اختاريتلها فستان ازرك فاتح وبي تجه من الكتف وبي حزام ابيض
بنين: يخبل شهل ذوق جميل
اسو: حياتي انتي
عفتها ورحت ابدل لبست بنطرون ابيض مو بنطرون يعني خفيف كلش مثل البجامه وعريض من جوه ولبست قميص ابيض ومن يم الصدر اكو خرز صغار لون ازرك والقميص ويا حزام وردي
نزلنه سوه اني ورنا وبنين
عباس: لو متأخرات بعد
رسول: راحن حرمَاتنه شوف لبس يبوو
راح علي يم بنين وحجه مصري: أي لبس الگميل دا
اسو: ذوقي هاذ حب
عباس: والله ولج طلع عدج ذوق
اسو: ليش محسسيني جان ماعندي ذوق
علي: لا وعلي بس شوفي بنين طالعه گمر
عباس: اي والله اليوم غير طالعه كيك رناوي الحلوه
بنين: ليش قبل جنت محلوه
رنا: واني هم قابل جنت محلوه
رسول: يلا كضوهه نكد ماكو طلعه
اسو: لا ولجن سدن حلكجن امشو يلا
ضحكو وطلعنه وكل واحد راح بسياره
ماما وبابا وعلي وبنين بسياره
واني ورسول وادم بسيارة
وعباس ورنا بسياره
**
رنا::- طلعنه من البيت ومشينه وره سيارة عمو احمد شويه ودك تلفون عباس
- ياهيه منهن
-اي عرفتها
-ماشي ماشي
كمل وسده وعمو احمد لف سياره وراح بغير طريق وعباس ويا ورانه سيارة رسول
- منو دك
-ابويه
-وين راح نروح
- لـلاالعاب
- تمام
شويه وصلنه طبكنه سيارات ونزلنه الحديقه كللش جبيره وبيها ملاعيب والكاع مليانه زرع لكينه مكان كعدنه اجواء تخبل شويه وشفت رقيه واهلها اجوي يمنه سلمو وكعدو صارت لمه تخبل بس لاحضت نضرات محمد لـ اسو وهوه مزوج ومرته يمه بعدين كالت اسو اريد العب بـ الملاعيب
رسول: كعدي بابا عيب جاهله انتي
اسو: اهو معليه اغيد العب
رسول: ولج الي بكدج عدهن جهال كعدي وسكتي
احمد: رسول عوفها خل تلعب روحي بابا روحي لعبي براحتج
كامت اسو وطلعت لسانها تعيب على رسول ضحكو وهيه راحت صعدت بـ المرجوحه صارت كدامنه تلعب وتضحك بعدين صار ولد وراها مبين بكدها ضل يدفع بيها واشوف محمد كام وراح يمها وخر الولد وضل هوه يدفع بيها كام ادم هم راح يمها وضل يدفعون بيها قوي واسمع هيه تصيح تكلهم نزلوني وهمه يضحكون عليها بلاخير نزلوها جتي ركض يمنه
أنت تقرأ
وصب الغرام
Misteri / Thrillerهُناك فتاة جميلة المظهر شعرها بُني غامق تمتلك عيون جميله وغريبه ، و تمتلك على خدها غمازه جميله وبياض ناصع..... تعيش مع عائلتها ب هدوء وسلام... تحب شخص... لكن... اختطاف.... رعب... هروب... لكن!! ماذا يحدث بعد ان تهرب؟! دعونا نتعرف على هذه الف...
