♡أحبَــبْــتُ إسـلامهَـا♡

✿الفَصل ①✿

رواية /أحببت إسلامها
للكاتبه/مريم طارق
*الفصل الأول*.....

كنت ماشيه في الشارع، وماسكه كيس الخضار، وكنت سرحانه في أمي اللي تعبانه وعندها كنسر في الدم، و عماله أفكر في العمليه وإزاي أمي هترجع زي الأول، وفجأه فوقت من سرحاني وأنا موقعه شنط الخضار كلها..
مره واحده لقيت ست قالتلي متركزي يا بنتي ولا إحنا ماشيين زي العمي، وقتها إتأسفتلها، بعدين لقيت بنت من نفس عمري تقريباً جات ولمت معايا الخضار وكان باين علي شكلها إنها قدي وبصراحه فرحت جداً من موقفها الإنساني ده وشكرتها وأخدت رقمها وقررنا إن إحنا هنكون صحاب..

آآآه نسيت أعرفكم بنفسي أنا ملك عندي 23 سنه بنت مختمره وملتزمه وعندي أخت إسمها منه أصغر مني بتلات سنين وأخويا أحمد اللي عنده 18 سنه و  والدي عنده 53 سنه وهوا بيتعب دايما عشان يعيشنا عيشه محترمه وأمي اللي هيا أغلى حاجه في حياتي كانت كويسه جداً ولكن في يوم تعبت جامد وإكتشفنا إن عندها كنسر في الدم..

رجعت البيت يومها وأنا قاعده أفكر في حالنا ولإني أكبر واحد في إخواتي ف كنت مشيله نفسي مسؤليتهم  وكنت بشتغل في محل ملابس كبير مع إن بابا طلب من كتير مشتغلش بس أنا مصممه آه أنا في كليه تمريض في سنه خامسه كليه يعني باقيلي سنه وأتخرج..
المهم دخلت الأوضة بتاعتي أنا وأختي لقيت أختي منه قاعده زعلانه سألتها مالك؟
منه: بكره عندنا حفله صغيره في الكليه ومش عندي حاجه كويسه ألبسها.
ملك: مش قولتلك قبل كده يا حبيبتي بلاش تحضري الحفلات دي.. والله بيكون فيها بنات مش كويسة وبيعملو حاجات حرام وأنا خايفه عليكي.
منه: يوووه بقي يا ملك هوا أنا كل ما أقولك حاجه تقوليلي حرام!!
ملك: بصي يامنه الميڪب حراام والبرفيوم حراام والبناطيل حراام وشعرك الل بطلعيه من الطرحة زى حسوونة دا حراام وسماع الأغانى والجهر بهاا حراام وڪل الحاجات دى حراام فـ حراام.😑
منه: طيب يا ستي أنتحر عشان ترتاحي!
ملك: لأ متنتحريش.
منه: ليه.
ملك: الإنتحار حرام 😂
منه: أووووف أنا زهقت انتحـر يعني واريحك.
ملك: لأ متنتحريش.🙂🖤
منه: أووووف أنا زهقت انتحـر يعني واريحك.
ملك: لأ متنتحريش.🙂🖤
منه: لـي ..!؟؟
ملك: الإنتحـار حراام🚶‍♀️😂
منه: مااشي يا ملك إنتي هتفضلي طول حياتك رخمه وبارده ودمك تقيل بس كده هه.
ملك: تمام أنا دلوقتي نازله أجيب تورته صغيرة وأحتفل مع نفسي وعلى الله تدوقي منها حته.
منه: ليه بس يا أختي يا حبيبتي أنا طول حياتي بقول إن إنتي أحلى أخت في الدنيا يا قمر إنتي.
ملك: هههههه أيوه كده يا بت تصدقي همك علي بطنك يلا أنا نازله أجيب التورته ونفرح مع بعض شويه بدل حفلات الجامعه دي.
ـــــــــــــــــــــــــــــــــــــــــــــــــــــــــــــــ اليوم التالي ملك كانت بتصحي منه لصلاه الفجرومنه كالعاده نومها تقيل فملك جابت كوبايه مايه متلجه وهوباا علي وشها😂😂 
منه: بغرررق بغرقق.. حد يصحي حد كده 🫤
ملك: ما أنا صحيتك بالزوق وإنتي مرديتيش
منه: ماشي يا ملك مردوده.
فجأه واحده ملك حسيت بحد وراها مره واحده أحمد أخوها جاه من وراها وقال بوووم..
ملك: سلام قولا من رب رحيم فيه إيه يابني.
منه: أحسن ياملك هنقول إيه ماهو من أعمالكم.
ملك: طب إنجري قدامي يلا عشان نصلي وإنتا يا أحمد حسابك معايا بعدين يلا إنزل صلي مع بابا.
أحمد: طيب يا ستي نازل متزوقيش.
الأب وإسمه سمير: إزايكم يا ولاد عاملين إيه.
منه: بقولك إيه يا بابا لاحظ إن في بنات هنا.
الأب: خلاص ياستي إزايكم يا بنات عاملين اية.
أحمد: ماشي يا بابا بقا كده.
الأب: إسكت يلا إنتا وهيا مش هتبطلو لعب العيال ده أنا نازل أصلي وإنتا يا أحمد تعالي معايا وإنتو يا بنات صلو علطول.
ملك: حاضر يا بابا تيجي بالسلامه.
الأب: الله يسلمك يا بنتي.
الأب نزل هوا وأحمد وملك صلت هيا ومنه وبعدين ملك دخلت تطمن علي أمها..
ملك: صباح الخير يا ماما عامله اية دلوقتي.
الأم وإسمها ساره: كويسه يا بنتي الحمدلله.
ملك: خلي بالك من نفسك يا أمي وخدي الدواء في مواعيده.
الأم: والله يا بنتي ما أعرف إنتو مكبرين المواضيع كده ليه.
ملك: مش مكبرين المواضيع ولا حاجه يا أمي وبإذن الله هنوفر فلوس العمليه قريب جداً.
الأم: يا بنتي ما إنتي شايفاني قرده قدامك أهو.
ملك: ربنا يديكي الصحه والعافية يا حبيبتي.
الأب: الله الله علي الكلام الحلو مش بسمع منك الحاجات دي ليه يا بت يا ملك.
الأم: جرا إيه سمير إنتا بتغير ولا ايه قول متتكسفش ههه.
الأب: ماشي يا ساره بقا إنتي وبنتك عليا مااااشي.
ملك: بقولك ايه يا مامي أنا رايحه أقرأ قرآن شويه وبعدين أنزل الشغل عاوزه مني حاجه.
الأم: لأ سلامتك يا روحي خلي بالك من نفسك.
الأب: مامي الله يرحم 🤣.
ملك: طيب هسيبكو أنا مع الشلامه.
الأب والأم: مع السلامه يا بنتي.
ملك دخلت قرأت قرآن شويه ولما الساعه جات 8 قامت بسرعه ولبست خمارها ونزلت علي الشغل ودخلت محل الملابس اللي كان أكتر اللي شغالين فيه بنات...
ملك: صباح الخير ياحفصه إتأخرت ولا إيه.
حفصه: لأ متأخرتيش أوي يعني.
ملك: طيب الحمدلله.
ملحوظه ...حفصه بتشتغل مع ملك في محل الملابس وهيا من أكتر الناس القريبه جدا من ملك وبيحبو بعض جداً.
المهم ملك دخلت جوا وإشتغلت لحد ما اليوم خلص وطبعا ملك بفضل الله مش بتضيع صلاه وبتحاول علي قد ما تقدر ما تحتكش بشباب أثناء الشغل وكان مساعدها علي كده إن المحل للملابس الحريمي...
ومر إسبوعين علي الموضوع ده ومفيش جديد

ومع الوقت ملك وأميره كانو بيتكلمو كتير وقربو من بعض أووي..
وفي يوم من الأيام ملك كانت في شغلها كالعاده مره واحده لقت واحده من وراها بتقولها معلش معندكيش فساتين مناسبه للحفلات..
ملك حاست إنها عارفه الصوت ده مره وحده بصت وراها..
ملك: أميييره.
أميره: إيه ده إزيك يا ملك بجد متوقعتش إن إحنا هنتقابل.
ملك: يلا يا ستي نصيبنا نشوف بعض.
أميره: عامله ايه يا بت واحشاني.
أميره: كويسه والله وإنتي عامله ايه.
ملك: بخير.. قولتيلي بقا عاوزه ايه عشان مأخركيش.
أميره: آه صح كنت عاوزه فستان مناسب للحفلات.
ملك: ده حلو.
أميره: إيه ده يا بنتي هوا مش ده طويل أووي.
ملك: لأ يا حبيبتي مش طويل ولا حاجه كمان البنت لازم تستر نفسها علي قد ما تقدر لإن الستر نعمه وكمان لمابنستر نفسنا فيالدنيا ربنا بيسترنا في الآخرة.
أميره: طيب بس كده ممكن بنات خالتي في الحفله يتريقو عليا.
ملك: طيب ما إنتي هتلبسي طويل عشان تدخلي الجنه وأكيد الجنه تستاهل صح ولا غلط.
أميره: معاكي حق بصي أنا هحاول بعد كده ألبس طويل شويه أوك .
ملك: ماشي يا قلبي ربنا يقدرنا علي فعل الخير.

أميره دخلت قاست الفستان وأول ما خرجت..
أميره: واو يا ملك الفستان شكله تححححححفه.
ملك: بسم الله ماشاء الله إنتي طالعه فيه قمر.
أميره: شكرا يا ملك مش قادره أقولك ايه.
فجأه واحده طلع واحد من ورا أميره وقام ضربها بخفه علي كتفها وقتها ملك إتغاظت جداً.
ملك: جرا إيه يا أستاذ هوا مش عيب حضرتك تلمس أي واحده عيب إيه ده حرام وبعدين حضرتك ترضاها علي أختك ترضاها علي أهلك رجاله آخر زمن صحيح دا حتا الرسول صلى الله عليه وسلم قال «لئن يطعن في رأس أحدكم بمخيط من حديد خير من أن يمس إمرأة لا تحل له».
أميره: في إيه يا ملك إهدي شويه.
ملك بعصبيه: أهدى إيه تعالي معايا يا أميره.
الشاب بصدمه وإسمه آسر: هوا ممكن أفهم في إيه يا أميرة.
أميره بقلق: لأ يا آسر مفيش حاجه.
ملك بغضب: أميره إنتي بتتكلمي معاه تعالي معايا يا أميره.
آسر: هوا يا آنسه حرام أتكلم مع أختي!!!
ملك بوقها إتفتح وكانت مصدومه من اللي هيا عملته..
أميره قالت لها في ودنها: بت إقفلي بقك الدبان هيدخل.
ملك: يا بنتي هوا ده وقت هزار.
بعدين ملك قالت: أنا آسفه بجد يا أستاذ مكنتش أعرف إن حضرتك أخوها.
قبل ما آسر يرد ملك قالت: بكرر إعتذاري مره تانيه يلا هضطر أمشي.
ومشيت ملك عشان هيا مش بتحب تفتح كلام خالص مع رجاله.
أما آسر فكان واقف ولسه مفاقش من الصدمه فجأه أميره جت جالتله يلا يابني كده هنتأخر.
آسر: يا لهوي يا أميره إنتي عرفتي البت دي منين.
أميره: قابلتها قبل كده في الشارع وبقينا إصحاب وبعدين خليك في حالك يا عم آثر.
آسر: ماشي يا ستي متزوقيش أنا جاي أهو آه صح إنتي جبتي فستان؟
أميره: أيوه يا آثر جبت فستان حلو أووي أوريهولك.
آسر: هتوريهولي إزاي بس وأنا سايق.
أميره: طيب يا عم لما نوصل الفله هتشوفه عليا.
آسر: ماشي يا ستي.
تعالو بقا أعرفكم علي آسر..
شاب عملي جداً عنده 27 وبيدير شركات الكيلاني من بعد ما والده توفى مش بيفكر في الجواز مش عنده إلا أخت واحده وهيا أميره اللي عندها 21 سنه وبيحب أخته وأمه جداً لأنهم ملهمش غيره بعد ربنا وهوا بيحافظ علي الصلاه بس مش في المسجد ونفسه أخته تلبس محتشم بس هي دماغها نشفه شويه 😂😂
و يتبع...

(بصو أنا أول مره أكتب قولولي أنفع ولا أخليني في بيتنا أحسن 🤐😂)