𝑩𝑟𝑜𝑜𝑘𝑙𝑦𝑛𝑛 𝑩𝑎𝑏𝑦

Part 2

Unicode~

"​ဒေါက်တာ ကိုယ့်ကို မမှတ်မိဘူး​လား"

မြင်ဖူးသလိုလိုရှိ​နေသည့်အ​ကြောင်း Brooklynnစကားမစဖြစ်။ အလကား​နေရင်း အသားယူစကားဝိုင်းဖွဲ့​နေမည့် သည်Alpha​ကောင်၏ ​ခြေလှမ်း​တွေကို ကြိုမြင်လို့​နေသည်​ကြောင့်ပင်။ ​ဆေးမှတ်တမ်းထဲ လိုအပ်သည်တို့ကို ထည့်​ရေးလိုက်ပြီး ထို​နေရာမှ လှည့်ထွက်ဖို့သာ ပြင်ရသည်။

"တကယ့်ကို စိတ်လက်တစ်သစ်နဲ့​ဆရာဝန်။ ဘယ်​အချိန်များမှ စိတ်ရှည်သလဲမသိဘူး"

"မင်း.."

ပြန်ရန်​တွေ့မည်လုပ်ကာမှ 'စိတ်လက်တစ်သစ်နဲ့​ဆရာဝန်'ဆိုတာကြီးကို တစ်​နေရာရာမှာ ကြားဖူး​ကြောင်း အမှတ်ရ၏။ ​ကောင်းလိုက်သည့်ဦး​နှောက်.. ​နေ့ခင်းကမှ အ​ပြောခံခဲ့ရသည်မဟုတ်ပါလား။ ယခုမှ Alpha​ကောင်၏ ရုပ်သွင်ကိုလည်း သတိရ​တော့သည်။ ​နေ့လယ်ခင်းက ​ကော်ဖီဆိုင်​ရှေ့ တစ်တစ်ခွခွတိုက်မိခဲ့ကြ​သေးသည်ပင်။

"တကယ်မမှတ်မိဘူးဆို ဝမ်းနည်းစရာပဲ"

"ဘာမှမှတ်မိစရာအ​ကြောင်းမရှိဘူး"

လှည့်အထွက်မှာ ခပ်​လှောင်​လှောင်ရယ်သံကို ကြားလိုက်ရ​သေးသည်။ သည်ညက အ​တော်​လေး အာရုံ​နောက်ရသည့်ညပင်။ အားလပ်ချိန်မိနစ်အနည်းငယ်မှာ ​တွေ့လိုက်ရသည့် လူနာက အချိုးမ​ပြေလှ။ ပိုလို့ပင် အ​မောဆို့စရာ။

"ဒေါက်တာခင်ဗျ။ ကိုယ်ခေါင်းနည်းနည်းကိုက်လာလို့"

လူနာက အဲသည်လိုအချုပ်စကားဆိုလိုက်ရင် သူ့မှာ ငြင်းစရာအကြောင်းပြချက်မရှိတော့။ တကယ်တော့ သည်Alphaက ဦးခေါင်းထိသည့် လူနာလည်းမဟုတ်။ ညာဘက်လက်မောင်းပေါ်က စုတ်ပြဲဒဏ်ရာကလည်း ချုပ်ရိုးကျက်သွားသည်နှင့် Dominant Alphaတစ်ယောက်အတွက် အမာရွတ်ကျန်ဖို့တောင် ခပ်ခက်ခက်။ သည်လိုတွေသာ လိုက်စဉ်းစားလိုက်ပါက ထိုAlphaကို လှည့်ကြည့်စရာမလို။

သို့သော် အခုချိန်မှာ သူကလူနာ ကိုယ်ကဆရာဝန်ဖြစ်ပြီး ကိုယ့်ကုသမှုနှင့် ဆက်ဆံရေးကို လူအများမေးခွန်းထုတ်စရာတော့ အဖြစ်မခံနိုင်ပါ။ တစ်စုံတစ်ရာမှားယွင်းသည့်သတင်းထွက်သည်နှင့် အနွယ်တော်မျိုးရိုးကလည်း အမြက်ထွက်လိမ့်ဦးမည်။ ခပ်နောက်နောက်စိတ်အာရုံကို သူအတင်းချိုးနှိမ်လိုက်ပြီး ပြန်လှည့်ကြည့်လိုက်တော့ ထိုAlphaက နှုတ်ခမ်းတစ်ဖက်တည်းကိုပင့်တင်ပြီး အထာကျကျ ပြုံးပြနေသတဲ့။