عقارب الساعة

الجزء الثاني

شكلي كل شوي بسأل نفسي هالسؤال لين ما الاقي الجواب الي مادري متى بلاقيه
...
ببيت الجازي
ونفس الشي عند الجازي
كلهم متيمعين ويحاولون يعرفون السبب
بذمتكم ما خليت العايلة كلها تجتمع
مو بس رمضان يجمعنا حتى انا
والله السموحه ماقدر امنع نفسي من الضحك بس بس لازم امنع نفسي عشان اكمل لكم
بس ثواني لازم اشرب ماي الضحك عطشني وانتو بعد روحوا شربوا ماي
والحين اكمل لكم الي صار
وسام : يبا لازم تكلم عمي تعرف منه الي صار
اوكيه اتوقع فهمتوا وسام منو
اي نعم مثل ما توقعتوا اخو الجازي
عمي : اكلمه شقوله يعني ليش ولدك منع زواج بنتي !!
وسام : اي يبا لازم نعرف اذا سلطان يبيها ولا لا
سهيل : دقيقه يبيها ولا لا الاولوية ل فراس اهو الي طلبها اول
عمي : ما تقدر تقول جي جدام عاداتنا وتقاليدنا
التفت وسام ل ديبا : السموحه منج بس بتكلم
بعد نظره منها وطالع عمي
قبل لا اقولكم شقال لعمي لازم تعرفون منو ديبا
الله يسلمكم ديبا تكون اختي حبيبة قلبي
وسام : مادري ليش احس انه سلطان راح يستحقر وراح يقول انه يبيها واهو من الاساس ما يبيها
طبعاً اختي حبيبة قلبي سمعت كلام عني ف لازم تدافع عني
ديبا : سلطان عمره ما تكلم عنها ف اكيد ما يبيها
وسام : زين ما تفسرين لي ليش رفض زواج الجازي من فراس ؟
ديبا : والله انا مستغربه مثل ما انتو مستغربين ما عندي اي فكرة عن سبب رفضه
سهيل : وسام لا تضغط على زوجتك سلطان صدم اهله قبل لا يصدمنا احنا
وصيف : زين يعني الحين شلون فراس يبي الجازي ويحبها
زوجة عمي : يابو سهيل كلم سلطان حرام يكسر بقلوبهم
عمي : ابشري راح اكلمه ….
قاطعه رنة تلفونه
وكان ابو فراس داق عليه
طلب منهم يسكتون عشان يقدر يرد عليه
عمي : الو
ابو فراس : الو هلا ابو سهيل عساك فاضي ؟
عمي : اي يابو فراس فاضي امرني
ابو فراس : تعالوا باجر عندي الساعة ٩ بعد صلاة العشاء ان شاءالله
عمي : ابشر ان شاءالله بس عسى ماشر ؟
ابو فراس : كل الخير ان شاءالله
عمي : ان شاءالله
سكره من ابو فراس
بعد عيونه من تلفونه وطالع وصيف : شكله ابوج راح يمشي على الحل الثاني
وصيف ب ابتسامه : ان شاءالله عاد سلطان يوافق
زوجة عمي : ديبا يمه ما عليج امر طلي على الجازي
بنفس اللحظة الي كانت زوجة عمي تكلم ديبا
يت رسالة بتلفون وصيف وكان من فراس
طالب منها تبلغ الجازي انه ناطرها فوق السطح
وصيف : ديبا قلبي خليج انا اساساً كنت بشوفها
اتجهت وصيف لغرفة الجازي وهي تتلفت
تتأكد مافي احد لحقها عشان تقدر تبلغها عن وجود فراس فوق السطح
دقت الباب ودخلت من ..

دقت الباب ودخلت من غير لا تسمح لها الجازي
شافتها منسدحه على السرير
دخلت وسكرت الباب
اتجهت لها بخطوات هاديه : الجازي مو وقته الحين بتنحل ان شاءالله
التزمت الصمت
اقتربت منها : قومي فراس ناطرتج فوق السطح
الجازي بنبرة حزن : مابي
وصيف بحده : الحين اخوي شكو تزعلين منه ؟!
الجازي : من قال زعلانه منه بس قلبي بعورني ان شفته بعد الرفض الي صار
سحبتها من ايدها وقومتها من السرير ونطقت بغضب : اقول لا تخليني اعصب عليج روحي شوفي فراس شنو بقول بعدين عبالج فراس راح يستسلم خلاص والله شنو ؟ سلطان رفض زواجكم يبا خلاص مابي اتزوجها !! اذا فكرة جي فراس بفكر ف انتي غلطانه …
قاطعتها والدموع تتساقط من عيونها : ورب الكعبه مو قاعده افكر جي اعرف فراس شلون يحبني بس قلبي بيتألم انه شفت فراس مكسور
خذت الجازي بين احضانها : بعد عمري ما عليه فترة وتعدي وان شاءالله ينحل هالموضوع ونفرح فيكم
بعدت نفسها من بين احضانها : بس الحين مسحي دموعج وروحي شوفيه مسكين زين ما طاح وهو يتسلق عشان يشوفج
هزت راسها بالايجاب
طلعت من الغرفة متجهه له
طلعت من الغرفة بس مو نفس كل مره
كل مره يشوفها فراس كانت توقف جدام المنظره " المرايا " تعدل شعرها
تتسبح بالعطر لدرجه يحس فيها انها صعدت السطح من ريحة العطر الي سابقتها
رفضي ل زواجهم خلاها ما تهتم بشلون راح يشوفها فراس وصعدت له
اتجهت له بخطوات هاديه
كانت عيونها على الارض
ما تبي عيونها تصادف عيونه ويشوف انتفاخ جفنها من البجي
ولا تبي تشوف كسرته داخل عيونه
اول ما شافها اتجهه لها بخطوات سريعه : قلبي !
لاحظ انتفاخ جفنها : قلبي ممكن تطالعيني ؟
هزت راسها بالنفي
فراس بغصه : ليش يقلبي انتي ليش تبجين وتعورين قلبي من اشوف عيونج الحلوه ذابله ابيج تطمنين ابوي شاف حل وباجر ان شاءالله راح نجتمع بالبيت كل شي راح ينحل
رفعت عيونها ل عيونه ونطقت ب ابتسامه : صج ؟
هز راسه بالايجاب وبادرها الابتسامه : والله قلبي شنو ما صار انتي بتكونين لي انتي بتصرين حلالي
لا شعورياً انزلت دموعها الي كانت تحاول جاهده تمنعهم انهم ينزلون جدام فراس
فراس بنبرة حزن : تكفين لا يروحي لا تبجين قاعده تقطعين قلبي مارح اسمح لهم يفرقونا انا لج وانتي لي وانتهى الكلام
هزت راسها بالايجاب بخفه
فراس : يلا مسحي دموعج لا تخليني اتهور وامسحهم لج شغله وحده ممكن يفرق بينها واهو الموت غيره لا تطمني
الجازي بعصبيه : اسمله عليك من الموت وانت لا تخليني اتهور واخلي صبعي يسكتك
مسحت دموعها بكفها
فراس : تطمني زين قلبي ؟
الجازي : ان شاءالله
فراس : .