قَدُر أيّوِبّ
اتمنالكم قرآءة ممتعة + لا تنسون التصويت والتعليق بين الفقرات حبايبي ❣️
والمتابعة الحساب ☺️🌼
بقلم غزل حسين 🖋️📖
لبنى ٠ ٠
مــــــن يا لـــــــــيش نـــــــبـدي ويـاك وانـــــت بــــكـل عــــــذر چـــذبه 💔
لبنى : كاعدة بالمكتب جاي أشرب قهوتي بكل هدوء والشغل كدامي جاي ادقق بي واجه ابالي البيت لزمت الكوب بيدي ووكفت على شباك اليوم لابست طقم تنورة قصيرة وقميص وسترة وللعلم اني سافرة مو محجبة اباوع للناس المارة كلمن ملتهي بهمه وحياته وأني أحس همي كبر هالكون شوكت أمي تحس بية وتتحمل مسؤلية البيت ولشوكت ابوية يضل ساكت كدام تسلطها علينا مو والله تعبنا واني بين أفكاري سمعت صوت الباب تفضل
هديل : اكو رجال جبير ومعاه بنته يريد يشوفج
لبنى : رجعت للمكتب وكعدت رجعت شعري لورا اذني وريحت ظهري على كرسي خليهم يتفضلون جان يدخل رجال جبير يطلع عمره ٦٠ سنة ومعاه بنته تطلع نهاية العشرينات تفضلو
:- السلام عليكم أستاذة
لبنى : وعليكم السلام ورحمة الله تفضل عمو اكعد
:- والله جاي على مود بنتي محد يقبل يشيل قضيتها كلها اتكول خسرانة واني من سمعت عنج جيتج بس اكو مشكلة صغيرة
لبنى : تفضل شنو هي المشكله
:- استاذة حاليآ ما عندي أتعاب القضية بس تصبرين عليا بعدين ادبرهم الج والله
لبنى : ما يهمني هالموضوع وعادي شوكت ما ادبرهن اني هسه خلي افهم القضية وبعدين نحجي بالفلوس ممكن تحجيلي قصتج وشسمج عمرج
أسمي رغد : عمري ٢٢ سنة استاذه اني تزوجت زواج تقليدي حالي حال هواية بنات ورجلي بعد الزواج جان دائماً يعاملني معامله ما حلوة ومن واجهته وكتله ليش جان يكولي انتي مو اختياري اهلي هما الي رادوج زين اني شنو ذبني كلت يجوز يتغير مع الوقت ويحبني من يشوفني زينة وياه بس ما يفيد دوم يعاملني إهانة وضرب وقلة قيمة مع هذا بقيت ساكت يمكن ما تصدكين كلامي
لبنى : اني اصدك كلشي من الي اشوفه كل يوم بالمحاكم ومن الي داعيشه وسكوتج. أكبر غلط كملي
رغد : استاذة اني خلفت منه ٣ أطفال لحد ما اجه بيوم واكتشفت هو متزوج علية وبدون علمي ومن واجهته كلي بكيفي انتي مو الي أريدها بقيت ساكته خفت ياخذ جهالي مني
لبنى : هم غلط كملي لعد هذا شكد حقير
رغد : آخر شي طردني واخذ جهالي يكولي انتي مو مؤهلة تكونين ام وزوجة استاذة أني كلشي ما أريد بس جهالي فدوة
لبنى : كسرت خاطري تبجي وتريد جهالها رغم كل الي شافته من أذية مو مهتمة غير لجهالها لعد امي شبيها ليش ما تسوي مثلها مو ام لو احنا مو جهالها صحيت من أفكاري راح أخذهم الج ان شاء الله من بين عيونه ومع نفقة كل شهر واطلكج منه لا تخافين واما بالنسبه للاتعاب عمو لا تشيل هم بعد ما اكسب القضية الي يطلع منك نعم الله عليك
أنت تقرأ
قَدُر أيّوِبّ الأصلية
General Fictionهو شاب قدر له أن يحمل عار أبيه على عاتقيه وهو يردد من يعيش في خوف وظلم لن يكون حراً أبداً هل يخضع أيوب لقدره أم له رأي آخر ( أحداث قصة حقيقية 100٪ لكن لا تخلو من خيال الكاتب وتستحق دعمكم ) ( لا أحلل بنشر الرواية بأي برنامج كاملة )
