سيدة الـبحرِ

بـَارت ١٧

بـَارت ١٧

- مـروُه رياض .

فاتِنةٌ انتِ
تُچذبيني اليكِ
اودُ احمرُ شفتيكِ
يصبغُ عُنقي ..
وانفاسكِ تلفحُني
اودُ تقبيلُ شفتيكِ
وبعدهَا عُقنكِ ،
وبعضُ شاماتكِ
أوخِذُكِ بين احضاني
وتمتلئِ بِقبُلاتي الهادِءه
تذهبين بِنومٍ عَميق
وانا اسرحُ بِتلكَ الشامةِ
التي تُحاوطُ عِنقكِ ،
واحسبُ رمُشكِ او رُبما
اسرح بِهُما ..

خلدوُن -: نقرا الفاتحه هسه والخطبه الجمعه واليفگ حلكه مايلوم الا نفسه

أدغـار -: الكل سكت خالي عزوز طبك حواجبه وابويه خلدون بده يتعصب قرينه الفاتحه وشربنه چـاي بقوا يسولفون لحد ماحجه الشيخ

ابو جوُاد -: يلا بويه احنه نرفع الزحمه

عبد العزيز -: والله ماتمشون عشاكم عدنه

ابو جوُاد -: محنه جايين نجربكم ياابو محسن

عبد العزيز -: حلفت شيخ وكلمتي ماتنرد

أدغـار -: راح شوي ورجع واجه ويا ابن سلمى اخت ميريام الجبيره كعد يمي خذيته لحظني وشاورته
" روح كل الميريام عمو ادغار يكول خل تطلع بالحوش"

أرشد -: شكد تنطيني

أدغـار -: اويلي يابه يدور فلوس نطيته خمسه راح شوي واشرلي من الباب خذيت باكيت الجكاير والجداحه وطلعت للحوش لكيتها واكفه لابسه عبايه وحجاب ابتسمت ورحت حظنتها من وره

ميريام -: ادغاغ شنو صاغ ابوي حيل معصب

أدغـار -: بعدين اسولفلج بست راسها ورفعت الحجاب من ركبتها شميتها حيل اوف يانفس ريتي احبنچ وحگ الكفل زينب چـانت متوتره بست ايديها خوختي

ميريام -: خايفه مادغي ليش

أدغـار -: تخافين وانا موجود؟

ميريام -: احبك انا حضني قوي حسيت حيكسغ ضلوعي بعدين وخغني

أدغـار -: يلا وليدي طب جوه ولا تتوترين حبيبي كلشي رح يكون بخير بست بطن ايدها باست كتفي وراحت كعدت على المسطبه ودخنت شوي واجه لوثر

لـوُثر -: جدي يكول وينك

أدغـار -: بالمكابر ويني كدامك

لـوُثر -: شمالك

أدغـار -: چنوبك

لـوُثر -: بعدك ماتزوجتها

أدغـار -: عوفني خالك متسودن باوعلي وكعد يمي

لـوُثر -: اذا نجي للحق فـ هي بعدهي صغيره ومراهقه يعني غلبتها عاطفتها وفكرت بگلبها قبل عقلها وهو لو مايريد مصلحتها مايسوي هيج هسه انا مُراهق اشوف بنيه تهتم بيه وتحبني تغلبني مشاعري احنه المُراهقين منعرف مشاعرنه شنو وهل راح تتغير او تبقى مثل ماهي أدغـار اذا هي مشاعرها متبادله بمشاعرك باجر من توعى ممكن تتغير انتوا ثنينكم متسرعين حتى لو تحبها المفروض تنتظرها توعى