قَدُر أيّوِبّ
اتمنالكم قرآءة ممتعة + لا تنسون التصويت والتعليق بين الفقرات حبايبي ❣️
والمتابعة الحساب ☺️🌼
بقلم غزل حسين 🖋️📖
اللهم إني أصبحت أشهدك، وأشهد حملة عرشك، وملائكتك، وجميع خلقك، أنك أنت الله، لا إله إلا أنت، وأن محمدًا عبدك ورسولك 💙💙.
أيوب : يلا حارث خاطر نرد للدار تأخرنا مامش وكت بالعجل
حارث : جايك بس اسد الساكية شني لميت الغراض
أيوب : غراض الاحراثة لميتهن كلهن وطلعنا بدربنا للدار وجان اشوفن عمي ناظم بالباب خيرك عمي صاير شي
ناظم : لا عمي ماكو شي لكت عندي جملتين ويا أمك طب جوا ولا يضل أعلى بالك
ساهرة : بسك عاد احجي جدام ايوب وليدي موش صغير هو زلمتنا عگب أبوه
ناظم : أنه رأيدج طلكي حازم وانه اخذج واعيشج عيشة ما حلمتي بيها ولا أحد عاشها كبلج
أيوب : شديت قبضة أيدي شني عمي أنت ما تخجل أعلى حالك موش زلمة خاطر تتنوع لحرمة ابن عمك
ساهرة : بحدة يمة لا تخاف هذولة نساوين لكت بهيئة زلم موش براسهم حظ أطلع برى داري يا ناظم وايااااك تراويني وجهك ولك عندك ٣ نساوين يلما تملى عينك بس الاتراب
ناظم : لون عندي مية اخذج اخذج والا اضوكج المرة الي جرعته من فراكج يابت عمي احبنج ليمتى تحسين بية ولج عگبج لا ليل ولا نهاري نهار شمالج علية
أيوب : أطلع برااااا يلاااا يالبعت أصلك وموش برأسك غيرة وناموس دفعته ودفرت الباب وأنه داخلي نار ما تخمد وكلي ارجف من أعصابي شني من زلمة هذا
ساهرة : طلع وراح الحمد لله كبل لا يجي حازم خلص أيوب وليدي لا تجيب طاري لأبوك لا أنت ولا حارث لخاطري يايمة ما أريدن يصير شي أحنا بغنى عنه شكلت يايمة
حارث : صار يمة مشيت أغسل خاطر اكعد تعبت
أيوب : جاا شني يضل يتنوعلج وأبوي ما يدري ما يصير هذا لزوم يتربى وأبوي لزوم يدري شني صاحبه
ساهرة : لا يمة بعد ما يتجرأ يهوب صوبنا تعال داخل يمة وهدي روحك لخاطري وليدي تعال تعال يمة
أيوب : كلش ضجت من الي صار ابوي يثق بي تالي هو يطلع خسيس ويخون صاحبة وابن عمه يا حيف أعلى الشوارب التارسة وجهك يا ناظم
ساهرة : ضليت افكر شني اباله وعلى شني ناوي ما انكر خوفني وهذا كلشي يطلع منه لخاطر نفسه ونزواته لميت جهالي وكعدنا ناكل بس تنوعت أيوب موش على بعضه كبر كبل أوانه حازم دومه يعلمه سوالف الاكبار ويأخذ شوره يكول أريده زلمة لأجل يعيني اعلى الوادم وانه بين أفكاري سمعت صوت الباب تنوعت دخل حازم علينا بهيبته وطلته الحلوة ومن شافني وجه تبسم مثل عادته
أنت تقرأ
قَدُر أيّوِبّ الأصلية
General Fictionهو شاب قدر له أن يحمل عار أبيه على عاتقيه وهو يردد من يعيش في خوف وظلم لن يكون حراً أبداً هل يخضع أيوب لقدره أم له رأي آخر ( أحداث قصة حقيقية 100٪ لكن لا تخلو من خيال الكاتب وتستحق دعمكم ) ( لا أحلل بنشر الرواية بأي برنامج كاملة )
