عقارب الساعة

الجزء الخامس

اللحظه الي كانوا يتمنونها من زمان تحققت
شوفتها بالفستان الابيض بالنسبه ل فراس كأنه ملك الدنيا كلها
كل خطوه يخطيها لناحيتها تزيد بدقات قلبها وقلبه
اول شي سواه فراس من اقترب منها
اخذها بين احضانه
الحضن الي كان يتمنى يحضنه لها من اول ما دخلت قلبه وبدا الشوق لشوفتها من تكون بعيده عنه
كان محاوطتها بقوه
كأنه يشرح لها اشكثر كان ناطر هاللحظه الي ياخذها بين احضانه
كأنه قاعد يعوض نفسه على الايام الي كان يتمنى يحضنها فيه من يكون الشوق لاعب فيه لعب
اما الجازي الي كانت تحس ب احساس جداً غريب وجميل بنفس الوقت
من دقايق كانت بين احضان سهيل
وبحضنه لها كانت تحس بالامان
والحين هي بحضن فراس
الي حست بالفرح والامان والحب
بحضنه لها خلاها تطير فوق من الوناسة
.
.
..
على ساعة ٢ بلليل
الكل اجتمع بغرفة الجازي
الا ديبا الي كانت نايمه وما تدري عن هالاجتماع
دخل وسام وبعد ما تأكد انه الكل بالغرفة
سكر الباب وقفله للاحتياط من دخول ديبا عليهم
وسام : ها ان شاءالله ما تأخرت ؟
زوجة عمي : لا اقعد خل نشوف الصور
وسام : الحين صج يعني واتس وعندنا خو دزهم لنا بدال لا قاعدين ب هالليل عشان نشوفهم
سهيل : راح ادزهم لكم بس حاب كلنا نشوف الصور الي صورتهم للجازي وهي بالفستان الابيض
بدا منصور يوريهم الصور والفيديوهات الي صورهم
وصيف بقهر : اخخخ باط جبدي سلطان حرمنا من شوفة الجازي بالفستان الابيض الصور ما تكفي والله
سهيل : ما عليه ياروحي بس يرجعون بالسلامه راح نسوي لهم عرس شرايك يبا ؟
عمي : اذا ما صار شي نسوي ليش لا
فز وسام من مكانه من شاف ديبا قعدت
وسام : قعدت قعدت خل اقوم
زوجة عمي ب استغراب : هو شدراك انها قامت ؟
ضحكت وصيف : من تلفوني
وسام : شسوي لا تضحكين مو انتو ما تبونها تعرف انه الجازي تزوجة فراس
سهيل بفضول : تلفون وصيف شنو يسوي عندك ؟
وسام : طلبت تلفون وصيف منها وهي ما قصرت دقيت على نفسي مكالمة فيديو وحطيت التلفون مكان اقدر اشوف فيه ديبا المهم انا بقوم قبل لا تطيح علينا اهني
عطى التلفون ل وصيف
اتجهه للباب وفتحه
وصيف : دقيقه بتروح لها جي عالاقل دقيقه
اخذت الماي الي كان فوق التسريحة
وعطته ل وسام : هاك كان لي بس مو مشكله الحين انزل واييب لي اخذه على ساس كنت نازل تييب ماي
ابتسم : الله لا يرحمني منج يا بنت الخاله
طلع من غرفة الجازي بخطوات سريعه متجهه لغرفته
اول ما فتح الباب شاف ديبا بويهه
اخترعوا من بعض
وسام:خرعتيني قلبي شعندج قاعده ؟

ديبا : والله انا الي قلبي طاح عالارض شفتك مو موجود وكنت ابي ماي قلت انزل للمطبخ واشوفك مره وحده وينك
اشر على الماي الي بين ايدينه وهو يبتسم : يبت ماي ماله داعي تنزلين
دخل الغرفة وسكر الباب
.
.
بعد مرور ثلث ايام على زواج الجازي من فراس
لا زالوا بمصر يقضون شهر عسلهم
كانت ديبا فاقده الجازي
ثلث ايام ما شافتها
كنت تحسب انها زعلانه عشان انا رفضت تتزوج فراس
كانت تتخيل الجازي
مكتئبه نايمه لا تاكل ولا تشرب
حبت تطمن عليها
قامت من على طاولة الطعام وصعدت لغرفة الجازي
طقت الباب
مره مرتين ما شافت جواب منها
دخلت وسرعان ما عقدت حواجبها من شافت الغرفة فاضيه
طلعت من غرفة الجازي متجهه لغرفتها
كان وسام يغير ملابسه يتجهز لدوامه
سكر باب الغرفة وتقدمت للسرير
قعدت على طرف السرير ونطقت : قلبي الجازي فيها شي ؟
فصخ تيشيرته وهو ينطق : لا قلبي مافيها الا العافيه
توسعت عيونها من شافت احمرار بكتفه
قامت بخطوات سريعه لجهته ونطقت بخوف : قلبي شنو هذا ؟
تقدم للمنظره " للمرايا "
وشاف الاحمرار الي تكلمت عنه
ديبا بخوف : قلبي هذا من شنو ؟
وسام ب استغراب : امس وانا اخذ شور نزل على ماي حار بس بسرعه سكرت الماي يعني ما توقعت جتفي بصير جي
نطقت ديبا بغضب : وليش ما قلت لي
اتجهت للصيدلية الي موجوده بالحمام
فتحتها واخذت كريم للحرق
اتجهت له بخطوات سريعه : ليش جي تحرق قلبي لو قايل لي من امس جان ما احمر جتفك جي
ابتسم : يا بعد عمري الي تخاف علي
رغم الي صار مع وسام الا انه ما نست موضوع الجازي
فتحت الكريم
حطيت شوي على صبعها السبابه ووزعته على جتفه وهي تنفخ على المكان : سولف معاي عشان لا تحس بالالم
جمع اصابعه بقبضة ايده من الالم ونطق : شقول يقلبي شقول لو اتكلم مني لي باجر راح احس بالالم
ديبا : قاعده احاتي الجازي وينها صارلي ثلث ايام ما شفتها ومن رحت لها الغرفة ما شفتها
تألم وسام ونطق : قلبي شوي شوي
نفخت على مكان الحرق : ما عليه يقلبي ما عليه طبيعي بيحرقك
عدل قعدته لجهتها ونطق : وعديني ما تقولين لاحد
عقدت حواجبها ب استغراب : وعد بس على شنو ؟
وسام : اول شي مابيج تزعلين تمام
رفعت حواجبها بعدن فهم : شسالفه حبيبي الحمار الي على جتفك من شي ثاني صح؟
هز راسه بالنفي : من الماي بس الي بقوله لج يخص الجازي
ديبا ولا زالت مستغربه : بما انه يخص الجازي ليش ازعل
وسام : انتي سمعي بالاول بعدين راح تعرفين
ديبا : زين قول وانا بلف جتفك بالشاش
وسام : خلي جتفي بعدين سمعيني بالاول
ديبا : تمام قول اسمعك