وصب الغرام

بارت 28

معرفت عليمن ديحجن كتلني فضول بسرعه كلت

اسو: عليمن جاي تحجون

بنين: على ابني المستقبلي

اسو: شنو

رقيه: هوه اصلن بعده مامخلوق

اسو: بعده الله. ممفكغ بي

بنين: استغفر الله ههههه اريد اعرف ولد لو بنيه

رنا: بشهر رابع يبين ولد لو بنيه

رقيه: انتي شرايده ولد لو بنيه

بنين:ميهمني اذا جان ولد او بنيه المهم كامل الخلقه مابي نقص

رقيه: كلشي من الله أنعم الله

ضلينه نسولف وصار لازم نروح لاهل سرى وفعلاً طلعو صعدو بـ الكوسترات وصلنه لاهل سرى طبينه بدة الهلاهل وضل يطشون جكليت وكولات عربيه

هاي لرادها وهاي التمناها بت شيخ لابن شيخ جبنها

فصوص روبه ياكفاها منين دورها ولكاها

جان صاحبها وخذاها

وماذكر بعد جانت هوسه وكوه الگف الكلمات المهم دخل ادم حتى يلبسها الحلقه لبسو الحلقات مرت مراسيم الخطوبه

رجعنه للبيت بسرعه صعدت بدلت ونزلت لكيت محمد يمنه ضلو يحجون عفتهم وطلعت بطرمه كعدت ضليت صافنه

ماعرف شكد مر وقت واشوف محمد كبالي بسرعه كمت داطب وحسيته يجرني من ايدي

- شبيك ايديي

- اوكفي داحجي وياج

- احجي يلا

- اوكفي لا تتحركين عليج العباس

- تمام

طلع بسرعه مرت دقايق داطب وصاحني

- تعايي

اجه بيده ورده حمره واني احب الورد الاحمر وماقاوم ع لون الاحمر ابتسمت واخذتها

- متوقعت هيج راح تفرحين

- مفغحت ع صخام وجهك بس لئن احب الوغد الاحمغ

- رحمه الله والديج راح اراسلج جاوبي بس اكلج شغله

- عود ماشي يلا باي

عفته وطبيت جوه لكيت بس عباس ورنا كاعدين كعدت شويه ورجعت صعدت فوك

**
بنين::- كاعدين اني وعلي اني مطنكره وهوه مطنكر

- جوعان

- انزل اكل

- سويلي اكل وجيبي يمي

- مابيه حيل

- اروح يم صاحبتي تسويلي اكل

- ياهيه تكلبك

- اخابر صاحبتي اكلها راح اجيج