بعد نص ساعه من بداية التنضيف
كان مراد بيصحح الامتحانات وزينه واقفه بعيد بتنضف وبتكلم نفسها
زينه بتكلم نفسها : الهي يخصك بداء يبعيد ....والله انه جالي الغضروف بدرى ... يرحم شبابك يا زينة ...كنتي غلبانه والله دلوقت هتمشي تتلقحي يمين شمال ... اشوف فيك يوم ياللي في بالي ..حسبي الله ونعم الوكيل في كل ظالم واولهم انت...انا يارب ااا اللي جابني انهارده ..مكونت قعدت معززه مكرمه في البيت ولا شغله ولا مشغله واختي تكنس وتروق وتطبخ
مراد :مش انتي بردو اللي بتعملي كل دا واختك حاطه رجل ع رجل
زينه بخضه :عاااااااا اعوذ بالله من الخبث والخبائث ... في حاجه اسمها احم مش تنط فجأه كدا ...هو انت قطعت خلفي انهارده كام مره؟
مراد :هو انتي لي مش مقتنعه ان انا هنا دكتورك ... يعني بايدي اسقطك سنه ...او ازود بالعقاب ..او او او ...يعني كتييير
زينه: ايوا وانا عملت اي يعني ...بعاملك بكامل الاحترام ..واصلا اول مره احترم حد بالشكل دا
مراد :حيحححح بصي انتي تخلصي على طول كدا ويلا علشان المحاضرة هتبدا بعد 5 دقايق.... ويلا علشان تاخدي امتحانك وتغوري ع البيت ...الا صحيح والدتك عامله ايه ؟
زينه :لسا زي ما هي بس الدكتوره طمنتنا يعني
مراد: ممم الحمدلله ..... يلا كفايه كدا وتكملي بعدين
زينه : ولا بعدين ولا قبلين
مراد :هو لسانك متبري منك يبنتي ؟
زينه :لا اله الا الله ما هو جوا في حاله اهو
مراد :طب يلا يختي ع المدرج يلا
زينه: يختي!! ...مكونت الدكتور المحترم دلوقت ولا لازم تطلع العرق المصري عليا
مراد : اقسم بالله اما اتكلمتي معايا باحترام لهخليكي تكرهي اليوم اللي عرفتيني فيه
زينه بتجاهل :صدقني اصلا انا بكره اليوم اللي قابلتك فيه من غير متخليني اكرهه
مراد : هو انتي جبله مبتحسيش ..هاااا ...دخلوكي طب ازاي يعني لو سمحت ....قولي انك كنتي بتغشي بقا
زينه :اغش اي ... انا كنت الاولى دايما على دفعتي ... ودايما المدرسين كانو بيقولولي الدكتورة زينه ... ياااه اشتقت لثانوي ومدرسينها ...كانو لطاف جدا مش اعوذ بالله
مراد :هححح اتفضلي امشي قدامي وانتي ساكته ...بما انك بتموتي في التحديات ..ممكن نلعب لعبه ..... تفضلي ساكته لآخر اليوم ولو كسبتي هتترحمي من باقي عقابي
زينه بابتسامه وهي بترفع ايدها وتنزلها زي كدا 💪: ooohhh yeees ... موافقه أدام الموضوع في مصلحه
مراد وهو بيقف قدام بابا القاعه :هما اتنين ...تهورك ولسانك اللي هيودوكي في داهيه
زينه وهي بتجري لمقعدها :الحرييييه
