استغفرالله
.
متبرية من ذنوبكم ❣️
_______
فتح هشام الباب ودخل وچان شايل بايده ابراهيم النايم وعلاگة متروسه حلويات و موطة
راشة: صاير تهتم بالجهال اكثر من اختك ؟؟🤨 اني هم اريد حلويات
هشام: روحي للمراية تلگين نوتلة گدامچ
ابتسمت راشه وشمرت عليه المخده ، المشكله ان المخده طاحت على رأس ابراهيم...
فز ابراهيم وقوس شفايفة وصرخ صرخة حتى الميت گعد من الموت
فتح ياسر الباب ركض وعثر وطاح على وجهه
اجة ياسين وداس على ياسر و طاح فوگه
گام سراب مخروش هوة و وسام هم گام مخترع وركضو وداسو فوگ ياسين و ياسر وطاح سراب فوگ وسام يلي طگ راسه بالگاع تفلش
طلع فراس و من كثر الخوف شمر نعاله على ابراهيم يلي ضل يجعر و يصرخ
طبطبله هشام وشبگه لصدره مستغل انه صغير وطبيعي يسوي هيچ وية طفل
ياسر: اهخخخخ رجليييييييييع
ياسين: هو مابيك شي؟؟
سراب بعده مسطور توه فاز من النوم فى كمل نومته و غفى على وسام يلي راسه نزف شوي
فراس: طاح حضك ابراهيم خرشتنه
خزره هشام خزره خلاه يرجع لغرفته و يحط ماسك اسود.
ضل ابراهيم يتبچبچ بحضن هشام
گام ياسر و حك راسه وگال لابراهيم: شبيك عمري كافي دلع
قوس ابراهيم شفايفه و اشار على راشة وگال: طگتني واني ن-نايم
باوعلها ياسر وشافها تباوعلهم نضرة ما تتفسر
راشة: عيييع شني هالدلع ؟؟
ضاج منها إبراهيم فى قرر يتدلع بالزايد
حشر راسه برگبه هشام وضل يدمع عليها ودموعه الحاره تنزل على رگبة هشام مباشرة
عقدت راشة ملامحها وغمت ابراهيم وگلتله: عمرك 13 وهيچ خنيث ودلوع ؟ من تكبر تصير رگاصه ملاهي ؟
هاي المره صدگ ضاج ابراهيم ،
ياسر باوعلها بعصبيه وانزعاج بس وخر لأن يخاف من وسام يعاقبه أو ما شابه لانها اخته.
راحو كلهم بقو بس هشام و ابراهيم وراشة بالصالة.
ابراهيم: من أكبر رح اصير مثلچ..؟
أنت تقرأ
﴿ جمال . قوة . ذكاء﴾ متوقفه مؤقتا
General Fiction﴿الجَمال ، القوة ، الذكاء...هذه هي مواصفاتهم.﴾
