﷽
#الـهَـيْـمَـنـة
بِقَلمَي : مَيَار التَّمِيمِي
متابعة الحساب + التعليق بين الفقرات لطفاً 🤍
instagram : t_5ub
خِايف مَن أوصِفك
تشتَهيك الناسِ
مَو ذنِبي مَن أوصِفك
وأرتکَب مُنکر
أسمَر مِا تصَير
أتحِدة شمَس الصِيف
مَن وجهِك أخَاف
اعِلى الشمَس تسِمر .
سـديـم
استغربت من الرسالة مــنين ؟ البيت كلهم عـنـدي ارقامهم اتوقع الرقم غلطان عفت التليفون وما اهتميت لبست حجابي ونزلت نظفت الصالة والبيت كله ووياية غدير وفنار انقهرت على ام ميس كاعدة بالصالة ودمعتها بعينها عفت كُـلشي ورحت كعدت بصفها لزمت ايدها واردفت
- لتضوجين خاله ادعيلها اللّٰـه يوفقها بحياتها لان هواية تعبت هـيـة
أبتسمت وكالت :- بنيتي الوحيدة هــاي بعدني مــا شبعت منها
سـديـم : يا خاله قــابل ويــن هـيـة هــذا بيتهم بُـعـد عنة بــس فرعين كُـل مــا تشتاقيلها اتصلي على عزيز وكوليله يجيبها ميگول شــي بـَعديـن أحـنـة هـنــا كلنه بناتج واي شي تحتاجي اطلبي وتتدللين
جرتني باستني وكالت :- بـعـد روُحـي اللّٰـه يوفقج ويرزقج الذرية الصالحة
أبتسمت وكلتلها :- حبيبتي انتِ
كمت مـن يمها اكمل تنظيف رتبت المطبخ اخر شــي وصعدت للغرفة اخذت ملابس ورحت سبحت طلعت امشط فات دثار باوعلي وأبتسم بادلتة الابتسامة اتقرب مـنـي وكف وراي غمض وخله خشمة بشعري همس
- يـصـيـر نعرس وياهم أحـنـة هَــم ؟
بلعت ريگي بخوف وهمست
- لا ميـصـيـر
دارني عليه وعيوُنة تتأمل تفاصيل وجهي همس
- مــا تحنين علية ؟
نزلت عيوني واردفت مزعوجة
- عيب عليك لتحبها تتدري بهاي سوالفك
ضحك مـن كُـل گلبه وكال
- تخيلي تتدري ٲنـي متزوج وراضية
دفعتة وابتعدت مـِنه صاح
- اخ معطبة گلبي بفهاوتج
- شمسويتلك
- شمسوية لا ممسوية شــي بــس شاعلة اهلي
درت وجهي اضم ابتسامتي باوع على شعري وكال
- جيبي المشط وتعاي ٲنـي امشطلج
راح كعد على الجرباية اخذت المشط ورحت كعدت كدامة يمشطلي لحد مــا كال
- هــذا المطي بعده اليوم تزوج ونساني
- دتحسسني حَــبيبتك عوفة غـيـر عريس
دثــار : متعود نـسـولف هيَچ وكت هســه اخابرة يطلعلي مغلق
متت ضحك عليه شلــون ضايج ويحجي مـن كُـل گلبة كمل شعري وكمت خليت عطر باوعتله واردفت
- اطفي الضوة لـو تشتغل ؟
أنت تقرأ
الـهَـيْـمَـنـة
Romanceأتقبلني بما أشعُر ؟ بأخطائي وما يصدُر وما آتيك بالكلماتِ عذرًا عندما أعثُر ! أتقبلني بما فيَّ؟ بدمعي فائض القطرات ضعفي عندما أخسر أتُمسك جيدًا بيدي وحيداً عندما أعبر؟.
