البارت 3
نعيد الاحداث اللي طافت
مايد كلم عمته لاول مره وخبرته ان يده توفى وعنده وصيه ولازم تتنفذ
مايد: الله يرحمه برحمته سامحيني سالت وايد بس ليش لازم ارد الحين
موزه: وصية ابوييي يقول جي
مايد: وانا شو دوري اصلن ابوج كان يعرف اني موجود عالحياه؟
موزه: هيه ابوي طول حياته يراقب احمد وعرف انه متزوج وعنده عيال انا ابا شي واحد منك
مايد: شو هو؟
ستوب ستوب
كاميرا آكشن😂
في الإمارات تحديداً في منطقة (الراشدية - دبي)
هادف: كييفف جيييي لاااا ما يستويي كذاابيييننن
مريم: حبيبي هادف يالس تقطع قلوبنا ما عليه اهدااا
هادف: مريييمم مريييمم افهمييي تراا يجذبووننن والله يجذبووننن ما فيي شييي جييي
مريم: هادف هادف اسمعني ماما اهدا شوفني حط عينك ف عيني طيببب
هادف يا بيطلع شوي ويسحبه ابوه ويحضنه وهو مكسور
بو محمد: الله يرحمه يا ولدي ترا مثل ما هو يدك والله ان هو ابوي وجرحي اكبر بس صدقني ما بخليك تطلع وانته بهالحاله اهدا ما عليه شو دوم كنا نقول هااه
هادف وابوه مع بعض: قدر الله وما شاء فعل
بو محمد: خصوصا انه انته مب ياهل ولازم تتحكم ف عمرك ما عليه انكسر وصارخ وغيره بس لا تبين ضعفك ل غيرك ترا باقي اخوك الصغير ما يعرف بنت اختك ما تعرف اختتتكك واخووكك اللي برا البلاد ما يعرفون
هادف هدا دوم يقول ب خاطره شو الشي اللي ابوه يسووييه كل ما يصير شي يسيطر عالوضع بس بطبطبه خصوصا ان اللي متوفي ابوه يعني ردة الفعل المفروض اقوى
بو محمد: مريم فديتج دقي على موزه وراشد خ اييون
مريم بكسر: ان شاء الله
ودقت عليهم ويو خبروهم وراشد انهااار بس ابوه هداااه الحمدالله وموزه كانت تعرف وما نطقت بحرف ويلست تهدي عيال اخوها
ف صوب ثاني ف ارض نيويورك الشوارع مزدحمه وحشره وناااس وحفلات واغاني عند مايد اللي طلع يتمشى عالشارع وهو يفكر ب كلام عمته من بعد ما قالت له ان يده كاتب وصيه ولازم يوقف دراسته ويرد وبيعرف اهله وبيشوفهم
ف نفس الوقت مريم كانت تفكر كيف بتخبر سلامه ومحمد
ف كانت ليله ملييئه بالأحداث والحزن وغييرهه
عند محمد اللي مستصعب فكرة انه بيتحمل الم وحزن اخته كله بروحه وانه بيواجهها بنفسه
(اللي ما تعرفونه ان سلامه واااايد قريبه من يدها)
