﷽
#الـهَـيْـمَـنـة
بِقَلمَي : مَيَار التَّمِيمِي
متابعة الحساب + التعليق بين الفقرات لطفاً 🤍
instagram : t_5ub
أنتِ التي أحبهَّا
وأنتظرها دائمًا ومعها
أفرط بالحنيّه رغم قساوتي
أنتِ الوحيده التي أريدها
أن تقترب مني حين اكون
لا أود أقتراب أي احدًا
أنتِ كل الأشياء التي أحبها
وأنتمي إليها
أنتِ الأمان الذي أحارب به خوفي .
سـديـم
ووگف گلبي مـن گال
- معندج جواب لان ابوج واخوج عايشين !
تصنمت بمكاني والكل عيوُنه عليه ومصدومين اردف جدهم
- شتمسلت انتَ غـيـر ميتين اهلها ؟
ضحك وكال :- اسألها يــابة وشوف شتگلك
باوعلي جدهم واردف :- بنيتي صـــــدك هــذا الحجي ؟
بلعت ريگي ورفعت عيوُني لمهيمن جاوبتة
- واذا أبوية واخوية عايشين شتفرق عندك ؟
أبتسم وكال :- وليـش زوجج المُحترم كال اهلج ميتين ؟
فريت عيوُني داجاوبة وانصدمت مـن شفت دثار واكف يم باب الصالة ومكتف ايدية وديسمعلة ومحد جَـان منتبهلة أشرلي براسة بمعنى احجي رجعت باوعت لمهيمن وكتلة
- دام دثار يعرف كُـلشي عن حياتي مالك حق تتدخل
باوعتلي الحجية وكالت
- هســه أحـنـة شفتهمنة شمالكم يـمـة
سوة حركة بحلگة وكال
- متريد تحجي خلوني اني اسولفلكم جنتكم المصون چـَانت بالشارع اهلها شمروها بتهمة شرف
كلبي صار ينبض ببطني اتقرب دثار بهدوء والكل عاف السالفة وركز على حركاتة خايفين مـن ردة فعلة اتقدم وكعد يـمـي وحط رجل على رجل اردف وموجه كلامه لمهيمن
- كمل
ارتبك وبلع ريگة متوتر اردف
- مــو المفروض حضرتك تسولفلنة الحقيقة
ضحك مستهزء وكال
- وحضرتك هــواي تعبان على المعلومات الجايبهن
ضحك وكال :- غـيـر اخاف على سمعت ابن عمتي
رفع حاجبة واردف :- خاف على سمعتك اوُل وبـَعديـن خاف على سمعتي سوالفك كلها يـمـي ، نصيحة خليك بعيد عن حياتي وحياة مرتي ولا تحاول تحشر خشمك حتى مــا تندم
أنت تقرأ
الـهَـيْـمَـنـة
Romanceأتقبلني بما أشعُر ؟ بأخطائي وما يصدُر وما آتيك بالكلماتِ عذرًا عندما أعثُر ! أتقبلني بما فيَّ؟ بدمعي فائض القطرات ضعفي عندما أخسر أتُمسك جيدًا بيدي وحيداً عندما أعبر؟.
