♡أحبَــبْــتُ إسـلامهَـا♡

✿الفَصل ③✿

روايه /أحببت إسلامها
للكاتبه /مريم طارق
*الفصل الثالث.....*
آسر كان سامع الكلام ده ومتأثر جداً والشيخ محمد كمل كلامه وقال: إحنا من إنهارده هنبدأ صفحة جديدة مع ربنا وخلو بالكم إن ليست العبره بمن سبق إنما العبره بمن صدق.. يعني متحبطش لو إنتا بدأت متأخّر لإن باب التوبه مفتوح علطول....
الشيخ محمد خلّص كلامه بعدين أعلن عن رحلة دعوة هيروحها الشيوخ وهياخدو معاهم الشباب اللي عاوزه تدعو إلى الله... آسر قرر إنه يكلم الشيخ محمد..
آسر: السلام عليكم ورحمة الله وبركاته.
الشيخ محمد: وعليكم السلام ورحمة الله وبركاته.
آسر: معلش يا شيخنا أنا عاوز أطلع معاكم بس في مشكله.
الشيخ محمد: خير يابني إن شاء الله.
آسر: أنا مجربتش أدعو إلي الله قبل كده وحياتي كلها من البيت للشغل ومن الشغل للبيت.
الشيخ محمد: بص يابني عساها تكون بدايه حلوه وإنتا ممكن تطلع معانا كدوره تدريبيه ولما تتقن الموضوع تبقا تطلع المنبر ياعم.
آسر: جزاك الله خيراً يا شيخنا.
الشيخ محمد: الشكر لله يابني قولي بقا إنتا إسمك ايه؟
آسر: أنا آسر إتشرفت بحضرتك.
الشيخ محمد: ماشي يا شيخ آسر عاوز أشوفك علطول هنا.
آسر: حاضر ربنا يسهل.
الشيخ محمد: الرحله يوم الخميس الجاي هنعد تلات أيام ونرجع علطول هستناك.
آسر: بجد مش عارف أقولك إيه يا شيخنا.
الشيخ محمد: متقولش حاجه يابني.
آسر راح لأحمد وحكاله علي اللي حصل...
أحمد: تصدق نفسي أوي أطلع رحله دعويه بس مش بعرف اتكلم عن ربنا.
آسر: طيب ما تيجي نروح مع بعض.
أحمد: هستأذن من أبي إدعي لي إنتا بس.
آسر:يا رب يوافق.
أحمد: طب يلا مع السلامه عشان عندي معاد مهم بكره.
آسر: ماشي يلامع السلامه.
أحمد: مع السلامه.
ــــــــــــــــــــــــــــــــــــــــــــــ
عند ملك
كانت بتتكلم مع خديجة..
ملك: برضو مش فاهمه إنتي عامله الجروب ده بهدف إيه.
خديجة: بصي ياستي أنا لو نزات علي الجروب ده أي حاجة مثلا عمل خير وحد عملها أنا هاخد حسنات مثلا ممكن في يوم خميس أو إتنين أنا أنزل تذكره بالصيام وأنا مقدرش أصوم وقتها أنا هاخد حسنات عن كل واحده هتصوم وكمان الرسول صلى الله عليه وسلم قال بلغو عني ولو آية.
ملك: واو تصدقي طريقه حلوه لجمع الحسنات لأ أنا بفكر أعمل جروب بس يا ترا أسميه إيه إممممم.
خديجة: مش عارفه إممم.
ملك: لقيتها أنا هسميه رقائق في دقائق.
خديجة: إسم حلو جدا متنسيش تدخليني فيه.
ملك: عيوني هستناكي يوم التلات الجاي متنسيش
خديجة: تمام يلا هضطر أقفل دلوقتي.
ملك: ماشي سلام عليكم.
خديجة: وعليكم السلام.
ــــــــــــــــــــــــــــــــــــــــ
عند آسر...
كان ماشي بالعربيه وفجأه ظهرت قدامه عربيه كبيره مقدرش يتفاداها وفجأه عمل حادثة و أغمي عليه.
خالد صديق آسر المقرب/ألو مين معايا.
الشخص: حضرتك صاحب الفون ده عمل حادثة و هوا دلوقتي في المستشفى.
خالد /إديني اللوكيشن بتاع المستشفى حالا.
الشخص /حاضر أهو...........
خالد /آسر ماله يا دكتور.
الدكتور/عنده كسر في إيده وشويه جروح سطحيه.
خالد: طيب ينفع أدخله.
الدكتور: هوا حاليا لسه مفاقش.
الممرضه جات وقالت للدكتور إن آسر فاق..
خالد: في إيه يا آسر مش تخلي بالك وإنتا سايق.
آسر: يا عم مكنتش واخد بالي وبعدين أنا أصلا هخرج من المستشفى أنا عندي إنتر فيو بكرة.
خالد: يابني إنتا مكسر خالص هتروح إزاي.
آسر: بقولك ايه انا لو مطلعتش إنهارده ههرب من المستشفى دي انا اصلا مش بحب قعده المستشفيات.
خالد: ماشي يا عم أنا هسأل الدكتور ينفع تخرج ولا لأ.
آسر: طب بسرعه يلا.
خالد ماشي ياعم متزوقيش
خالد صديق آسر من زمان وعنده 26 سنه يعتبر شريكه في الشغل وتقريبا أقرب واحد لآسر في أصحابه بس هوا نوعا ما شمال يعني مش بيحافظ علي الصلاه وبيمشي مع بنات