هل تعرفين .....
منى الطيف
النجمه لا تنسوها ودعم ومشاركة للقصة
طلعنه كلنه نسلم عليه بس مرته ما طلعت ابوي بعد ما كلنه سلمنه اجه طب لغرفة ابوي كعد فاطمة ما طلعت ابدد ولا شفناها
ابوي كل شوي يكل لحميد هاا بويه شلونك وضعك لو فريد الي لازك بي عوزه يكعد بحظنه ومرت مجيد كريمه طلعت وهيه تسأله عن رجلها وحتى سلوى اجت تسأل
حميد.... الامر مالتي يختلف عنهم نقلوني لغير مكان ما صرت حتى اعرف اخبارهم
جابت الماي تماضر قدمته لحميد شرب وبعد كلام طويل يالله ابوي انتبه بويه جاا مرة اخوجن وينها فاطمه وين ما شفتها
حميد انتبه على كلام ابوي يمكن حس عنده مره
ابو مجيد...... حميد كووم بويه كوم روح لغرفتك ارتاح بيها كافي سكتوا عنه تعبان وانته فريد شني عوزك تكعد بحظنه وخر عكس ايدك عن رجله
ضحك حميد ... ايي والله بويه انزرفت رجلي بس انته تحس بيه
.. بعد ابوك حاس بيك حاس كوم بويه كوم روح لدارك
فريد .... هاي فوكاها فوك ما مشتاق الك مو صوجكك
كام حميد وهو مبتسم وفريد يضحك عليه
من تشوفه يمشي تحس حتى بمشيته متأخر وكأن يكلك ما اريد اروح
..
..
فاطمة
حميد.. كان مغولب على امره يعني يحب بت خالته جاا ليش ما ادري وانه اكول الزلمه شماله يتسودن مني وانه احتار شسوي اله والله اروح لمرت فاضل واستحي احجي وادوس على نفسي اكلها شسوي لرجلي حتى يحبني وهيه تعلمني شغلات حتى استحي اكولها يوم عن يوم كل ما اسوي شي ينفر مني ويبعد بلزايد وكل شهر مره يو راد قرب مني وانه الي احشك نفسي يكلي كومي من يمي اثاريها بت خالتك السبب جاا لو كايل حاجي يا بعد طوايف اهلي كلهم والله اله اخليك تنساها شنو هلغمه واخليك تفكر بيها كنت مبدله بعد ما سمعت صوتهم بجيته كلها ترحب صح ملجومه وكلبي احس بي مثل الجمر وحرارة بجوفي بس تهون انه اخليك تنساها خطيت الكحل وحمرت حلكي وكفت اتاني ورجعت كعدت وصلت يم الباب خل اروح اسلم على رجلي
لا خل اكعد هنا اتاني هسه يجي
متوتره وايد بطن ايد افرك بديه شوي وطب و
شبكته بعد ما سد الباب واني احظن بي واكله اشتاكيت الك يا بعد روحي
كان منزل ايده ولا بادلني الحظن وهلشي هم زاد روحي هموم فوك همومي المفروض الرجال يشتاق لمرته هسه حتى لو ما تريدني على الاقل تبادلني الحظن محسوبه مرتك وصار شهر ونص ما نازل
ابتعدت من حظنه وهو رد بس شلونج
.. الحمد لله جوعان اسوي الك اكل
.. بعد وكت قبل ساعه ترى وصلت ما خلن شي البنات جابن كلشي وانتي هنا مرتاحه كاعده ما تكومين وياهن حتى سلام ما اجيتي سلمتي عليه انطاني ظهره وهو يمشي بتجاه الكنتور ياخذ ملابس حتى يسبح
.. اسفه والله ردت اجي بس كلت اكعد اجهز الك نفسي قبل شوي طبيت ترى
اجيت يمه
.. احظر الك ملابسك لا تزعل مني
