﷽
#الـهَـيْـمَـنـة
بِقَلمَي : مَيَار التَّمِيمِي
متابعة الحساب + التعليق بين الفقرات لطفاً 🤍
instagram : t_5ub
على الرغم
من إنني شخصٌ سريع الملل
لا أمِلُ منكِ
ولا من أحاديثكِ
وتفاصيلُ يومكِ
وشؤونكِ الصغيرة والكبيرة
لا أملُ من الرجوعِ إليكِ
كل ليلة ولا أمِل من مزاجكِ
وطريقتكِ التي تُحبيني بها
ولغتكِ الخاصة
التي تُحدثيني بها
لا أملُ منكِ ابدًا.
غـديـر
بـعـد مــا اتفقنة قررنة الـيوم نروُح نعقد محكمة وبعدها نروُح نتغده بمطعم وطبعاً ميس ويانة مــا نعوفها وحدها لازم ويانة بكلشي ، بدلنة وطلعنه بسيارة وحده أبسل يسوق وصهيب يمة واحنه ثلاثتنة كاعدات ورة ، الفرحة ماليتنة ومشغلين معزوفات صهيب يطك اصبع وابسل يصوفر واحنه خربانات ضحك
وصلنه للمحكمة ولان أبسل المحامي صديقه مطولنة وتبهذلنه بساع خلصنه وطلعنه للمطعم ، أبسل وصهيب ثنيهم مــا يحبون الاماكن العامة وتلعب نفسهم ويتضجورون خصوصاً صهيب فَــ اوُل مدخلنة للمطعم صعدونه للطابق الثاني واخذولنة طاوله زاويه حتى منبين
خلصناها سوالف وضحك حيل تونسنة بـعـد الأكل نزلنه حلويات واخر شــي اجة النادل علمود لحساب المطعم جَـان راقي واسعارهم تفلش وجههم صــار احمر وواحد يباوع بوجه الثاني واحنه فاطسات ضحك بالاخير اتفقوا لحساب بالنص ودفعوا ثنينهم
بــس راح النادل اردف صهيب
- لـو ادري ولا اجي ولجن انتن كَـافي عليجن ابو هاشم الي يبيع موطة براس الفرع
ميس انهارت مـن الضحك متكدر تعلي صوتها لان زحمه مـن الناس بقت بــس تونون وهذا صهيب ميسكت يذلنه بالفلوس الدفعهن طلعنه بقينه نفتر بالسياره والاغاني عالية مشغلين اغنيه حسام " بلاني " وصهيب يطك اصبع ويغني ويا صوته بي بحة وحلوُ كُـل شــويةَ يلتفت على فنار ويأشر عليها وهيه الضحكة شاگة حلكها وخدودها حمر ، وابسل عين عليه وعين على الطريق ويصوفر وميس تصفگلهم جانت طلعة مـن العمر
رجعنة للبيت باركولنه وكل واحــد راح لغرفته نرتاح
أنت تقرأ
الـهَـيْـمَـنـة
Romanceأتقبلني بما أشعُر ؟ بأخطائي وما يصدُر وما آتيك بالكلماتِ عذرًا عندما أعثُر ! أتقبلني بما فيَّ؟ بدمعي فائض القطرات ضعفي عندما أخسر أتُمسك جيدًا بيدي وحيداً عندما أعبر؟.
