BIAKHLUA

CHAPTER-2

Ka alarm ri chuan mang ram atang chuan min kai harh zawk a, peih lo zet chuan tho in inbual tur in bathroom lam ka pan a. Dik tak chuan nitin a chhuah ngai hi ka hne mahse pawisa ka duh ve tho bawk si a peih lo tawk hian ka kal ve leh nge nge zel a.

Dan ngai te bawk in Rody chuan min lo sawm leh a, inhnial pah chuan kan thleng ve thei hram. Office kan thleng chu pu ber mood fuh lo nen in nang in kan tlai thu min sermon khum nek kha ka thin a rim hle mai nidang a kan thlen hun ah tho kan thleng a, ani mood fuh lo in kam chhe tleuh nan min hmang kher kha ka la na. A room atang chuan chhuak in kawngkhar ka khar bur a engtin mah chuan min ti lem hlei lo a.

Ka chhuak chiah chu Rsa chuan 'enteh Biakhlua kha maw Aizawl' a sawi zawh hma chuan 'Ninawm i ka leh Biakhlua Biakhlua tih reng mai ka hre peih lo' ka ti hlur a mahse thil ka hrechhuak thut. 'Eee khawi maw a ig username chu' kan ti nghal tawng a Rsa chuan min en hu ringawt mahse harh chhuak thut ni awm hian a phone chu phawrh in min hmuh ta a. 'Hmm nge Biakhlua ti na na na Lesky Hype tih leh daih, hming panngai te hmang ve mai se' ka tih chhunzawm zat ka tan chuan Biakhlua tih khan zawn hmuh ngaihna a lo awm reng reng lo..

'Englo ania Biakhlua chu kar leh ah Aizawl alo thleng ang aw' a tih chuan 'Duh leh lo thleng se Tlabung ah pawh thleng ang hmiang a ho' tih pah in zung tur in bathroom ah ka lut daih.. Min duh lo tu tur hel kual a vei kual kha ka peih lo mahse ka rilru chuan amah ngawt a ngaihtuah bawk si heihaa ka hringnun teh hrep hi a..

BIAKHLUA POV:

Ni li na ah chuan ka pianna Aizawl chu ka thleng ve ta (ni li hnu ani mai ka ning engtia rei nge an thang thin ka hrelo time skip duai ni mai). Richie leh Ruatdika chuan min lo hmuak a Chhankima erawh concert a nei ka tih tawh kha.

Car a in lam kan pan lai chuan Richie chuan (amah hi Richarda nia mahse Richie kan ti mai zel a, chuan Chhankima Richie leh Ruatdika te hi rapper vek an ni a Ruatdika hi chu Lunglei lam mi ani)'enteh bro Miriami kha pasal a nei dawn an tia' a rawn ti sup a. A sawi ring ngam lo ka hre reng a chhan chu he nu vang a ka natna leh ka nun pangngai lohna hrechiang ber tu te zing ami ani tlat. Chhang lem lo chuan ka chhing ta daih a ani pawn sawi chhunzawm a tum lem lo.

Ka rilru ah chuan thil tam tak alo lut a, Miriami ka thinglung in a hriat reng a duh loh chu ka hrechhuak a ka dam deuh tawh amaw ka lo tih ve chu dawt vek ka na thar leh em ani.. Kha leh chen kan hlim dun tawh a kan in then ka ring ngailo reng reng. Mahse hun a liam a a mizia a dang telh2 a a tawp ah phei chuan ka cho phak ve rual loh mipa dang lak ah min phatsan a, mipa hi alo nep theih ngei mai. Let leh tur in ka sawm cham chi a mahse ka tan chuan a rah sang tawh lutuk ka lo phak ve tawh lo. Mipa mahni tawk a pa in ti ve tak thin kha hmangaihna vang in mittui nen hun ka hmang a, ka tlawm ngawih2 a mahse chung te chu hmuh nuam ati zawk ni awm fahran in min khawsak khum a. Ka chhungte leh thiante hian theihnghilh a hma lam pan tur in min hrilh thin mahse hmangaihna hi duh hun hun ah a paih bo ve theih si loh ani. Hei vang hi ani ngaihzawng ka neih leh tawh loh ni, nat nawn ka hlau ani ber. Kum a liam a in dawm kun reng a tha lo tiin hma lam pan ka tum a, ka ngaihtuah duh lo lui a ka zia viau pawn ka hria mahse a pasal neih tur awm ang deuh ka hriat chuan ka lo la dam kim awzawng lo mai.

Rei lo te ah in kan thleng a room ah ka  chho a inthlak fel in ka chhuk a, chaw ei kham ah chuan ka thiante pawh an awm rei lo an haw hnu chuan ka chau em mai tiin mu tur in ka room ah ka chho a. Ka chau ve tak tak bawk a mut mai ka tum a mahse ka thei der lo mai, rei fe ka in leh ka in leh hnu chuan ka tho thurh a ka rilru a hla awm chu ka ziak chhuak mawlh2 a. Kei chu ka thian te ang tho a rap ngaina ltk rap ve thin tho ka ni a mahse Company ka kut a a awm si avang hian ka tui na lam ah ka kal thei lutuk lo ani..

Ka hla phuah chuan ka mittui a ko chhuak lehnghal, ka na a ka tawt a ka ipik ngawih2 tih theih nei hek lo a tawp ah chuan ka in tap muhil leh ta nge2 ani.

–------------

SANGSANGI POV:

Friday zing ah chuan ka mut kham lo chu ka insiam pah chuan ka phun nang nang a, nitin chhuah hi ka hne Saturday tal te hi chawl ve ni ila zia tur.

Nileng chuan ka buai ve deuh avang in rilru ah Biakhlua pawh a awm bij lo. Tlai kan bang kan haw tur Rody i bike la ka nghah lai chuan min ko ri hi ka hria a kan leh hawi nak chuan khawvel mihring a ka hmuh chak loh ber mai chuan min lo en reng a. 'Enge mamawh i nei ami Remruatfel?' Ka ti chang fak. 'Englo ania ka be lawk duh che a' zawi sap hian a ti a, 'ka be peih ve hleinem che' ka tih chuan 'khawngaih in' tih leh ka kut vawn a rual a, ka phih thla sawk.

'Enge ni Fela?' Rody chuan a rawn ti hmuk a. 'Dy khawngaih in ka lo thlah haw Sangsangi hi' a tih chuan Rody chuan 'engvang in??' a ti tawi tak mai. 'Sawi pui tur ka nei Dy khawngaih tak in rem ti hram teh' ngen ngawl zet a atih tak ah chuan Dy pon a khawngaih ve ta aniang, 'awle i thlah dawn nia mahse hei hi hre roh, ani lo zawng a khawih i tum anih vaih chuan kei aia hmeichhe rapthlak hi i tawng lo ang. Pem leh hliam pakhat mah a nei tur anilo a dar 7 hma in in i thlen pui tur ani, ka thu i zawm poh chuan min hriat chian kha' tih pah in min tlan haw san a. Ka la ding reng, 'kal ila' a tih chuan ka la hel tlat, nelawm loh zet hian 'haw rawh i bialnu thar min phatsanna nu va thlah rawh' tiin kal ka tum a mahse min pawt let dawrh a 'min thlah rawh Remruatfel' ka tih pawh chuan min thlah eih lo, chutah kan office bul Cafe  atang chuan aw tham nalh zet pa ru zek si hian 'kei chu ni ila ka kalsan ang hmeichhe awm nem zawk khatia tih chu a mawi viau lo thianpa' a rawn ti hriam hraih a. Aw lo chhuahna ka va en nak chu ka lungphu hi a tawp vek ni mai hian ka hria. Tudang an nilo Biakhlua ngei ani ka chiang lutukkk a bul ah chuan mi pakhat alo ding bawk, a hmel.mawlh kha ava han tha chiang kuang tak a sang si, ka en ngawih2 a chutah Remruatfela pawh chuan buaina siam ai chuan ti ni awm tak hian min thlah a ngawi reng chuan a bike chuan a tlan liam daih.

Biakhlua lah chuan engmah sawi lo chuan a thianpa nen chuan an ti ti a ka en reng, a nui hmel ka va hmu fuh chu awiii ka va han duh tak a ha t(r)o thuah nalh lutuk mawlh chu kumkhua a en ka chak ngawih2. Chutah a an bul ah chuan car lo.ding in an la tlan daih zui, 'zei lo ee min thlah ve awm' thinrim tak chuan kan ti ve leh ringawt a. Tih theih awm hek lo taxi phar in ka haw ve daih.

(Bak chu ka hman tawh rih lo min ngaidam ru 💜)