BIAKHLUA

CHAPTER-3

BIAKHLUA POV:

Zing ah chuan hma tawk ah tho in ka pa sawi ang in Company lam chu ka pan a, ka secretary chu ka duh lo nghal pang mai. A hming kha Jennie ni ta in ka hria, a hawi her kha ka duh lo min beisei tih pawh ka hai lo. A in ha chhing si, kawr nghawng zau si engtik lai mahin hmeichhe thawmhnaw thelem lutuk in bel hi ka ngaina ngailo, 'ka pa pawh hetiang lo lak reng reng mai' ka ti sup a. Nileng chuan ka buai ve a, tlai lam ah Addie chuan min lo call a kan Company bul a Cafe ah chuan in hmu tur in kan ti a.

Ka hman meuh chuan Addie chuan min lo nghak reng tawh mai, hepa hi chu hun a vawng dik thlawt. A bialnu Angela nen an  inneih tur chungchang te chu sawiin Chhankima bialnu thar neih te chu a sawi luam a. Rei tawk fang kan thut hnu chuan ka driver chu call in min lo lam tur in ka hrilh a, keini pawh pawn ah chhuak in motor nghah pahin meizial kan zu khawmuang rih a. Chutah kan piah deuh ah chuan mipa leh hmeichhe tawng ri kan hria a, kan ngaihven lem lo mahse hmeichhe vin deuh thak kan hriat chuan kan hawi phei a mipa pakhat hian hmeichhe pakhat kut hi alo vuan a, a kut vawn sak nu chuan a duh lo tih hriat zet hian lak let alo tum ngar2 a. Mi buaina ah hian ka in rawlh ngailo ania mahse engemaw ka hriat ni pan hnaiin ka va in rawlh ta nge nge a, chu pa pawh chuan buaina siam a duh lo nge a kalsan ta nge nge a. Keini lah  kan titi zawm a hmeichhia pawh chu kan ngaihsak zui lo, motor lo thleng ve nghal nen kan lut ta daih a. Chutah Addie chuan 'aww kha nu kha kan lo phur tel ve mai lo ani' a ti a, 'engati??' Ka lo ti hu mai. 'Aw buaina te tawk leh ta se' a tih chuan 'a ho em mai zan rei em pawh ala ni lo' ka ti liam puat a. Lehlam ah chuan ka ngaihven ru tho a mahse chutiang teh hurh pawn ka ngaihven tak tak chuang lo.

In ka thlen chuan ka chau ve khawp mai, zanriah eikham ah pawh chuan room lam ah bawk ka tawm leh daih a chhan chu ka lung a leng em ani. Hmeichhe lam ah hian ka lerh lem lo ani kha ka hmangaih hmasa ber ka bialnu hmasa ber ania, hetiang tak a min tihnat hi ka ring pha ngailo hrim hrim.. Hmuh zui ka duh loh vang a Dubai lam  a awm ta pawh ka ni reng a, tun thleng hian ngaihzawng ka la nei leh lo neih tumna pawh ka nei lem lo han kawp zeuh chu nei mahila zan khat bak ka kawp ngailo chu pawh zeuh zeuh ani mai. Dar 8:30 bawr vel ah chuan Richie bawk chuan min rawn call a chhuah pui ah min rawn sawm a peih lo viau mahila kan in hmuh lohna a rei ta bawk nen tha tho lo zet chuan ka chhuah pui ta tho a.

Park a kan thut lai chuan ruah alo sur si hmanhmawh tak chuan motor ah kan lut a tlan chhuah pawh tum lo chuan kan titi leh char char a. Chutah kawng pui ah chuan hmeichhe te ve lampang hi hlim hmel em em hian ruah rawn do in a rawn dai per chhak chhak a, ka va hmu fuh lutuk chu ka en reng a. Richie rawn nui huk 'ava han atthlak mai mai e aw, mi huh hlau em em in kan awm a' a tih chuan ka khi ve suk. A hmel lah chu ka en a ka hmuh hnu ang riau in ka hria mahse ka hrechhuak zo tawh lo. Kan awmna bul lawk a rawn thlen chuan a hnung ah bullet khalh hmeichhia nu lian ve lampang hian a rawn au a, kan in hnaih ve tawh deuh avang in an tawng chu kan hre phak. Bullet khalh tu chuan vin zet hian 'Zawngi i mawl ami? Nge khatia ruah i do vak vak kalna tur sawi bawk silo rawn chuang vat rawh' ati deuh chiam a chu nula lah chuan 'do lo bik hi i ang thin' nui vak vak chuan tiin bike ah chuan a lawn nghal zat a an tlan liam ta. Kan nui huk mai a chhan chu khanu han nuih balh dan em em kha nula nui atan chuan a ngaihna awm lo.

___________________

SANGPUII POV

Tih tur a va han awm lo mai mai tak tih pah chuan khum ah ka phone chu ka khawih mai mai, thil ka hrechhuak zawk. Zak rual pawh ka ni tawh em hleinem tih pah chuan Instagram ah chuan ka lut a, ka biak duh ber hming chu ka type a ka follow nghal hmak. A account a dah private lo chu ee lawm tak ka ni, message ah chuan lut in 'ih.. I chhelo korean bak ka vei ngai loh nen' tih te chu ka type a. Ka send hma chuan minute thum vel kan ngaichang a chutah zak lo min tih pawn pawi lo tih pahin Lesky Hype tih chu ka thawn ta. Ka phi nghal chung mai lo reply se ka tih viau rual in ka zak leh deuh si lo reply lo tawp se te kan ti leh thul. Ka phi cheng tak tak, chutah ruah a rawn sur ta, ka thil tih zawh chiah vang a ka chiang lo nen phur lutuk in ka tlan chhuak hmiah. Ka chhungte ka ni te in ah chaw an ei avangin ka chhuak tur chu  dang tu nei hek lo ruah do tur chuan ka chhuak ta. Ka phone pawh ka keng peih lo e a a huh chuan company loss ani mai. Ka rilru leh thinlung awm dan chu ka sawi thiam lo ka hlim ve tawp, chutah park ka thleng der mai nui vur vur pah chuan tui te chu ka dai per chhak chhak a. Ka hnung lam a min vin tu chu tudang anilo Rody ani, ka hrechhuak alo riak dawn tak. Min hauh hrep hnu chuan min hruai haw ve ta. Zan ah kan mut hnu pawn ka phone chu ka en sek min reply na ka la dawng lo. Mahse 12:30 pelh ah chuan 'ka lawm e' tih chiah ka dawng, Rody lo riah hi chuan dar 2 hnu lam ah kan mu ngailo hrim hrim, nilo se chu ka mu daih tawh anga min reply na khi ka hmu lawk awm silo a, kan mut har vang a ka lawm ber tum ala niang.

Ka khi reng Rody thusawi pawh ka beng khawn tawh lo. Min kuk fawk pah chuan 'hmeli enge i ngaihtuah a' rawn ti hlur. 'Engmah i hmeltha em a mawle' ka tih chuan ner nang hian 'i daw pawrh anih chu hmui thil tithei nu' tih pahin min melh rum ngang mai. Nui vur vur chuan ka en a mu ang ka tia lehlam ka hawi daih. 'Aw a chhan chu ka hre thuai awm emai i zep rei leh hlei lawng e' tih pahin lehlam min hawi san ve hmak.

A tuk office ka kal tur te chu kan phur em em khawp a, darthlalang a in en pah chuan 'nuam ee' kan ti leh thin, a chang leh 'a duh awm lo che ee' ka ti leh thul. Engpawhnise min duh emaw duh lo emaw kal phawt ang.

Office ka lut chiah chu Rsa chuan 'zawngi biakhlua khan a nei lian lutuk an ti' a tih zawm nghal zat. Kei lah chuan 'kha te chu chiang sa alawm' ka lo ti awlsam et. Ka duh thlawt ani Biakhlua hi mahse ka la in thup rih Rsa leh Rody lak ah hian. Aww hmalam hun tur hria ni ila duh lo tur khan thu tlukna ka siam ngei ang mawle aw..

(Idea zo rih tlat guysss min hrethiam teh u. Borahae 💜)