زمان اخر
ووقت اخر
ومكان اخر
انفتحت شركة كلش جبيرة وحلوة كالوا محتاجين موظفات بي
رحت حتى اشوف شغل طبيت تفاجئت بلمكان واللبس مال البنات هاي مو مستواي اكيد ما يقبلون عباتي الراس لافتها عليه مطبقه من كل الجوانب ولازمتها بيدي وارجف احس المكان يصيح انتي شعدج هنا احس الكل يباوع عليه لان مو من مستواي لبسهن كله حصر وبناطير وشعرهن شكل وحتى الي لابسه حجاب كانت راسمه روحها رسم خجلت من روحي كل واحده راسمه رسم طالعه ليكول لعابه اني وين وهمه وين اكيد والله هسه ابو الشغل بس يشوفوني يطردني لان اكيد يكلك هاي ما تفيدني بشغل كلها جانت مقدمه يمكن بلميه جايين وهمه طالبين هواي موظفين وحتى عمال نظافه.
كان هواي مقدمين وكلها بيدها السيفي واني اجيت كعدت على الكرسي حالي حالهم مدنكه راسي ما رفعته كل ثنين اسمعهم يحجون احس بيهم يحجون عليه وعلى لبسي وكأن يكولون هاي شتسوي هنا
وصل سراي طبيت سلمت الفايل مالتي السيفي بس وثيقه التخرج والمستمسكات سألني عن اسمي والعجيب ماسأل شي ثاني رأسآ كال يصير خير عود خلي رقمج يم الموظفه البره واحنه ان شاءالله نتصل بيج عرفت طرده بنزاكه طلعت واني خايبه وحيل متفشله كوه كملت مشي وصلت للكيات على الشارع صعدت بلكيه دموعي ضامتهن بس ما تحملت بجيت ومسحتهن دموعي ما اريد ينزلن كون عساها بختك وحظك دعيت بكلبي ورجعت استغفر ربي
.........١٩٨٥كان بيت حجي ابو مجيد بيت جميل وهادئ بيت مثل كل البيوت لا يخلو من المشاكل وايضآ المرح والابتسامه ولدهم وبناتهم سوه بناتهم الي عدهم البنيه ما توصل لحد عمر 15 لازم متزوجه بس بسمه وتماضر هذني الثنين عقدوا عليهن ولد عمهن واثنينهم راحوا بلحرب هاي عادتهم قبل وناس عدهم اهم شي للبنيه الزواج والستر حسب معتقدهم الدراسه شي ثاني حتى ولدهم ما كانوا يهتمون بدارستهم اهم شي الشغل والزراعه كان وقت حرب مع ايران ولكن الدنيا تستمر الكلام
الي ابوي بي صدمنه كلنه لان بوقتها كانوا ياخذون الشباب والشياب حتى يطلعون بلجيش الشعبي لصدام جنه كاعدين على الغده ابوي رفع راسه وجهه كلامه لفريد
يوم الجمعه مشيتك على بت عمك
كلها رفعت راسها بوكتها بس النسوان وجهال اخواني احنه بلبيت الولد كلهم بلجيش صاعدين كانت بوقتها الحرب عالكه كلش ويا ساعه يجي خبر النه ويفزعنه وابوي جان بوكتها حاط ايده على كلبه يوميه يكعد باب الغرفه المغرب ويندعي الله يخلص هاي الحرب وتخلص لان تعب الانتظار لولده هده كلهم راحوا ٣اخذوهم حتى يحاربون بلحرب الي ما نعرف على شني اخذت الاخضر واليابس ويوميه شهيد جايبين يمنه وابوي كل ما يجي شهيد يطلع ركض يخاف خاف واحد من ولدنه ومن يشوف لا مو همه يرجع مقهور على الشهيد الي اجه تقط ولدنه ويجي واحد بجيته نفرح حيل نحاول نتناسى الحرب بجيته وكل واحد يحجي عن الشافه ابوي يكلهم كافي يبه سكتوا حجه ابوي
