قصه عشق احمد & روح
اذا كنت متحب الانحراف اطلب منك متكمل الروايه لن الكلام +١٨
************
احمد : اني اسمي احمد عمري ٢٧سنه عايش بالخارج من عمر ١٨ سنه يعني مشتاق هوايه لاهلي وللعراق ولكلشي ومن بغداد تحديدا واكثر شي مشتاق اهلي هواي مشايفهم الفتره طويله حصلت الاقامه هناك بعد سنوات وتعب ودراسه وهسه رايد ارجع للعراق واخيرا اني ممزوج ولا اؤمن بشي اسمه حب وعشق وهالسوالف گضيت حياتي دراسه وطلعات ويا جماعتي ماعترف بالحب اشوف البنات انعجب بيهن بس انسى بنفس اللحضه
اهل احمد : ابويه توفاه شهيد امي الله يطول بعمرها عايشه والحندلله عندي خوات ثنين توم روان ورزان عمرهن ١٨ سنه واخويه الچبير مزوج عمره ٣٦ وعنده ولد ثنين حسن وعباس وعمرهم ٧ سنوات واحنه عائلتنه متواضعه وناس تحب الخير للكل عندي عمام خير من الله وبنات ولد بس خوال عندي ثينن واحد متوفي
اتمنى بالقصه تعرفوني اكثر .
*********
روح : اني اسمي روح ع اسم بيبتي ام ابويه الله يرحمها توفت ويا مجيت للدنيا عمري ٢١ سنه عايشه بغداد اني ادرس اداب انكليزي مرحله ثالثة اهلي عايشين الحمدلله عندي اخوه حسين وعلي و مصطفى واني الابنيه الوحيدة الاهلي امي ربت بيت واخواني مطبلين من دراسه بس يشتغلون وشغل حر الحمدلله عائلتنه بين الزين والشين علي اكبر مني ٢٥ ومصطفى ١٩ الله يحفضهم اليه اخوتي سند فعلا اني جنت اتمنى ادرس طب بس معدلي مقبل وكملت اداب انكليزي حض بعد شنسوي الحمدلله
بالقصه تعرفوني اكثر .
*********
روح : فديوم من الايام الصيف طلب من اخويه يوصلني للمطار حتى اروح استقبل صديقتي وبنت عمي الغاليه هي واهلها لن جانو طالعين علمود علاج عمي للهند مريض طلبت من علي يوصلني لن جان عنده سياره صغيره ع كده يروح بيها ويجي شتراها بتعبه المهم لبست وكشخت واني اصلا مو محجبه سافره يعني البس الي يعجبني بس مو فدنوب يعني البس لبس معقول المهم رحنه لمطار بغداد وكفت انتضرهم علي راح للحمامات وبطريقه يجبلنه مي لن عطشنه اني ضليت واكفه انتضر شفت واحد شنو من طول وفخامه وكبرياء ومشي يمه ردت اوكع من طولي ع كد ما حلو تخبلت عليه واني روحي من دنيا الولد الضخم والي يتعب ع جسمه ف يعني ستايلي كلش اجه كعد كدامي واني خرخرت يمه شصار بيه ردت اكوم اكله نطيني رقمك بس ستحيت لك عيني شكله يجنن شحجيلكم قليل المهم ضليت اباوع عليه الولد انتبه عليه اجه وكف يمي وكال مضيعه شي بوجهي كتله ليش لا اخويه اعتذر خاف نحرجت بس مو عليك كال ليش انحرج هاج رقمي المهم اني هنا ذبت بس سويت نفسي طبيعيه ومامهتمه ورقم خل بصفي وراح اني اول مشفت علي اخويه اجه احذت رقم وخليته بجنطه المهم شفت بنت عمي صحيح نسيت اكلكم اسمها هي اسمها جنات بس فدوه شلون جنات حيل احبها المهم ستقبلناهم واخذناهم للبيت ومر اليوم ع خير بس اني بالي كله يم الولد الي شفته بالمطار لن حيل خرخرت عليه ومتت بي .
احمد : اليوم جان موعد رجوعي للعراق والحمدلله رجعت واني بالمطار طبيت لكيت بنيه شنو جسم بس حرامات سافره واني ماحب السافرات المهم كعدت كبالها هي الوقت كله عيونها عليه وادري بيها تباوع عليه تجرئت ورحت عليه كتلها تفضلي مضيعه شي بوجهي كلتلي اعتذر مو عليك اخويه خاف نرحرجت المهم خليتلها رقمي بصفها ورحت واخذت سياره ورحت لبيته اووفففف شلون مشتاق لبغداد وريحتها وطبيت للبيت شفت امي شتميتها وبست واسها ورجلها وخواتي التوم حضنتهم المهم مر اليوم ع فرح وكلشي بس اني بالي يم هاي السافره لن اخذت عقلي بعيونها شلون تباوع عليه ضليت انتضر دزلي شي حتى اعرف رقمها
******
روح : خ اتصل عليه مدام اهلي نامو ومحد يمي اخذت رقم سجلته تصلت
احمد : وينها هاي باع ساعه بالوحده صدك جذب خاف ماخذت الرقم ؟
احمد : ( اتصال )اي يالله منو هذا رقم الغريب خاف هي كبل رديت كلتلها الو
روح : هلو منو ويايه
احمد : هاي انتي السافره ام المطار
روح : كالت اي هاي اني بلحمها وشحمها نوب صوته خشن بالتلفون ذبت عليه
احمد : هاي شبيج يمعوده وين صرتي صلي شكد انتضرج
روح : مشغوله عرفني عليه
بده يعرفون عن بعض الاسم وهالسوالف وعرفته وعرفها وصارت صداقه بيناتهم بالشهر وعرفت بي جان بالخارج ورجع بس ضايجه لن سمعته مراح يطول بالعراق
فد يوم من الايام
احمد تصل ع روح
روح : ها احمد خوما صاير شي ليش متصل بهالوقت المتاخر ٣ بليل
احمد : روح اريد اكلج شي بعد ماكدر اكثر اني لازم بعد ما احجي وياج لن ماحب اطول ويا بنات مع سلامه
روح : اوكف احمد شبيك وسد الاتصال بوجههي تخبلت ضليت اكل بروحي اكل وتعذبت هوايه ضل ثلاث شهور احمد ماكو اتصل ورقم مغلق تعبت واني افكر بي ليش هيج ختفه وصداقتنخ معقوله نساهه اني حبيته
روح دخلت حداد ع احمد وبتعدت عن كلشي واهلها نتبهو بس متجاوبهم وضلت محبوسه وعافت كلشي علموده وحتى دراستها تركتها ومكملت وضلت بس تنتضر اتصال او مسج من احمد
خلص البارت اتمنى حبيتو المقدمه انطوني رايكم
وكتبولي ليش احمد عافها ؟ وراح يرجعلها لو لا ؟؟؟
اكتبولي
الكاتبة : بزونة 🕯️
أنت تقرأ
عشق أحمد و روح & روايات +١٨
Romanceأريدك أن تعرف أننا لو كنا في حياة أخرى غريبين ، سأتعرف عليك مجددًا وأحبك مجددًا ، لو كنت مجرد صخرة صغيرة سأحملك معي وأتجول ، لو كنت طائرة ورقية سأمسك بخيطك حتى لا تسقط وتتحطم ، لو كنت قطعة قماش سأصنع منك ثوبي المفضل ، مهما كان حالك الذي أنت...
