♡أحبَــبْــتُ إسـلامهَـا♡

✿الفَصل②✿

روايه /أحببت إسلامها
للكاتبه/مريم طارق
*الفصل الثاني......

كان آسر بيخبط علي أوضه أميره وهيا مش راضيه تفتح...

آسر: مالك يا أميرة.
أميرة: بصراحه نفسي أكون زي ملك وألبس الخمار.
آسر: طيب مش هتتحجبي الأول؟!
أميره بإستغراب: ما أنا محجبه يا آسر!
آسر: للأسف يا أميره اللي إنتي بتلبسيه ده مش حجاب الحجاب الصح مينفعش تبيني فيه شعرك خالص بجد نفسي متطلعيش قُصّه تاني..
أميره: ربنا يسهل يا آسر يا إخرج مطرود من غرفتي عشان عاوزه أنام.
آسر: تصدقي إن أنا مهزأ عشان جيتلك.
أميره: طب شوفت بقا إنتا اللي مهزأ.
آسر: مااااشي يا أميره..
ـــــــــــــــــــــــــــــــــــــ
عند ملك..
صلت هيا وحفصه الظهر بعدين كملو شغلهم وكل واحده راحت علي بيتها وملك كانت لسه حاسه بالإحراج...
منه: أخيرا الهانم جت.
ملك: جرا إيه يا ستي خضتيني.
منه: ألف سلامه علي الخضه 🤣🤣🤣إحنا كلنا متجمعين في أوضة ماما تعالي.
ملك: تومام.
ملك دخلت جوا وقعدت مع عيلتها شويه ووالدها لاحظ إنها غريبه شويه..
الأب: مالك يا ملك.
ملك: مفيش يا بابا.
الأب: هوا انا مش عارف بنتي يعني قوليلي في ايه.
ملك حكيتلهم اللي حصل وإزاي زعقت لآسر والكل قعد يضحك عليها..
ملك: يوووه بقي يا جماعه إنتو بتضحكو عليا قولتلكم والله مكنتش أعرف إنه أخوها.
أحمد وهوا فطسان من الضحك: يا نهار أبيض عليكي دا زمان الراجل دلوقتي بيدعي عليكي.
ملك: ماهو حفصه قالتلي نفس الكلام.
أحمد: حفصه دي صاحبتك اللي معاكي في الجامعه صح.
ملك: أيوه
ــــــــــــــــــــــــــــــــــــــــــــــــ
عند آسر..
أول ما راح أوضته عشان ينام إفتكر ملك واللي عملته فيه وقعد يضحك.. بعدين قرر إنه يروح لأميره يسألها عن البنت دي...
أميره: ميييين
آسر: أنا يا بنتي هوا في حد بيبرد عليكي غيري
أميره: يابني إنتا جاي وأنا لسه طارداك من شويه.
آسر: إفتحي وبلاش رخامه.
أميره بعد ما فتحتله الباب: خيير شكلنا مش هنام انهارده.
آسر: كنت عايز أسألك عن البنت اللي قابلناها إنهارده.
أميره: قصدك ملك؟
آسر: أيوه اللي قابلناها في محل الملابس.
أميره: مالها ياعم.
آسر: إنتي عرفتيها منين.
أميره: مين قالك إني عارفاها؟
آسر: متهزريش إنتي شوفتي كانت جراكي وراها إزاي لما أنا ضربتك بالراحه إزاي بقى متعرفكيش.
أميره: أحسن والله تستاهل علي اللي عملته فيك عشان متفكرش ترخم عليا تاني.
آسر: طيب مش هتقوليلي عرفتيها إزاي.
أميره: مفيش يا عم كنت ماشيه في الشارع ولقتها واقع منها كياس الخضار وأنا ساعدتها ومن وقتها وإحنا صحاب.
آسر: طول عمرك شطوره يا أميره.
أميره: تربيتك يا أخي العزيز.
ـــــــــــــــــــــــــــــــــــــــــــــــــ
عند ملك صلت العشاء ونامت وصحيت تاني يوم وإستعدت عشان تروح الكليه وفعلا قابلت حفصه وراحو الكليه..
ملك: ياه يا حفصه الواحد بتوحشو الكليه أوي.
حفصه: فعلا يا ملك أنا بحب أروح من وقت للتاني.
ملك: إيه ده الظهر أذن.
حفصه: طب يلا بينا علي مسجد الجامعه.
ملك وحفصه راحو المسجد وبعد ما صلو لاحظو بنت منتقبه قاعده بتقول الأذكار..
ملك: بصي يا حفصه البنت المنتقبه دي يلا نروح نتعرف عليها تعرفي يا حفصه أنا نفسي ألبس النقاب من زمان.
حفصه: وأنا كمان فكرت ألبسه بس بابا رفض جامد.
ملك وحفصه راحو إتعرفو علي البنت وعرفو إن إسمها خديجة..
ملك: يعني انتي يا خديجه بتيجي الجامعه كل يوم تلات.
خديجه: أيوه إيه رأيك نتجمع كلنا في كل يوم تلات.
ملك وحفصه: طبعا موافقين.
ملك: إنتي بقا عندك كام سنة.
خديجة:  عندي 22 سنه.
بعد كده إتكلمو شويه و ملك وحفصه مشيو... 
ملك: أنا حبيتها أوي يا حفصه.