♡أحبَــبْــتُ إسـلامهَـا♡

✿الفَصل ④✿

رواية /أحببت إسلامها
للكاتبه /مريم طارق
*الفصل الرابع .....*

أحمد وهوا فاتح بقه مترين: طب قول والله كده.
آسر: يا عم إقفل بقك مش كده الدبان هيدخل.
أحمد: بس تصدق انا فرحان إن إنتا المدير العام للشركه.
آسر: لأ ما أنا عندي الشغل شغل يعني لازم تبقا جاد في شغلك ومفيش هزار في الشغل خالص.
أحمد: طيب الإنتر فيو هيبدأ إمتا.
آسر: لسه باقي ربع ساعه.
أحمد: تومام.
آسر: جاهز عشان همتحن كل واحد.
أحمد: لأ الله يكرمك أنا زهقت من إمتحانات المدرسه هتطلعلي إنتا.
آسر: إمتحانات مدرسه ايه لأ ده أنا هختبرك في اللغات وفي إدارة الأعمال عموما.
أحمد: ربنا يستر.
آسر: إنهاره التلات باقي يومين علي الرحله الدعويه إنتا والدك وافق ولا لأ.
أحمد: الحمدلله وافق بعد زن كبييير أوي.
آسر: طب كويس وأنا أمي وافقت.
أحمد: أيوه بس إنتا هتعمل إيه في الشركة.
آسر: لأ ما هو خالد صاحبي هيديرها عقبال ما أرجع.
أحمد: مين خالد
آسر: ده صاحبي ويعتبر شريكي إستنا هعرفك عليه.
آسر إتصل علي خالد وخالد جه....
خالد: إلحق خيااانه آه يا آسر يا خاين يا غشاش بتخوني مع مين 😂😂
أحمد: أنا أحمد مقدم علي الوظيفه الجديده وإتعرفت علي آسر في المسجد.
خالد: إيه ده ومن إمتي يا آسر وإنتا بتروح المسجد.
آسر: من الأسبوع اللي فات.
أحمد: وإنتا يا خالد مش بنشوفك معانا في المسجد ليه.
خالد: بصراحه كده مش ليا في الجو ده.
أحمد: بقولك إيه يا آسر إيه رأيك ناخده معانا بعد كده غصب عنه.
آسر: وأنا موافق يا صاحبي 😅
خالد: مااشي بقيت بتتفق عليا يا آسر طب روح لأحمد خليه ينفعك.
أحمد وآسر في صوت واحد: 😂هههههه 😂
ـــــــــــــــــــــــــــــــــــــــــــــــــ
عند ملك...
الدكتورة كشفت علي أمها وخرجت..
ملك: خير يا دكتورة أمي مالها دلوقتي.
الدكتورة: ما شاء الله المريضه حالتها بتتحسن لو فضلت تتحسن كده ممكن منحتاجش نعمل عمليه.
ملك بسعاده: بجد شكرا يا دكتوره.
الدكتوره مشيت وملك طمنت والدتها بعدين صلت العشاء ونامت..... وفي اليوم التالي..
ملك صحيت علي الفجر صلت الفجر مع منه وقعدو يسَمَّعو قرآن لبعض..
ملك: تعرفي يا منه أنا نفسي تلبسي الخمار.
منه: إممم أنا كمان عاوزه ألبسه بس لسه مأخدتش القرار.
ملك: هستناكي تاخدي القرار بعدين أنزل أنا وإنتي ونجيبلك هدوم الخمار.
منه: ماشي يا ستي.
ملك: أنا هرن علي حفصه عشان ننزل الجامعه.
منه: غريبه يعني إنتي مش بتنزلي الجامعه كتير.
ملك: لأ ما أنا إتعرفت علي واحده إسمها خديجة وإتفقت معاها إن أنا هقابلها في الجامعه كل يوم تلات.
منه: وخديجه دي بقا عسوله.
ملك: أووووي يا منه هيا منتقبه وكيووت أوي تعرفي أنا هعرفك عليها في أقرب فرصة.
منه: منتقبه لأ أنا بخاف من المنتقبات.
ملك وهيا بتقلدها بتريقه: منتقبه لأ أنا بخاف من المنتقبات.
منه: ماشي يا ملك أنا رايحه أنام.
ملك: روحي نامى ياختي.
ملك إتصلت بحفصه....
ملك: السلام عليكم ورحمة الله وبركاته.
حفصه: وعليكم السلام ورحمة الله وبركاته.
ملك: يلا يا حفصه إلبسي بسرررعه عشان ننزل الجامعه.
حفصه: حاضر أنا من كتر فرحتي نسيت الجامعه.
ملك: وإيه اللي مفرحك كده.
حفصه: إتقدملي عريس لولولولولولولي وهتجوز هتجوز.
ملك: إهدي يا بنتي ده إتقدملك بس يعني لسه محصلش رؤية شرعية حتا هتجوزي إيه بس 😂.
حفصه: طب إنزلي بسرررعه هنتقالل عند موقف الأتوبيس.
ملك تومام يلا إمشي.
ـــــــــــــــــــــــــــــــــــــــــ
عند أميره كانت قاعده في البيت زهقانه ومش عارفه تعمل إيه...
أميره: ألو
آسر: مش قولنا قبل كده إسمها السلام عليكم.