#هيل محمد
#الثار
lnsta: hail.__3
تصويت ومتابعه للحساب وتعليق حلو قلبااايي
عندما نلتقِي :
عانقني عشرون ثانية وأعتذر بعينيكِ عن كل هذا الغياب و أرحل مرة أخرى وسأغفر لك ..
◡◡◡◡◡◡◡◡◡◡◡◡◡◡◡◡◡◡◡◡◡◡◡◡
هيلين..
صار الصبح وكلنا ع نفس الكعده محد كدر ينام مكالمات الولد كل شوي واحد وتصير هوسة يمهم ضباط من البارحة ويدورو ع ايلين بعدت راس رنا وبستها خليت جواها مخده وكمت اشرب ماي من المطبخ رعشه بجسمي
شحال اختي هسة ايلينتي رجعي
بجيت وانا احجي وحدي
:- ارجعي وعد ما اغثج اسمع كلمتج وما اردج روح روحي افديج بعمري بس رجعي رجعي شوفي شحالنا كتلنا الخوف عليج وينج شكلتي شنو شربتي عمت عيني عليج
حسيت بشخص حاضني لتفت شفتو زكريا دفنت نفسي بحضنو وابجي
زكريا: راح ترجع وعد مني نلكاها ونرجعها ادعيلها ترجع وبخير هم لتضعفين باران خطيه شوفيها شلون كاعده لوحدها
هيلين: راح اموت ع اختي زكريا راح اموت شصار بيها شحالها هسة وين بنص منو يا ناس يا بني ادمين
زكريا: هيلين هدي نفسج مو زين عليج
وعد ترجع شو باعيلي باعي
رفعت راسي ادحك بي مد ايدو يمسح بدموعي باس راسي وهو يحجي بكل هدوء
زكريا: وعدتج هسة انا شوفي شحالنا كلنا نريدها ترجع باعي كرار ضغطه معلك من البارحة وابوي سكره شكل جدي وضعه اصعب وكلنا جاي نتحرك محد بينا واكف مكانه كلنا نريدها ترد بسلامه صيري قويه لخواتج
هيلين: حيل محتاجة احد يواسيني حضني بقوه
مد ايدو ع بطني يتلمسها
زكريا: حبيبته ابوها مدري ابوه خوما ما مامتعبج
هيلين: شوي ضهري يوجعني
زكريا: اكعدي يا عيني كعدي اريد اعترف بشي هو سخيف بس اريد اغيرلج جو
مسحت دموعي وكعدني ع كرسي وكعد ع ركباتو كدامي
:-شنو هو بالله؟
زكريا: جنت اداهرج الوكت كله احب اداهر وجنتي لسانج رشاشه وينه هسة نبلع
هيلين: ها تريد نرجع نتعارك مو عقدنا هدنا
زكريا: لا محلوه اريد هيلين ام لسان الي باول
يوم اجت بي استلمتني
هيلين: وانته ماقصرت
زكريا: غير انتي حشرتي روحج بيه جان
لازمم نسوي الواجب وياج
هيلين: اي وتهددني مو وتجبرني ازوجك
زكريا: غير من هددج نبلع لسانج خربت ضحك عليج بزونه تخرمشين ولسانج هطولة بثواني نبلع بعد ما طلعلج حس
أنت تقرأ
الثأر حكم العاشقين (الأصلية)
Randomثأر قديم اطلق عليه بـ «اللعنة» يهدد حياة احفاد العامر يستهدف كل ما هو مبني ليتهدم تسقط الاسقف المبنية ويكسر القلوب النقية يمشي هذا الثأر كتلة من النار التي تلتهب كل شي يحيك الموأمرات والنزاعات ويفرق الاحبة دمار ولعنة تحل ع كل ما هو قريب من ذاك...
