البارت 6
لما قامت سلامه الصبح ودخلت تاخذ شور خلصت ولبست مخوره حمرا ولبست شمد ونزلت
سلامه: صباح الخير
الكل: صباح النور
موزه: عيل وين عيالج يا ام مايد ما يبون يتريقون
ام مايد: والله عيالي ما يحبو ياكلو الصبح
موزه: لايكون ما وعو للحين
ام مايد: سلامه شيخه نشت؟
سلامه: لا بعدها راقده
ام مايد: انا شفت مايد الصبح ناش سار يسوي رياضه اما التوام ما شفتهم
بو مايد: صباااح الخيير
الكل: صباح النور
يلسو ياكلو ولا يدخل عليهم مايد ب ثياب الرياضه ودبة الماي
ام مايد: حبيبي سير اسبح
مايد: يلا احم امايه ابا حد يكوي لي الكندوره
ام مايد: ما عليه خلها عالسرير وادخل اسبح بكويها لك
مايد: تصدقين ياليت زهروه ويانا
حمده: ومنو زهروه هاي ؟
مريم: حمدوه بس عيب
مايد: هههه عادي زهره رئيسة الخدم عندنا بالبيت
شوي وشيخه دخلت
شيخه: كم مررهه اقوول اسمها مهندددسة المنزللل
مايد: شرات ما تقول شيخه مهندسة المنزل
حمده: حبييت هههههههه
مايد: يلا عن اذنكم
وسار
طبعا قررو البنات ان يطلعون
سلامه: هدوووف ياخي انته احبكك
هادف: ما عندي فلوس سيري عند باباتج
سلامه: هدوووفييي ما ابا فلوس
هادف: عيل شو تبين
سلامه: ابا اروح كوفي بليييزز
راشد: اقول منو بيسير؟
سلامه: انا وشيخوه وحمده
مريم: وانتي قاطه وياهم بعد (تطالع حمده)
حمده: شسوي ما بخليها بخاطري
راشد: هادف عطني السويج انا بوديهم
هادف: سير غرفتي بتلاقيه
راشد: تم يلا تجهزو خمسس دقايق ترااا
وراحو كلهم بتجهزون
وهم بالسياره فاتحين اغنية
في احساس ماليني وفي خوف ودموع في عيني مش قادر اداريها
