តាមស្នេហ៍ប្រុសចិត្តរឹង

[ក្ដីស្រឡាញ់]

ភាគ១

ផ្ដើមរឿង

បានបង្ហាញអោយយើងឃើញនៅវិទ្យាល័យមួយនៅប្រទេសថៃ ហើយយើងក៏បានឃើញប្រុសៗមួយក្រុមដើរយ៉ាងសង្ហាចូលទៅក្នុងវិទ្យាល័យនោះ សិស្សដែលបានឃើញពួកគេក៏នាំគ្នាជៀសចេញពីផ្លូវដើម្បីអោយពួកគេដើរទាំងភ័យខ្លាច ហើយក្រុមនោះគឺជាក្រុមដែលមានអំណាចជាងគេនៅវិទ្យាល័យនេះ ដោយម្នាក់ដែលដើរពីមុខគេមានឈ្មោះថា Fourth អាយុ18ឆ្នាំ ជាកូនអ្នកជំនួញដល់ល្បីឈ្មោះ ឯម្នាក់ដែលដើរនៅខាងឆ្វេងដៃគេមានឈ្មោះថា Prom អាយុ18ឆ្នាំ គឺជាកូនរបស់ម្ចាស់ហាងលក់គ្រឿងពេជ្រដ៏ធំមួយ ឯម្នាក់នៅខាងស្ដាំដៃមានឈ្មោះថា Winny អាយុ18ឆ្នាំ ជាកូនរបស់នាយកសាលាដែលពួកគេកំពុងតែរៀន ពួកគេទាំងបីនាក់រៀននៅថ្នាក់ជាមួយគ្នាហើយក៏ជាមិត្តសម្លាញ់ថ្លើមខ្នាញ់នឹងគ្នាដែរ

ទាំងបីនាក់ជាកំពូលសិស្សដែលរៀនមហាសែនខ្សោយជាងគេនៅក្នុងថ្នាក់ ហើយបើយាយពីនៅក្នុងថ្នាក់គ្មានធ្វើអីក្រៅពីដេកនោះទេ រីឯអ្វីដែលពួកគេចូលចិត្តធ្វើនោះគឺ ញ៉ែស្រី ដើរលេងនឹងធ្វើបាបសិស្សៗដែលទន់ខ្សោយជាងពួកគេ ហើយពេលដែលគេធ្វើបាបអ្នកណាមួយគឺគ្មានណាហ៊ានក្អកនឹងពួកគេទេសូម្បីតែគ្រូៗ ព្រោះតែពួកគាត់ខ្លាចអំណាចរបស់ប៉ាFourth
>> អយុត្តិធម៌ហា😭

"ហេ អាញី" គ្រាន់តែដើរចូលមកដល់ក្នុងថ្នាក់ក៏ឃើញចំណីរបស់ពួកគេកំពុងតែអង្គុយសរសេរមេរៀនដែលធ្វើអោយFourthញញឹមលាក់កំណួចហៅរហ័សនាមដែលគេតែងតែហៅនាយ

"បាទ" នាយកម្លោះបិទសៀវភៅយ៉ាងលឿនងើបឈរឆ្លើយតបទៅកាន់អ្នកម្ខាងទាំងសុភាព

"ឯណាទឹកដោះគោរបស់យើង" នាយតូចលើកចិញ្ចើមមួយចំហៀងសួរទៅនាយទាំងទម្លាក់ទឹកមុខដែលញញឹមលាក់កំណួចមុននេះចុះនៅពេលដែលងាកទៅមើលលើតុរបស់ខ្លួនមិនឃើញទឹកដោះគោ

"ខ្ញុំ ខ្ញុំភ្លេច សុំ សុំទោសផង" នាយកម្លោះបន្លឺទាំងរដាក់រដុបនឹងអោនសុំទោសនាយតូចយ៉ាងញាប់

"ពួកឯងប្រដៅវាចេញតិចទៅ" នាយតូចមិនមាត់បកដៃជាសញ្ញានឹងនិយាយប្រាប់មិត្តទាំងពីររបស់ខ្លួនអោយចូលទៅប្រដៅនាយកម្លោះ